بسم الله الرحمن الرحيم

ماودي انسق وارتب واكتب بانشائية لكن بيكون كلامي من القلب للقلب .

يعني بصراحه الواحد يقول بنفسه مايبي يصير منفعل ويكتب بعد المباراه على طول لكن الحرره للحين ماراحت عشان كذا وبعد متابعه اكثر البرامج المعروضه بكل القنوات قررت اني اشارركم بقناعه قديمه كنت اضن ان الاغلبيه يعرفها بس بصراحه اكتشفت ان اعلام المشجعين غيبها عنا لزمن طويل ومتى ما كان الاعلام يقوم بدور المشجع قولوا على الرياضه السلام ولو بعد حين .

ان معك يا سامي ان الشق اكبر من الرقعه ومعك ان الخلل مستمر من زمان ومعك ياعادل عصام الدين وانت تتكلم بكل حرقه عن المنتخب وبكل حب وبدون شخصنه النقد وتوجيهه لمنافسين ناديك والبعض للامانه كان صريح لكن بعد فوات الاوان لان عباره سلطان السعد ونواف الخير كانت ومازالت تردد بكل البرامج والجرايد .

ان وبقناعه اتوقع ان سلطان بالذات مايبي اللي صار يصير ولا اتوقع ان فيه عاقل يقول انه متعمد لكن السبب الرئيسي هم البطانه اللي كل جمعه ندعي عليهم لكن الشكوى لله كل مالهم بازدياد يعني بالعربي اذا صار القائد مو متخصص رياضيا حتى لو جلس مليون سنه مراح يفلح ويجامل حاشيته كل يوم يرضي نادي ويزعل الثاني اما نواف فاغلب الشواهد تقول انه متزن وقوي الشخصيه لكن يحن باوقات كثيره للاصفرين وهاذي مصيبه .

اما المشجعين فهم نفس الوضع وببدى بفريقي الهلالي يرى ان الاتحاد السعودي يجامل الاتحاد فتره والنصر فتره والاتحادي يرى العكس والنصراوي من زمان وهاذذي هي الشماعه وامس تفاجات ان الاهلاوي تكرست عنده نفس القناعه وسمى المنتخب بالكحلي مع العلم ان التشكيله باتفاق النقاد من اكبر ثلاث انديه على مر عشر سنوات وهم الافضل مع نقص لاعب او لاعبين باقين ماراحو لقطر والمشكلة وربي مو ان المملكه مافيها لاعبين ولا ان اللاعبين ماعندهم وطنية ولا عندهم روح وان الاردن وسوريا تفوقوا علينا بالروح لا المشكله عندنا تراكمت من فتره طويله وانفجرت كذا مره ويعالجونها بمسكنات الجوهر وطقته لكن هالمره الانفجار صار متتالي وبكل جهه .

المشكله الاكبر تحميل لجنه التطوير المسؤوليه ورئيسها نواف يقول انا ضد ابعاد بوسيرو انا بفهم تحط لجنه للتطوير الكره وتجيب نواف رئيسها خلاص قولو لنواف ياخذ القرار وانتهينا .

بعد الخساره حملوها بسيروا وهم الذين جلبوه و اعتمدوا برنامج الاعداد و انتقدوا لجنه التطوير وهم اللي وضعوها ومدري على اي اساس اختاروها لكن كالعاده نمشي بالبركه واللي فاهم المشكله والحل مايقدر يتكلم هذا بلانا وان انتقد قالوا يبي منصب وان جامل قالوا منافق ولا جاه اتصال شرشحه قدام الله وخلقه وفضائيا ولايقدر يرد عليه عشان مكانته وهذا موضوع كبير مابي ادخل فيه .

الحين النصراووين بشكل خاص سهامهم موجهه لياسر بشكل خاااص وتحميله الهزيمه مثل ماحصل مع ثمانيه المانيا ومع سامي والهلالين انبروا للدفاع عن ياسر مع ان تمنيت ان اشوف عاقل واحد نصراوي ولا هلالي يفكر بينه وبين نفسه هل لاعب واحد يفشل منتخب كامل من 153 نادي ولجان وزحمه ياخي بالعقل ارحموا عقولنا شوي وخلوا التعصب المشكله يطالبون بالانصاف وعدم مجامله الهلال بضم لاعبينه واول مصار النصر له اكثريه بالمنتخب تذكرنا نصابهم وش قال عن اصابات لاعبينه بعد هذا يطالبون بالانصاف ااتمنى ان لو مره كذا تمسك مع اي واحد نصراوي ويشغل مخه وقتها راح يعرف ان كل هاللي صاير ضحك عليهم واسكاتهم بقضايا هم في غنى عنها .

