للنقاش ياشباب أهم أسباب ضعف المستوى + مقطع أبكاني
 

اول شي نقول قدر الله وماشاء فعل ولا نعترض وعسى ان نكره شيئا هو خير لنا


اللي ودي اقوله ان سبب ظهور الاخضر بها الطريقة واول فريق يخرج من اسيا حتى المستوى السيئ في 2004 اقلتها كنا نحتاج للفوز باخر مباراة ضد العراق

من دريت ان قناة أبوظبي بتنقل الدوري السعودي والله اني قلت انه مو خير لنا وبتشوفون ولو تدورون بردودي القديمة وفي منتدى كورة قلت نفس الكلام واوقف عضوياتي هنا وهناك ليه لأني قلت الحق ان قناة ابوظبي قناة همها الوحيد تدمير ولاحظو كلمة تدمير الكرة السعودية والمنتخب

محد صدقني اول شي ليه طلبو نقل المباريات عشان سواد عيوننا؟ والا الامارات مافيها دشوش يشوفون الدوري السعودي اصلا بالانتل يقدرون يشوفونها وكلنا نعرف هالشي

و اصلا الرياضية السعودية زي ماقلت تنقلها بس هذا سبب عشان يسوون برنامج خط الفتنة اللي وأد المنتخب بسبب ان هذا البرنامج معروف مايحتاج اذكركم وعبدالرحمن بن مساعد طالب بمقاطعة هذه القناة لكن هي تستمر في نزع االفتنة بين الاندية وتشكيك جميع الجماهير باللجان او مجاملات وماشابهها وقلتها اكثر من مرة

خاصة انهم جابو 2 من رؤوس التعصب هم محمد الدويش قبحه الله وعدنان جستنيه اللي حس (زين انه حس ) ان هذا البرنامج يزيد الفتن بين ابناء الشعب السعودي لدرجة ان محمد الدويش وصف الامير سلطان بن فهد بشعبولا اللي نجيب الرحمن هو مدير مدري رئيس التحرير فيها لكن سؤال لو الدويش كتب عن السركال مو من ال نهيان بس يتكلم عن السركال ويصفه بوصف مشابه بيرضى؟ طبعا لا والسبب واضح


اخرها قبل انطلاق كاس امم اسيا وانا قلت ترى بنخسر وبنطلع من الدور الاول وبننذل لما طلع خبيلان الفقر حسبي الله عليه باتفاق مع الباكستاني نجيب الرحمن والدويش وتكلم عن مجاملات المنتخب والمنشطات وان الاوراق عنده من 8 اشهر

8 اشهر يالبطريق توك تتكلم ليتك جلست بامريكا ولارجعت اذا رمز النصر الراحل عبدالرحمن بن سعود الاكثر تعصب ضد الهلال ودايما يعني نعرف تصريحاته النارية ولا مرة (لاحظو ) ولا مرة صرح بشي ضد المنتخب السعودي او تكلم عن لاعب هلالي في المنتخب وكان يتواجد بالمدرجات ويشجع سامي اذا سجل والنعيمة اذا قطع الهجمات والثنيان اذا صنع وراوغ ويترك التعصب لناديه الين تنتهي البطولة اللي يشارك فيها المنتخب

حتى اللجان تكلم فيها حاتم خيمي كيف جاملو نواف بن فيصل طرح فكرة ابعاد بوسيرو وقال اشوف نبقيه وش رايكم وكانو قبلها متفقين باقالته والبحث عن مدرب برازيلي او ارجنتيني بعد نهاية تصفيات كاس العالم لكن من قال نواف بن فيصل انه يرى ابقاء بوسيرو وقال ابي رايكم (لأن الموضوع يهم المنتخب وهو مو خسران شي اصلا) كلهم قالو خلاص نخليه طال عمرك وجاملوه لمصالحهم الشخصية (على كلام حاتم خيمي)



معليش طولت عليكم ولا اعرف كيف اختم الموضوع الا بمقطع أبكاني الحقيقة


اترككم مع المقطع وعلى قولة بتال لقطة الختام (لقطة 5 دقايق )


YouTube - ‫أيام حلوة عشناها في 2007 هل ستعود؟‬‎



ومعوضه ان شاء الله ياشباب

للاسف لعب المنتخب مو لعب رجولي

لازم نلغي الاحتراف

لازم نقاطع المنتخب و الدوري

ماعليه بس عاد ترى الظروف تراكمت مدرب غبي ولجان تجامل ولاعبين ما عندهم مشاكل ولا يهمهم لبس الوطن

نرجـــع للهلال احسن من هالمنتخب :)

ياسلام عليك والله ان موضعك بطل

1. أنا معك بكل كلمة قلتها ....