اقوووول رجعوا دورينا بس - نادي الهلال السعودي - شبكة الزعيم

alzaeem_rakan · #1 13/01/2011, 06:16 PM

هههههههههههههههههههه

هذا الي اقوله صراحه

منتخب فاشل بكل ما تعنيه الكلمه من معنى

بصراحه اليوم ادركت حقيقه مهمه جدا الا وهي ان انجازات المنتخب السعودي جت يوم كانت المنتخبات الثانيه مثل سوريا والاردن على سبيل المثال غير متطوره . الحين هذي المنتخبات تطورت بشكل كبير مثل ما نشوف فانكشفت حقيقة منتخبنا ...،

منتخب لا يتطور بل متحول من منتخب صقوور الى منتخب عصافير هذا وحنا عندنا خطط مدروسه اجل وش بصير لو ماكان عندنا

المهم رجعوا دورينا بس بلا منتخب بلا وجع راس

arwano20 · #2 13/01/2011, 06:19 PM

تبي الصراحه
هذا بسبب تدني مستوى الدوري
اللي صاير كنه دوري حواري
وكله من هالتعصب الاعمى
وهذا الناتج
منتخب متجانس ماشاء الله

::

FAISAL AL7RBY · #3 13/01/2011, 06:20 PM

الله يعطيك الف عافيه

هههههههههههههههههه

والله لو مشاركين بـ نادي الهلال كان فزنا

تبأ للخطط المدروسة

تحياتي لك

هلالي مع كل الظروف · #4 13/01/2011, 06:21 PM

حبيبي سابقا كان فيه لاعبين على مستوى ويلعبون بروح وشعار واحد

غير على هذا كله تحصل من الحارس الى الهجوم كلهم نجوم واساطير في انديتهم مهوب الحين لاعبين احتياط في انديتهم اساسيين في المنتخب !!!!!!!!

وطبعا كلامك عن المنتخب مايدخل الراس سوريا والاردن صحيح ماكانو سابقا في المستوى لكن انت تتكلم عن اكبر قاره اسيويه اكيد فيه منتخبات سابقا كانت قويه وداخله في هذي البطولة وهالبطوله لها تصفيات ولها حسابات قبل مانبدا البطولة

المنتخب سابقا كان قوي جدا جدا والدليل دخلنا 7 مرات تأهلنا للنهائي 6 مرات 3 خذناه و3 طلعنا منه

الاردني لم يخسر ولا مباراه في اسيا ؟!! اجل خلاص يستحق

alzaeem_rakan · #5 13/01/2011, 06:26 PM

إقتباس

الرسالة الأصلية كتبت بواسطة هلالي مع كل الظروف


	حبيبي سابقا كان فيه لاعبين على مستوى ويلعبون بروح وشعار واحد غير على هذا كله تحصل من الحارس الى الهجوم كلهم نجوم واساطير في انديتهم مهوب الحين لاعبين احتياط في انديتهم اساسيين في المنتخب !!!!!!!! وطبعا كلامك عن المنتخب مايدخل الراس سوريا والاردن صحيح ماكانو سابقا في المستوى لكن انت تتكلم عن اكبر قاره اسيويه اكيد فيه منتخبات سابقا كانت قويه وداخله في هذي البطولة وهالبطوله لها تصفيات ولها حسابات قبل مانبدا البطولة المنتخب سابقا كان قوي جدا جدا والدليل دخلنا 7 مرات تأهلنا للنهائي 6 مرات 3 خذناه و3 طلعنا منه الاردني لم يخسر ولا مباراه في اسيا ؟!! اجل خلاص يستحق

خلنا من سابقا يالذيب سابقا تأهلنا للدور الثاني بكاس العالم على وقت فيصل بن فهد الله يرحمه واللاعبين الاساطير الفدائيين الي يرفعون الراس لكن الكلام الحين مع اشباه اللاعبين المتكبرين ومع السيد ابوو الخطط

تحيــ ــاتي لك يالغلي

((سيف)) · #6 13/01/2011, 06:22 PM

اللله ينتقم منك يا سلطان

خسارنا نزلزا روسنا تحت

مهما يصير انا هلالي · #7 13/01/2011, 06:27 PM

انطبق علينا المثل حيــــــــلهم بيــــــــنهم خلونا على الدوري ودورينا بعد وضعه مزري

سعود الذيب · #8 13/01/2011, 06:28 PM

لالا اصبرووا كوريا ج تطلع لازم لي يونق

alzaeem_rakan · #9 13/01/2011, 06:31 PM

إقتباس

الرسالة الأصلية كتبت بواسطة سعود الذيب


	لالا اصبرووا كوريا ج تطلع لازم لي يونق

اي والله راحت عن بالي

يعطيك العافيه على مرورك الخفيف

mr.nawaf1 · #10 13/01/2011, 06:36 PM

سبب هزيمة السعوديه ابو الخطط مدرووووووووووووسه

والله مادري ليش مايفهم ويستقييل

alfayhaa Sport · #11 13/01/2011, 06:39 PM

المنتخب السعودى سيحصل على مقعدين .. بعد المستوى اللى يفشل ..

مسير فقط · #12 13/01/2011, 06:47 PM

ههههههههههههههههههههههههههههههه اصرف والله اقلها يفرحنا الهلال بفوزه

هارد لك ياالاخيييييضررر؟؟؟ كم مره قلناها هالسنوات الاخيره

تصدقون صرنا اضعف الفرق صارت المنتخبات يدعون يصيرون مع مجموعتنا عشان يضمنون النقاط

alzaeem_rakan · #13 13/01/2011, 06:57 PM

إقتباس

الرسالة الأصلية كتبت بواسطة مسير فقط


	ههههههههههههههههههههههههههههههه اصرف والله اقلها يفرحنا الهلال بفوزه هارد لك ياالاخيييييضررر؟؟؟ كم مره قلناها هالسنوات الاخيره تصدقون صرنا اضعف الفرق صارت المنتخبات يدعون يصيرون مع مجموعتنا عشان يضمنون النقاط

المشكله ان المنتخبات كلها قاعده تتطور بشكل هائل وحنا

وش اقول بس غير انه اذا يبغون يتطورون ويلحقون بالركب يجب عمل اعادة هيكله للأتحاد السعودي بداية من ابو الخطط الين الفراش الهندي ويعينون الكفائات ...، لكن زي ما يقولون حلم ابليس بالجنه

تحس ان سلطان بن فهد يقول اي هين بس منتخبكم يبقى فاشل طول ما انا موجود

هلاليه وعشقي ياسر20- · #14 13/01/2011, 07:00 PM

اي والله رجعوووووووووووووووو دورينا بس رجعوووه خلاص مامليت ياشعبولا من الهياط , حرام عليك اتق الله السعوديه المرشحه الاولى للبطوله والوصيفه تطلع من الدور الاول فسرلي ياشعبولا فسرلي ,.؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الثرباني · #15 13/01/2011, 07:03 PM

من زينه دوري كله مشاكل

وانديتنا وينها عن الانجازات

الخارجيه

المنتخب انتاج الدوري

بس لاعبين يطاردون ورى الاعجاب والماده فقط

الا من رحم الله