وماينطبق عليهم ينطبق على كل الانديه حتى الهلال الان اشوف المنتدى امتلى بالردود على الهريفي وانتقاداته مع ان اغلب المحللين الفاهمين لم يتهموا لاعب معين حتى وليد لم يذكر ولا شفت الهريفي ينتقده بحده ولا حتى اسامه هوساوي وهو هلالي والكورة تضرب فيه وتخش المرمي ضد سوريا ماهاجموه بس عشان ياسر لا كلام ثاني مع العلم والله العظيم اني لست من مشجعين ياسر بشكل كبير بل انا مشجع هلالي مدمن للزمن القديم اما الان اشجع الازرق والابيض وان شاء الله اني اقول رايي بكل صراحه ياسر سئ صح بس مو بس لحاله التشكيله كلها سيئه بس ليش انا مالومهم جايبين لهم مدرب فاشل وخطه اعداد فاشله وتهيئه بدون خبره من سلطان اما تهديد واما وعود وهاذي كل التهيئه اللي هو يعرف وهنا اختلف مع اسطورة المملكه يوسف الثنيان واسطورة اسيا يوم قال المدرب مو مهم وكنت اتمنى انه يقول ان المدرب مو كل شي بس مهم ونذكر الهلال باحدى السنوات كيف كانت نتائجه سيئة وبالخمسات ايام العجلاني وطقته لكن اول ماجاء على ما اعتقد باكيتا واشتغل اول سنتين مضبوط شفنا النتائج مع اللاعبين ماختلفوا كثير بس المدرب موجود كويس وبما ان الاغلبيه متوافقين على وجود اللاعبين المهره بالمملكه العله بالمدرب وبالاتحاد السعودي لكرة القدم بكل لجانه وبكل قرارته وبكل مسابقاته الممله وبكل جداولة المريخيه هو المتسبب واذا ما استمر الحال على ماهو عليه سترون العجب العجاب وياقلب لاتحزن .

الحل من وجهة نظر متابع قديم وبكل تواضع حل الاتحاد وكل لجانه وناتي بالكفاءات الغير متعصبه لاي نادي حتى لنادي القرن لاننا نريد رياضه عادله وللجميع مع العلم اننا الان يمكن من اقل الانديه تمثيل بالاتحاد السعودي لكن اعلامهم مغيب الحقائق وهم طايرين بالعجه . ثاني الغاء احدى المسابقات كاس ولي العهد او كاس الملك والابقاء على فيصل كما معمول بها الان بحيث يكون الجدول غير مزدحم وناتي بجدوله كما في ايطاليا واسبانيا وانجلترا السبت والاحد لان الانديه تشارك باسيا ثلاثاء واربعاء وبدون اي تاجيل زي ماحصل للهلال مع الاتحاد التاجيل يكون اما بقرار سياسي لوجود مشاكل امنيه او اضطرابات جويه فقط لاغير ويكون الجدول جاهز بعد نهاية الموسم باسبوعين بالكثير بدون اي مؤجلات مع مراعات دوري ابطال اسيا بحيث من يلعب من الاربعه الثلاثاء يلعب السبت ومن يلعب الاربعاء يلعب السبت او الاحد فقط تقديم يوم فقط والدوري يكون 16 فريق من السنه القادمه وفتح كل الطرق للخصخصه مع المحافظه على الاصول للدوله بحيث من يرغب بالشراء لابد ان تكون للدولة حصه لانها هي المالكة القانونية ولكل الاندية 153 وليس الممتاز فقط حينها راح ترى دوري ينافس على الخمسة الاوائل اما لجان الاتحاد يجب ان تكون قرارات اللجان كلها بنفس الطريقه على الكل من الاندية وحتى الرؤساء ملينا من الاساءات وملينا من يستغل مكانته لرمي الاتهامات على ابناء الوطن ومن يضرب ويشتم لعلمه ان لا احد يستطيع الرد عليه وعلى الكل واولهم الهلال لكي لا اتهم بالمحاباه من يخطي يستاهل العقاب سواء هلالي اتحادي نجراني نصرواي ولا ان شاء الله من التقدم ولا الخلود ولا الارطاوي والرقاص يعني قانون شامل للجميع بحيث من يخطئ يعرف عقوبته عشان يرتدعون ومتى ماطبق هالكلام راح ترى العدل وهداوة النفوس واسف على الاطاله لكن سكت سكت سكت حتى انفجرت واعذروني لكن هاذي فضفضه صادقه باذن الله .

انا معك بكلامك

يعني اكيد اللي يرمي نفسه من فوق 40 دور لو كان بعقله ما بيكون فرحان

لاكن ما معه عقل ,., بكذا اقولك سلطان مو راضي لاكن هذا اللي يقدر عليه ما عنده جديد يقدمه

ولا ودي ادخل بنقاش تعصب الانديه وهجومهم على المنتخب ولاعبي الهلال لان ما عندهم ممثل من فريقهم بالمنتخب

لاكن انا مؤيد لكلامك بالكامل لازم ينحل الاتحاد السعودي بالكامل مو لانه فشل على مدى 15 سنه من تحقيق انجاز

لاكن

لان محد عنده ثقه بالاتحاد السعودي ولا احد بيتقبل اي تصحيح او خطط علميه على قولتهم

تحياتي لك

مشكو راخوي ع الطرح
بالتوفيق للجميع

اخوي غريم مشكور على مرورك
انا اتكلم عن كل الانديه على فكره ودي بدوري يبنى صح على اسس احترافيه بعيد عن التشجيع من المسؤولين خلو التشجيع للجماهير وانتم تصرفوا بعقل بس

اختي ريم القناص الف شكر على مرورك

عزيزي ابوخالد :: المشكلة ليست في كيفية تطوير الرياضة وايجاد الحلول المناسبة للتطوير ، ولكن تكمن االمشكلة في تعصب اعضاء من الاتحاد السعودي لبعض الاندية مما حدا باخراج اللاعبين والجماهير وكذلك روؤساء الاندية عن الروح الرياضية بحيث شاهدنا كثير من اعضاء الاندية يشنون حرب على اللاعب الكبير وتشويه سمعته كي لا يمكنه تمثيل المنتخب وكذلك عزوف بعض الجماهير عن تشجيع ومساندة المنتخب لان لاعبهم المفضل لم يكن من ضمن تشكيلة المنتخب .
الحل : الحيادية والانصاف من قبل اعضاء الاتحاد السعودي .