|
يستاهل وأعتقد لولا الله ثم فينغر لـ تدهور الأرسنال أعظم من الليفر وغيره بـ سبب الديون الكبيرة جداً :) . وأعتقد زمن قياسي أن تسدد دين نص مليار في 5 - 6 سنين . إقتباس:
ومبروك لـ فينغر ويستاهلها s45s وبـ إذن الله هـذا موسم عودته للبطولات . :ax: |
بستاهل البؤس .. ولا هي غريبة عليـه فـ المنافسـه بين آرسين فينجر و السير فيرجسون آرسين فينجر قدم مواهب عالميـه فـ عالم المستديرة وهاذا مايتفوق بـه على فيرجسون في هاذا المركز * استغرب من بعض الردود التي تفضل مورينهو على السير وفينجر .. هل مورينهو اخرج لاعبين مثل ديفيد بيكهام وكرستيانو .. و هنري وسسك فابرجاس ..؟ |
إقتباس:
وهل هذا السبب هو من معايير اختيار مدرب العقد .. أعتقد لا فالمدرب الأفضل هو الأكثر بطولات ومورينيو من 2000 إلى 2010 جاب 17 بطولة مع بورتو وتشلسي والانتر ... |
ماعاد نستغرب شيء إذا ميسي أخذ أفضل لاعب ... عادي لو يأخذ فينجر أفضل مدرب هالعقد كل ماجلست مع واحد آرسنالي .. يقول لي فينجر مدرب داهية .. طيب عطني إمكانياته ؟ .. مافيه جواب كل مشجع آرسنالي مع كامل إحترامي لهم .. يقولون إصبروا علينا الموسم الجاي .. وكل موسم نفس الإسطوانه تقبلوا مروري بسعة خاطر :rose: :rose: |
ريال مدريد أكثر من برشلونه بالأنجازات وبفارق كبير برشلونه 5 - 0 ريال مدريد (الريال صاحب الأنجازات)(مورينهو صاحب الأنجازات)(فريق دفع بالانتقالات اكثر من 400 مليون)(لعب آساسي) آرسنال 1-4 برشلونه (سبعة مصابين)(خمس سنوات بلا بطوله)(خارج البلاد) .... يعطيك العافية ((يستحقها الفرنسي))... |
إقتباس:
الفارق 5 بطولات وهذي سهله ع البرسا انه يحققها وان شاء ماينتهي الموسم هذا الا وحنا معادلين الفريق ذاك |
هلالي مووت :rose: ياخي انت ماجيت ع القسم والموقع الا قبل شهر الظاهر او شهرين وفي كل موضوع اشوفك متهاوش ومتناقش مع واحد:s5s: يااخوي هد الوضع شوي مهب في كل موضوع موري وكريس وكاكا وبيريز و و و في جائزة افضل دوري اللي اخذته الليقا تقول هذي جائزة وتستحق وهم خلاص اعطوا الليقا لانه يستحق ايضا اللي اعطى فينجر افضل مدرب هي نفس الجهة المسؤولة عن اختيار الليقا افضل دوري :d وهي الاتحاد الدولي للتاريخ والاحصائيات يستاهلها بصراحة فينجر او السير هم الافضل صراحة:smilie47: |
هـلالي مـوت الله يهـديك عيب تحسب بطولة الدوري وآبطآل آوروبآ لفيرغسون بس هههههههه نسسيت البطولآت الثآنية اللي آنت حسبتهـآ لمورينهو غريبة صراحة ما توقعت يطلع من شخص حيآدي مثلك < يسمع بالحيادية :d فيرغسون مـدرب كبيـر مورينهو مـدرب كبيـر فينغر مـدرب كبيـر لـكن بوجهة نـظري اللي يسستحق 1 فيرغسون 2 مورينهو 3 فينغـر طبعـآ فية مـدربين آفضل من فينغـر لـكن آنا رتبتهـم كترتيب للثـلآثي المذكـور |
