مراهق ينصح مراهقين ! .. - نادي الهلال السعودي - شبكة الزعيم

الموج الازرق.. · #1 17/01/2011, 02:14 AM

السلام عليكم ورحمة الله وبركاته ..
قبل كل شي الله يوفق كل طالب وطالبه في الاختبارات .. ونجحهم دنيا واخره !
تعمدت اكتب هذا الموضوع بمناسبة قرب الاختبارات

انا : اهلا عزيزي
مراهق دااج : اهلا فيك
انا : ياخي وش يدخلك في المخدرات والسرقة والدخان وووو ... الخ
مراهق دااج : والله انا جيت من عائلة مفككة وابوي مانتبه علي ولا وجهني ولا علمني ..

هذا ماهو عذر ..
انت الان رجل .. نعم رجل .. تعرف الغلط والصح ..
عندما يقولك ابوك اترك العيال اللي معك وتعال للبيت وخل عنك السهر ..
تقول هذا شايب وازعجني ومانب رجال وحطمني ..
واذا تركك وخلاك على راحتك تقول ابوي نساني وضيعني ..

لماذا بدال ماتقول انا الحين مراهقة وراح تروح هالحركات
ليه ماتقول انا كبرت وصرت افكر واعرف الغلط والصح

يااخواني المراهقين والمراهقات .. انتم الان مسؤولين عن تصرفاتكم .. تعرف الغلط والصح ..

تدري وش معنى انت تعرف الصح والغلط ..
موب كل شي يسوونه اخوياك تصير وراهم ..

يعني مثلا اخوياك يدخنون .. انت تفكر فيي هاللحظة ادخن ولالا ؟
انت الان عقليتك ناضجة وتفكر .. قل في نفسك 1- حرام 2- ابوي متكل على الله ثم علي اذا عرف ماراح اطلع براحتي .. 3- صحتي بتروح 4- بيصير ادمان ..
وهكذا ..

ان شاء الله فهمتوني صح ..

والله ياشباب شوفو متى كتبت الموضوع من حرقتي والله على الشباب السرابيت !!
الله يهدي الجميع ..
وباذن الله رسالتي وصلت ..

الله يوفق الجميع