اول شي متعودين على الخساير من سنتين يعني وشوله الزعل ......؟


ثاني شي انا ماكتبت موضوع من نهائي كاس الخليج قلت بشوف المنتخب وش بيصير فيه .. لاني مليت صراحه ادخل واحط حرتي بالمنتدى الاخضر ......... معقوله الهند تجيب هدفين بالبطوله من مباراتين وحنا هدف وبالصدفه ......... صراحه قويه ماني مصدق هزازي تمر مباراه مايجيب قول وناصر بعد وياسرر

تدرون حنا مساكين ياهل الخليج

ليش ؟؟؟؟؟؟؟؟

اول مره اشوف معلق يجي مدرب للسعوديه (( كالديرون )) وكلكم تعرفون ذلك

ميتسو وماتشالا مافيه دوله خليجيه الا تسدحو فيها

انجوس وبيسيرو وفاندرليم وطقتهم تعرفونهم من قبل ؟؟؟؟؟؟؟؟؟ سؤال محيرني ليش ماعاد فيه مدربين بالعالم الا هم ؟؟؟؟؟
ياشباب مانبغى نقول ارحل ياسلطان
نبغى مدرب معروف مدرب عليه الكلام لامنا تعاقدنا معه الا حنا واثقين منه ولا نعلمه الاعبين نخليه يطب ويتخير بالنجوم
صراحه ولا لاعب اعجبني من لعيبة كاس اسيا والله ثم والله ولا لاعب اعجبني يعني مافي البلد الا هالولد
والله نقدر نطلع 100 لاعب اطلق اطلق من ذولا اللي يبغون الكوره تجي لي عندهم يعني المصيبيح غشيم مايعرف يتكلم مايعرف يوقف بيسرو عن حده الامير سلطان ميعرف الاعبين اللي تم اختيارهم
يعني نحتري لين يطيح الفاس بالراس

اذا المدرب احتار تشكيله يتم مناقشة الاسماء مع الادراي ومع رئيس الاتحاد السعودي ويعطي رايه بكل لاعب يعني يبرر موقفه من اختياره للاعب واذا الدعوى مجامله مافيه مانبغى مجامله على حسابنا نشجع وننقهر واخر شي بابسط حل اقاالة مدرب واسناد المهمه للوطني ناصر

انا اتمنى من الامير سلطان بن فهد
انه يعطي الثقه للوطنيين يشكل مدرب ومساعد مدرب واداري من اعلى طراز وبتصووووويت من جميع رؤساء الاندية الا14 لانهم على اعلى مستوى من الخامات الوطنيه وهم يعرفون كل شي بالدوري ويعرفون يقيمون ولا كان مامسكو منصب
المهم انا اتمنى ثم اتمنى من رجالات المنتخب ان تهيى لنا منتخب شاب من بعد كاس اسيا ويتم لعب مباريات وديه مع منتخبات عالميه لو ننطق بعشره اهم شي نكسر الرهبه والخوووووووف وبعدين نحكم على المنتخب والله لتشوفون شي مشعلل ناس تبغى تلعب لاجل شعار المنتخب لا لشعار النادي

اتمنى
ان ارى تشكيله بهذه الشكل على مدار عشر سنوات قادمه




((عبدالله العنزي))
((ياسر الشهراني))ـــــــــــــ((عبدالله الحافظ))ـــــــــــــــ((هوساوي))ــــــــــــ((عبدالله شهيل))

((ابراهيم غالب ))ـــــــــ((عبدالطيف الغنام))


((عبدالمجيد عبدالله))
((عبدالرحيم الجيزاوي))ـــــــــــــــــــــــــــــــــــــــــــــــــــــــــ((نواف العابد))

((نايف هزازي))


وللاحتياط
السديري وشيعان

والدفاع
عقيل بلغيث/محمد عيد/ جفين البيشي
الاظهره
عبدالله الاسطا ،،،،وعبدالله الزوري
والمحاور
ابو سبعان ،،، وعبدالله عططيف
والوسط
عزووز الدوسري ــ وعبدالاله النصار ــ ياسر الفهمي ــ احمد العوفي ــ ويحيى الشهري
والهجوم ـــ السهلاوي ويحيى دغريري وصقر عطيف

ونثبت على التشكيله هذي اربع سنوات وشف التجانس شلون والله لتشوفون المنتخب ناس تشجعه وناس تحبه لان العييبه تحترق وانا اعرف الاعبين المتحمسين


اسف للاطاله

ما شـــــــــاء الله عليك و على افكارك العلمية المدروسة
واضح المامك بالاســـــــــماء و اتفق معك علي مدرب عالمي و استقرار التشكيلة و فقا للخطط السليمة العلمية

إقتباس ما شـــــــــاء الله عليك و على افكارك العلمية المدروسة واضح المامك بالاســـــــــماء و اتفق معك علي مدرب عالمي و استقرار التشكيلة و فقا للخطط السليمة العلمية

مشكور ع الرد يابعدي الحين كل الناس فاهمه وعارفه الكوره بس شنسووووي الصبر خلص

كلااااااام صحييييييييح
يعطيييييييك الف عااااااااااااااافيه

للأسف هذي إمكانيات لاعبينا وما عندهم أكثر من كذا ،، للأسف أفضل لاعب بمباراة السعوديه والاردن سعره لا يتجاوز 50 ألف دولار وفريقنا ملايين وما عندك أحد ،، الظاهر أنهم تشبعوا من الكوره ،، بالنسبه للمدرب أعتقد لو يجي مدرب من المريخ ما راح يسوي شي دام ايديه مربوطه ،، والعله الأساسيه أنا أشوفها باللي يربط أيد المدرب وما يعطيه كل الصلاحيات ،،

عدم الإسقرار هذي مشكله من سنوات يعاني منها المنتخب ،، بقاء الكابتن ناصر الجوهر ضروري على رأس الجهاز الفني للمنتخب ،، إعطائه كااااااااافة الصلاحيات ،، وعدم التدخل في عمله ،،

بالنسبه للإتحاد السعودي ،، إلغاء كافة البطولات الغير معترف بها من قبل الإتحاد الدولي لكرة القدم ،، والإبقاء على دوري المحترفين السعودي وكأس الملك فقط ،، تنسيق مواعيد مباريات الدوري والكأس مع أجندة الإتحاد الدولي والإتحاد الآسيوي ،، كل من يعتبر نفسه مسؤول عن المستوى السيء للمنتخب السعودي ( يستقيل ) وتجلب دماء جديده وشاااااابه تساعد على تطوير الرياضه السعوديه ،، خصخصة الأنديه أمر ملح يجب أن يحصل في رياضتنا ،، تطوير المنشئات الرياضيه وإنشاء ملاعب جديده على طراز أوروبي ،،

تحياتي لك