يابن الحلال هذول يبون لاعب يسجل اي هدف وفي وقت واي هجمة ولا كأنه ( الكابتن ماجد ) <<<< افلام كرتون زمان
واذا فشل في احدى المباريات قامت الدنيا عليه
وين تشجيعكم ياجمهور الزعيم ووقفتكم مع كل لاعب
نحن لا نقول ان ياسر كويس ولا نقول سيء
جميع لاعبين المنتخب سيئين لكن لماذا الحملة على ياسر فقط ؟

ياسر كنق وهو افضل مهاجم في الملاعب السعودية ,, لكن حط وراهـ يوسف الثنيان خالد التيماوي نواف التمياط ، طارق التايب ،

وشوف وشلون يسجل ,, لاتجي تتفلسف علينا وتقول ياسر نازل مستواه , الكل يدري ان ياسر جاي من اصابه وهي عملية في كتفه الايمن , وغير ذلك توقفات الدوري اكثر من مره والهلال لم يقابل احد الفرق الكبيره حتى الآن عشان نوقف على مستواه.

والمنتخب ليس ياسر ، المنتخب 11 لاعب ومدربين واداريين

الله يسمع منك انا ماكره ان ياسر يكون ياسر 2007 بسألك يااسر هووه يااسر اللي كان 2007 ؟؟؟؟؟؟؟؟؟؟؟؟

ياحبيبي ياسر [ بشر ] يرتفع مستواه وينزل مثله مثل اي لاعب في العالم

اما اذا نبي نحط اللوم على ياسر عشانه راجع من اصابه ولياقته البدنيه ما اكتملت ولا قوته الجسديه

ونجلس نشتم فيه و نرسم واقع غير الواقع اللي نعرفه عن ياسر ؟ ياسر اول ما انضم للهلال جاب أحلى هدف في تاريخه على نادي النصر بالكعب , وقبلها بطولة الخليج اللي في الكويت كيف كان مستوى ياسر قبل يجي للهلال ؟؟؟

لكن من جاء للهلال وهو اصابات وضغوط مباريات محليه وخارجيه سواء مع المنتخب او مع النادي وغير الضغوط الاعلامية

في النهاية ياسر + سعد الحارثي + مالك معاذ = بشر , واكبر مثال لنا " نواف التمياط " بسبب الاصابات ماقدر يرجع لمستواه والاعلام يضغط عليه لين اعتزل. اتمنى نتعلم من الدروس ,, لا نخسر نجومنا بسبب ميول او بسبب عنجهيه.