أنجازات فيرجسون من 2000 إلى 2010 1- كأس رابطة المحترفين الانجليزية 2006 2- كأس رابطة المحترفين الانجليزية 2009 3- كأس رابطة المحترفين الانجليزية 2010 4- كأس الاتحاد الانجليزي 2004 5- درع اتحاد كرة القدم الانجليزي 2003 6- درع اتحاد كرة القدم الانجليزي 2007 7- درع اتحاد كرة القدم الانجليزي 2008 8- درع اتحاد كرة القدم الانجليزي 2010 9- الدوري الانجليزي 2001 10- الدوري الانجليزي 2003 11- الدوري الانجليزي 2007 12 - الدوري الانجليزي 2008 13- الدوري الانجليزي 2009 14- دوري أبطال أوروبا 2008 15- كأس العالم للأندية 2008 المجموع = 15 بطولة في العقـد الاخيـر ~~~~~~~~~~~~~~~~~~~~~~~~~~~~~~~~~~~~~~~~ أنجازات فينغر من 2000 إلى 2010 1- كأس الاتحاد الانجليزي 2002 2- كأس الاتحاد الانجليزي 2003 3- كأس الاتحاد الانجليزي 2005 4- درع اتحاد كرة القدم الانجليزي 2002 5- درع اتحاد كرة القدم الانجليزي 2004 6- الدوري الانجليزي 2002 7- الدوري الانجليزي 2004 المجموع = 7 بطولات في العقـد الاخيــــر ~~~~~~~~~~~~~~~~~~~~~~~~~~~~~~~~~~~~~ أنجازات مورينيو من 2000 إلى 2010 مع بورتو 1- الدوري البرتغالي 2003 2- الدوري البرتغالي 2004 3- كأس البرتغال 2003 4- السوبر البرتغالي 2003 5- دوري أبطال أوروبا 2004 6- كأس الاتحاد الأوروبي 2003 مع تشلسي 1- الدوري الانجليزي 2005 2- الدوري الانجليزي 2006 3- كأس انجلترا 2007 4- الكارلنج كاب 2005 5- الكارلنج كاب 2007 6- الدرع الخيري 2005 مع الانتر 1- الدوري الايطالي 2009 2- الدوري الايطالي 2010 3- كأس ايطاليا 2010 4- دوري أبطال أوروبا 2010 5- السوبر الأيطالية 2008 المجموع كامل = 17 بطولة لمورينيو :smilie47: في العقـد الاخيـر :s2: والله العظيم اني نزلت كل البطولات اللي جابوها الثلاثي مورينيو وفيرجسون وفينغر بالضبط كما ترون امامكم ... والآن من الأفضل بالعقـد الاخير برأيكـم ؟؟!! |
رغم اني من متآبعي ردودك الا اني اختلف معك بمنظوركم الملكي ..! لمآ تقارن لي نآدي مثل مدريد برئيسهآ بيريز وبرشلونه برئيسهآ لابورتآ بآرسنآل ولا ليفربول و رؤسآئهآ الامريكآن ..! هذآ اكبر غلط .. كل تفكيركم بطولات وبطولآت رغم ن الجميع يتفق ان مايجنيه مدريد او برشلونه من بطولآته هو من مآلهم ..! مدريد او برشلونه تبذخ الاموآل وهكذآ استمرت ثقآفة البطولآت لديكم والمدرب اللي مايجيب بطولة بالموسم يمسك البآب ولنآ في بلغريني وريكآرد مثآل حي طيب انآ يآ المدرب وش ذنبي اذا قررت الادآرة انهآ تزيد جنيهآ للاموآل ببنآء ملعب جديد وتحط على ظهرهآ دين حول نص مليآر على ابو انهآ بتدخل لنآدي اكثر من اربعين مليون يورو بالسنه في السنوآت القآدمه انآ يالمدرب فوقي رئيس يتحكم بالمآل في سوق الانتقآلات اذا صآر الرئيس مايبي يدفع ماتجي تلومني اني مآ حققت المركز الاول كثر الله خيري بعد اني كنت احطك ضمن الاربعه او ثمآنية النوآدي الكبآر باوروبا واوصل لنصف نهآئي الابطآل متفوق على الجميع رغم عدم توفر الامكآنيات المآديه عندي عندي لك مثآل بسيط وانت بنفسك تعيشه الان تخيل انكم قآبلتوآ برشلونه في شهر القآدم وانهزمتوآ على ارضكم بهزيمة قآسية من غريمكم .. طيب على من ستلقي لومك في نهآية السنه لو مآربحتوآ ولا بطولة رغم انكم تعديتوآ دور 16 ولكنكم خرجتوآ في الادوآر المتقدمه ..؟ اكيد انك تحط بيريز وفالدآنو بالمقآم الاول اللي هم عيوآ على مورينهو يجيب مهآجم عليه الكلآم مثل دزيكو او لورينتي وقآلوله تعبّر بشبآب النآدي .. وهذا اغلب وجهآت نظركم بحكم توآجدي الدآئم برآبطتكم طيب تخيل ان مورينهو جلس الى بعد اربع سنوآت بدون مايجيب بيريز مهآجم او جآبوآ لك مهآجم مثل بنزيمآ .. يعني بآعوآ بنزيمآ وجآبو وآحد ادج منه وقتهآ ابجيك واقولك مورينهو مآعنده شي وانه دآج ولا عنده امكآنيآت بالله وش بيكون ردك علي ...! طيب خذ لك مثآل ثآني يمكن عآيشته السنه المآضية مورينهو قآل لمورآتي بعدة تصريحآت .. ان لم تحظروآ لي شنآيدر لا تطآلبوني بالبطولآت ..؟ شفت كيف يتحكم الرئيس بالمقآم الاول بآمكآنيآت المدرب حسب منطقك ...! انظر الى حآل الليفر بعد الديون وانظر الى ترتيب تشلسي بعد اصابة لمبارد وتيري فقط ..! وانظر الى ترتيبنآ العآم المآضي بفريق احتياطي وتسع اصابات نحتفظ بالمركز الثآلث ونلعب بالابطآل ونصل لدور الثمآنية دون عنآء يذكر ..! وبفريق نصه احتيآطي وبمعدل اعمآر 23 سنه ..! رغم ان بورتو والميلآن اقوى من ليون بكثيير تقدر تقولي من يسويهآ ..! انآ ما اقولك ان فنقر يستآهلها اذا قسنآها بالبطولآت برأيي افضل مدرب بالعقد هو مورينهو لكن لمآ تجي تقولي وش سوى ووشهي بطولآته وامكآنياته وانه مفلس ومايجيب بطولات للاسف هذآ المنطق لا يقتدي فيه شخص يفهم كورة ..! رغم عدم متآبعتي للكآلتشيو واسراره لكن اتوقع ان اليوفي انفق في هذه السنه على سوق الآنتقآلات 50 مليون يورو لكن فريقه على وشك فقدآن المنآفسة وعندمآ علم مودجي بأن اليوفي سيرغب بالعوده الى المنآفسة في الصيف قآل بالحرف الوآحد :( فنقر هو الحل ) رغم انه فآقد للبطولآت بآكثر من اربعة سنوآت مدريد ايضآ عندمآ رغبة بالمنآفسة في السنتين المآضية كآنت تعرف بأن هذآ الرجل هو الحل في انتشآل الفريق لذآ اصرت ان تتعآقد مع هذآ الرجل لأنه عبقري .. لكن سياسة الملكي كآنت ضد رغبآت فنقر بخصوص الاستمرآر حتى مع عدم ربح بطولة في السنه لك :rose::smilie47: |
فينجر اسطورة التدريب ,! واللي يقول فينجر وش امكانياته ومدرب عادي ومدري كيف , اجزم لك انه مايتابع للدوري الانجليزي او مايتابع مباريات ارسنال , :) عموما شيء عادي فاز فيها فينجر يعطيك العافية , لا تحرمنا من جديدك |
إقتباس:
واللي يرحم والديك :smilie47: انسخ ردك هذا في جهازك وكل ما جا موضوع عن البروف :smilie47: وجا واحد باسطوانة مدرب اطفال يربيهم ويبعهم لغيره ووشهي انجازاته وطقتهم نزله هالرد فينجر اسطورة حيه :smilie47::smilie47: الامكانيات التي يسير بها النادي لن اقارنها بامكانيات مانشستر تشيلسي توتنهام ريال مدريد برشلونة الانتر الميلان اليوفي فهذا امر مجحف بحق ارسين :smilie47: اكاد اجزم انه يسير النادي بامكانيات قد تكون مساوية او اقل من تلك التي يمتلكها سندرلاند او ويست هام وغيرهم هنالك شح كببير في الموارد وبالتالي اموال انتقالات اقل وبالتالي تصعب الامور كثيرا وبالرغم من ذلك لا يزال الارسنال واقفا على قدميه :smilie47: وسيأتي الوقت التي يدهس فيه الجميع بدون استثناء |
يستااااااااااااااااااااااااااااااااااااهل |
إقتباس:
هلا بك جنرال :smilie47: .. إسمح لي أوضح لك بعض النقاط في البداية لازم نتفق على إن المال هو عصب الرياضه من دونه الأنديه تضيع يعني فيه أنديه صار لها تاريخ بعد مادخل فيها رجال أعمال وضخوا فيها أموال والأمثله كثيره .. عندك تشيلسي بعد ابراهيموفيتش وش صار حال النادي + المان سيتي عادي إنك تدخل النادي بديون لكن الشجاعه .. كيف تقدر تحافظ على الموازنه في النادي رياضياً وإقتصادياً بيريز يسمونه حوت الميركاتو عشانه يدخل في السوق ويشتري لاعبيين بمبالغ ضخمه لكن يعرف كيف يحافظ على النادي إقتصادياً صحيح إن الفريق بعيد عن الشامبينزليج فترة .. لكن ترى مو بعيد مره ( آآخر 12 سنه الفريق حققها 3 مرات ) يعني الفريق نوعاً ما جيد طيب نجي للآرسنال الفريق يعتمد بالدرجه الأولى على الشباب فينجر عنده سياسه غريبه شوي : " اللاعب اللي يتخطى الـ30 يكون التجديد معاه سنوي " يعني عقد يتجدد كل سنه .. ولنا في السويدي لوينبيرج + الهولندي بيرجكامب مثال . أنت وش رأيك بهالسالفه ؟؟ ماتحس إنها تقلل الولاء للنادي كيف اللاعب يشوف نهاية عمالقة الفريق ( تجديد سنوي مع إحتمال عدم التجديد لو اصيب اللاعب ) يعني الاعب الشاب يخاف على مستقبله مع النادي اللي ممكن يتخلى عنه إقتباس:
مورينهو يمكن يصبر هالموسم .. لكن الموسم الجاي لو ماكان فيه مهاجم هداف .. راح يفسخ عقده . هذا الفرق فينجر جالس له فترة مع الآرسنال من دون مايجيبون له اللي يبغى طيب ليش جالس بالفريق ؟ المدرب الكبير هو اللي يرقى المنصات بإستمرار يوم تدري إن الفريق ماعنده فلوس ليش تغامر كل سنه ليش ماتشوف نادي يعشق البطولات ويوفر لك بيئة مناسبة للمجد شوف مدرب الإتحاد مانويل جوزيه يوم شاف إن بيئة الفريق ماهي مناسبة للبطولات تركهم ومشى إذا كان فينجر صابر لين تتحسن أمور النادي مالياً .. أقولك : لنا 8 سنين بالضبط نسمع هالسالفه لكن اللي أشوفه يمكن يزعلكم شوي ياعشاق الآرسنال : ( فينجر يلعب بلاعبين صغار .. إن فاز قال أنا صنعت بطولات من لاشيء وإن إنهزم قال لاتلومون الفريق ) مدرب كبير .. لكن ماعنده رغبة التحدي لاتنسى .. ترى حتى السير يعتمد على اللاعبين الشباب بإستثناء الأعمدة جيجز سكولز نيفيل نقطه ثانيه : إقتباس:
اللي يقولك فينجر ماهو مدرب لاتتناقش معاه أبد .. فينجر مدرب كبير .. ولا ينتظر شهادة من أحد لكن الإختلاف هل هو مدرب إسطورة ؟؟ نقطه : إقتباس:
يعني مدريد لو يمر موسمين بدون بطولات راح تكون هناك عاصفة تغييرات ترى الريال حقق الدوري 2006 و 2008 يعني ماهو بعيد عن المنصات لكن عشاق الملكي مايرضيهم هالكلام وراح يستمر بسياسة ضخ الأموال عموماً : أرجع وأكرر .. فينجر مدرب كبير ويكفي إنه إستطاع تطعيم الفريق بعناصر أجانب بعد ماكان النادي يعتمد على اللاعبين البريطانيين لكن من الظلم تصنيفه بالأفضل لهذا العقد وباقي فيه كلام عن قينجر لكن أنتظر رد حقيقة إستمتعت بالرد مع شخص واعي مثلك شكرا لك :rose: |
اخوي بالنسبه هذي النقطة تحدثت عنهـآ ان مدريد وبرشلونه صآرت تستهدف النجوم يعني لمآ تشوف صرفية الريآل وبرشلونه بالموسمين الماضيين تشوف انها فوق الخمس مية مليون هذآ شي يخليك تستغرب من هالرؤوسآء تخيل جمهور برشلونه عآتب روسيل على انه يصلح دورآت الميآه ويقولون ليه مايتعآقد مع لاعبين جدد يعني مآكفتهم هالنجوم ويبون نجوم بعد طيب لمآ تجي لنآدي مثل ارسنآل او الليفر ويكون مملوك لعدة اشخآص قريبين من بعض وكل وآحد محتفظ بنسبته من الاسهم وكل سنه يتعب ميزآنية النآدي بآلديون والقروض احيآن مدربين يقدرون يطلعون هالفريق من هالازمه مثل فنقر وفريجسون و وايضآ رانيييري بنسبة قليلة واحيآن يكون غير قآدر زي رآفا وهودسون وكثيرين غيرهم اندية كثيره بالبريمر تشوفهآ تلعب بالدرجة الاولى منهآ ليدز وتوتنقهآم فورست صآحب بطولتي تشآمبيز وكلهآ هبطت بسبة الديون الدين الاجمآلي للمآن يونآيتد يتجآوز الخمسمية مليون ومع ذلك الفريق يسير بشكل طبيعي والسير يقودهم لقمة الترتيب ومع ذلك ادارة النآدي كل مآرأت امكآنية لشرآء نجم اعطت فيرجسون كآمل الصلاحيآت لشرآء وهذآ مايفرق السير عن فنقر انت لمآ تقآرن لي بآكبر مقآول باسبآنيآ مع ملآكنآ الآمريكآن هذآ غلط اكبر صفقة بتآريخ الدوري الانجليزي لم تتجآوز الاربعين مليون لكن لمآ تشآهد مبآلغ تتجآوز الستين مليون تدرك ان الاموآل لم تأتي اربآح نآدي وانمآ جآءت من رؤسآئهآ فقط ومن ثم الاستربآح من اعلانات تلك الصفقآت امآ بخصوص تعآمل فنقر مع اللعيبه الذين تتجآوز اعمارهم 30 فهذي ايجآبية من جهة وسلبية من جهة اخرى كوني اجدد للاعب لمدة سنه فيهآ اني اقدر اخلى هاللاعب يثبت لي بكل سنه انه مازال قآدر على العطى مثل بريكآمب اللي استمر على العطآء ولم يستطيع اي شآب ان يزيحه عن مكآنه حتى مع تقدمه بالعمر امآ سلبيآتها ان بعض اللاعبين ينظر لها انها عدم ثقه من النآدي وانآ اشوف ان فنقر على حق حتى يحث اللعيبه على الاستمرآر على العطآء وهل تعتقد لو استطآع مورينهو ان يحرز لكم الابطـآل والدوري هذي السنه ان يستمر معكم في السنه القآدمه ..! وليش مآتقول هذآ الفرق ..! المدرب الكبير موب اللي يروح لم نآدي ويقول ادفع ادفع واذا مادفعت ترآي بطلع من النآدي على كذآ كآن شفت السير من زمآن مقشوع ..! اي نعم اقولك مورينهو صآحب تكتيك عآلي وقيمته الفنية كبيره لكن مسألة اني اجيب لاعبين فوق السبيعن مليون واجيب لك بطولة هذي ماتكون منسوبه لمورينهو بشكل كلي ..! لكن لما تطلع نص فريقك من شبآب النآدي او لاعبين مغمورين واجيب لك بطولة هنآ تبآن قيمة المدرب ..! طيب لمآذآ كآن الاستغرآب منك عندمآ قآل احد زملآءك انه دآهية ..!؟ بالنسبه لي وبالنسبة لعدد كبير من المدربين واللاعبين يعتبر احد الاسآطير التدريبية وعندمـآ ترى عروض المنتخبآت والاندية تنهآل عليه ترى قيمة هذآ المدرب عندمآ تتآح له الامكآنيآت المآدية ..! عندمآ تصرح في نهآية هذآ الموسم انك لن تهزم في السنه القآدمه وبالفعل تأتي نهآية السنه القآدمه ولم تهزم في الدوري وتخرس جميع من استزآء بك عندمآ قلت هذآ الكلآم فعلم ان هذآ المدرب خآرق للعآدة ..! فلم يوجد مدرب قد اطلق هذآ التصريح وقآل انه لن يهزم قبل بداية الدوري في البريمر على الاقل ..! هذي صورت التيشيرت وقت التتويج وعليه هذآ التصريح ..! المنآفسة على البطولآت حق مشروع للملكي او لغيره .. لكن الحكم على امكآنيات مدرب لا تأتي بالبطولات فقط فدلبوسكي خرج من التشآمبيز وهو يضم نخبة الاسمآء وقواريولا خرج من الابطآل وهو يملك اغلى اسمآء في عآلم المستديره ..! نقطة اختلآفي معك لم تكن عن احقية فينجر بالجآئزة نقطة اختلآفي معك عن فكر وعبقرية هذآ المدرب وامكآنيآته ..! على الرغم اني لا املك اي معايير عن تلك الجآئزة وعن هذه المنظمه @ تحية لك ايضآ استمتعت بهذآ النقآش الطيب ..! @ ابوحسن :smilie47: مآزود على كلآمك يادكتور |
| الوقت المعتمد في المنتدى بتوقيت جرينتش +3.
الوقت الان » 04:14 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd