|
لا نكون قاسيين على ياسر السلام عليكم ورحمة الله وبركاته في الحقيقة انا مع ياسر القحطاني في قرار اعتزاله ... ياسر مجهد جدا جدا والدليل سامي الجابر انه قال اللاعب غير جاهز للمنتخب الله يعينه .. منتخب .. نادي .. نادي .. منتخب ومنتخب ما غير يجيبنا منه الاصابات .. دعوا ياسر يعتزل .. ونفتك من علة الاصفرين .. كله هزايم المنتخب على ياسر .. كل هزايم الهلال على ياسر الرجال معذور .. كله انتقادات لياسر .. ابو عبد العزيز .. يا قناص .. ويا لاعبنا .. انا معك يا ياسر في قرار الاعتزال الدولي .. وتفرغك للهلال ياخي رادوي يوم اعتزل دوليا .. قلتوا حلووو قرار رائع ويوم ياسر يبي يعتزل المنتخب .. هاجمتوه كنه مو لاعبكم .. وتبون تصيرون مع الاصفرين هجوما على ياسر سلامات ... معليش انا اذا ياسر اعتزل .. بصفق له على القرار كفاية هجوم على ياسر .. كفاية تجريح لياسر ارجووووووووووووكم ... |
يا رجال يااسر هو اساااااس البلا كله ولا يستااااهل المنتخب غروور تكبر ما يعرف يلعب ياخي خلوه يفكر ان هذا ان شاء الله انه اخر نسخه يشاارك فيهااااا لا والكبتن والله ما يستااهل |
ياخي تستهبل انت وش يعتزل عشان الهلال المنتخب اهم من الهلال ياسر يراجع نفسه واذا رجع مستواه نشوفه مع المنتخب اما يعتزل يمكن يرجع مستواه مع اني ما ظن يمكن يرجع مع الفيصلي ولا مع الحزم بس |
ما نبي شي من ياسر غير يترك مكانة اذا ما قدر يعطي ويترك الفرصة للاعبين الشباب |
وانت ماهمك الا ياسر ليش ماتسأل عن الجمهور اللي بيرجعون بهالليل وتقول الله يرجعهم بالسلامه الجمهور اللي جالس بالبرد يحترق ويشجع ويساند ياسر الحين بالفندق متمدد وينتظر مباراة ريال مدريد ومادرى عنك انت واللي مزعجينا بياسر |
إقتباس:
|
انا اقول ياسر للاسف ما عنده ثقه بنفسه .. معقوله سامي الجابر ؟ ماجد عبدالله ؟ محيسن الجمعان ؟ الشلهوب ؟ الدعيع ؟ .. ماتعرضو لضغوط نفسيه وجماهيريه ؟؟ مستحييييييييييييييل تحصل لاعب ما تعرض لضغوط لكن بناء على ثقة اللاعب بنفسه يقدر يتفادى مثل هالضغوط .. شوف الدعيع مثلا .. بعد 8 المانيا .. رجع وقدم مستويات ممكن كانت افضل من قبل ال8 .. لان عنده ثقه بنفسه .. ... وفرضا اعتزل دوليا .. راح يكون نفس المشكله مع النادي .. اللاعب اذا ما كان عنده ثقه بنفسه هذي مشكلللللللللللله كبيره .. تتحاتي لك |
إقتباس:
والجمهور جاي علشان ياسر ... وياسر الوحيد بيفوز المنتخب حدث العاقل بما يعقل .. وياسر جالس متمدد ينتظر ريال مدريد .. مراقبه شكلك ما شاء الله يمكن الرجال محترق لاجل فريقه .. نسيت ياسر كأس اسيا النسخة الماضية كان يكاد ان يصبح هداف البطولة .. ياسر يدري عني وعن اللي مزعجينه .. |
إقتباس:
كلهم اساس البلا وكلهم غرور وكلهم مايسستاهلون يلعبون بالمنتخب توني حاط على قنااة وناسه الا ويجيو الفقراويه ويعبووووووووووووون شريط الاهداء سب وشتم في ياسر |
هذا لا جاب هدف ياسر وفوزكم بمباراة .. انواع التشجيع وانه احسن واحد بالعالم وانه ما جاب شيء قلت ياخي اكرشوووه فاشل |
ياخي ازعجتونا وسويتوا لنا قلق عشانا قلنا ياسر ما قدم شيء فتحتوا عشرين الف موضوع وياسر وياسر !! قلبتوا المنتدى الى منتدى القناص خلاص الخسارة يتحملها كل اللاعبين ... وانتهت البطولة ... |
إقتباس:
ومعقوووله في مشوارهم الكروي اللي ذكرت اسمائهم ما جاههم هبوط مستوى لفترات من حياتهم الكروية سامي على ما اذكر صارله موسم او اثنين هبوط مستوى واذكر الجماهير كانت تهاجمه ثم رجع لمستواه بتصاعد |
إقتباس:
انا معاك انه الخسارة يتحملها اللاعبين وليس ياسر وان كان ياسر فاشل في المنتخب .. قرار اعتزاله راح يوقف اصحاب الاصوات النشازة علشان ما يقولون شماعة الفشل هو ياسر |
إقتباس:
حرام عليك ياشيخ سنه ولا سنتين نصدق ياسر له ثلاث سنين وقابله للزياده |
إقتباس:
أؤكد لك بخصوص سامي صارله فترة هبوط مستواه موسمين على ما اعتقد بخصوص ياسر قالها سامي على الجزيره .. اللاعب مصاب وغير لائق بدنيا يا جماعه تبون تقنعوني انه ياسر لا يقدم مستوى لانه يتغلى وغرور وش ذا التحليل يا جماعه الخير |
مشكلتنا نحط االلوم ع ياسر قولو كلام مقنع |
هذا الكلام في عام 2007 للاعب سامي الجابر سابقا وفيه تحدث عن نور والتمياط وياسر القحطاني .. وكان الحديث عبر صحيفة الرياضية السعودية وصف الجابر اللاعب محمد نور بأنه من اللاعبين الطيبين ويملك روحا حلوة في المعسكرات ولكن محمد نور مختلف في الملعب فهو له شخصية قوية داخل الملعب. وعن انخفاض مستوى ياسر القحطاني ونواف التمياط قال: التمياط لاعب استئنائي في الكرة السعودية ويضع الفرق في الملعب مثل اللاعبين الكبار وفي الماضي القريب جدا التمياط سجل هدفا من أعظم الأهداف وحسم بطولة أمام الأهلي الموسم الماضي وهو لم يهبط مستواه لكن المدرب يكلفه بمهام خاصة داخل الملعب ويلعب أدوارا ازدواجية. أما ياسر القحطاني فكان مستواه تصاعديا وحاليا يمر بمرحلة هبوط وسيعود إلى مستواه بعد فترة وأنا مررت بمثل هذه التجارب متمنيا عدم القسوة عليهم وسيعودون كما كانوا وأفضل ففي عام 1414 مررت بمرحلة غبت فيها عن التهديف وسمعت أنواع الكلام والغمز مثل (انتهيت وصابه الغرور) ولكن الحمد لله رددت عليهم في النهائي. |
إقتباس:
رد بس في الفيصلي والحزم وكذا مير ابو عبدالله يرد في نهائي شفت متى الكلام ذا الفين وسبعه واللحين حنا 2011 :s2: |
إقتباس:
أما بطولة الدوري اللي حسمها ياسر للهلال من أمام الإتحاد في جده فتلك المباراة لاتعتبر نهائي بل مباراة عاديه من مباريات الدوري ولكنها كانت تحسم الدوري فقط كأس العرب الثامنة 2002 :سجل ياسر هدفين في البطولة, وحقق المنتخب السعودي تلك البطولة دورة كأس الخليج 2003 : سجل ياسر ثلاث أهداف وساهم في تحقيق البطولة للمنتخب كأس دورة الألعاب الإسلامية 2005 :شارك الكابتن ياسر القحطاني وسجل هدف بالنهائي امام المغرب واحرزوا البطولة بطولة كأس العالم لكرة القدم 2006 في ألمانيا :سجل ياسر هدف في مرمى منتخب تونس |
هذه الفين وسبعه هذي انا وجهة نظري ان ياسر اختفا بعد الفين وسبعه وش سوووووووووووووووو وثاني شي انت ليه تدافع عن ياسر انا هلالي وانت هلالي |
اخوي بندر البرقاوي على كذا ما تبي ياسر يجيب اهداف على الحزم والفيصلي والوحده والاتفاق والتعاون هههههههههه يا اخوي بندر مهاجم ما تبيه يجيب اهداف تبي ياسر يتخصص بس في الاتحاد والاهلي والنصر والاتحاد بس يجيب اهداف وباقي الفرق ما يجيب اهداف .. |
انا ادافع عن ياسر بحكم انه لاعب هلالي ومهاجم نادي الهلال السعودي لاعب يلعب لفريقك .. لاعب يحرق لأجل يسعد جمهوره الهلالي لاعب يخلص للفريق .. انا ادافع عن ياسر لانه انتوا ابناء النادي .. جماهير الفرق الكبيرة ما تهاجم لاعبيها .. بل تدعمه وتشد على أزر اللاعب لكي يعود لمستواه ياسر مصاب ومشاركاته كثيره ومجهد .. مهما كان تراه انسان بني ادم شدعوه انا ارجو تدافعون عن لاعبكم .. لانه ابن النادي .. صدقوني متى ما دعمتوا ياسر واجتهدتوا انكم تدعمونه بدون تجريح له .. صدقوني بيرجع ياسر الأول ... ياسر القناص ... ياسر حبيب قلوب الهلاليين لا تقولون لي غرور وصاير يتغلى .. اللاعب مصاب وتوه مجهد وغير جاهز بدنيا اللاعب يجاهد ويفعل المستحيل لأرضاء جمهوره فلا تقسون عليه ارجوكم .. مهما كان ولدنا .. ابن الهلال .. لابس فانيلة الهلال رقمه 20 .. ومكتوب اسم فانيلته ياسر .. ياسر القناص .. ياسر جلاد الحراس |
اول شي انا مع المنتخب لااعرف هذا هلالي ولا هذا نصراوي وهذا الصح وياسر كم له سنه رايح مستواه وثاني شي يجيب اهداف على الحزم وعلى الفرق هذه بس ليه يختفي في المباريات المهمه اللي فريقه يحتاجه فيه هما هو مهاجم |
إقتباس:
انا مالي شغل بموضوع المنتخب انا موضوعي انه ياسر يعتزل لكي يريح اصحاب الاصوات النشازة انه هو شماعة خروج المنتخب وبخصوص ليش يختفي في المباريات المهمة اعتقد سبق قلت لك اللاعب تأتيه تفاوتات في المستوى يمكن اصابة يمكن مجهد ماهو ياسر سوبرمان ولا سبايدر مان .. وثاني شيء يد واحده لا تصفق |
تفاوت لين متى لين متى سوال خلا ياسر ثلاث سنين ويعتزل يعني كم سنه لعب وكم سنه دج |
إقتباس:
ماخبرنا هبوط مستوى ثلاث سنين !! إلا الشلهوب والرجال معذور وحتى ماكمل سنتين ، وفاة الوالد والوالده مهب سهل .. أنا مادري كيف كمل أصلاً :smilie47: لكن بالعزيمة والإصرار وليس بالإنبطاح والكبر والغرور أقتنعوا ياسر إنتهى إنتهى إنتهى .. |
إقتباس:
اخوي شلهوب ميسى جوابك هنااا على سؤالك ... YouTube - ‫ياسر القحطاني في صدى الملاعب‬‎ |
بدووون مجااملات ما كبر رااس يااسر وزاده غرور الا هالعيناااات .. بالله بسسس.. والله ما دمر المنتخب الا القائد البااارد خلنا صريحين منتخب محروق دمه وياسر فاضي تسدح وتبطح بالله كاافي... المنتخب سيئ .. وزاده سوء القائد الباارد ... وهو منتظر فاول ولا بلنتي.. |
اما ان تمثل الوطن ونادي الهلال خير تمثيل .. والا فأعتزل واترك المجال لغيرك .. فالكثيرين ينتظرون الفرصه .. |
| الوقت المعتمد في المنتدى بتوقيت جرينتش +3.
الوقت الان » 02:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd