اتمنى من المدرب القدير ناصرالجوهر يطبق هالخطه وبإذن الله الفوز بيتحقق ...
• الخطه مثل ما انتم شايفين هي اساساً 4-4-2 ولكن تطبيقا4-5-1 بعوده ياسر أثناء الهجمة لسحب المدافعين او إشغال محوري الدفاع
• التركيز كله لراح يكون على نايف هزازي نايف يمتاز بالتمركز السليم بين المدافعين والارتقاء ويتميز بالتهديف عن طريق الرأس واللعب بكلا القدمين يعيب عليه انقطاع الكره منه أثناء المراوغة وخصوصا خارج منطقة الجزاء (عشان كذا لا يطلع برى الــ18):ranting:
• ياسر القحطاني سيكون اللاعب الحر وموقعه خارج منطقة الجزاء(مفاجأت الخصم) كما ذكرت لسحب المدافعين أو إشغال محوري الدفاع بالإضافة إلا انه يجيد المراوغة خرج منطقة الجزاء ويتميز بسرعة الالتفاف بالكره و يجيد لعب (الــ ون تو) مع عطيف او الشلهوب وسيشكلون ثنائيات ثم صناعة الهدف لنايف تتذكرون ياسر مع جيرتس وكيف كان جيرتس يستخدمه كطعم للمدافعين وبذلك كان لاعبين الوسط هم الهدافين حتى وهو طعم سجل 9 أهداف في الدوري عشان كذا الحركه هذي تخفف من الضغط على ياسر واذا أتيحت الفرصه ممكن انه يساند نايف ولاتنسون ياسر يتميز بالتسديد من خارج منطقه 18.
• عبده عطيف مطلوب منه اللعب على الاطراف لارسال الكرات العرضية لنايف وتوزيع الكور ومسانده شهيل في حال الهجمه على المنتخب بالاضافه الى المراوغه لخلخلت الدفاع واتاحت الفرصه لنايف وياسر بالتمركز من اجل التهديف .
• الشلهوب بنفس مهام عبده الكرات العرضيه فهو يجيد الرفعات بالمليمتر على راس نايف (ماشاء الله):naughty: ويجيد المراوغه وصناعت الكور البينيه لياسر ونايف.
• احمد عطيف مطلوب منه مهام المحور الاعتياديه بالاضافه الى مساندة ياسر في منتصف الملعب والرجوع السريع في الهجمه المرتده.
• كريري مطلوب منه مهام المحور الاعتياديه والتركيز على لعب الكور الطويله لعبده عطيف وللشلهوب على الاطراف .
• الاظهره شهيل والسعيد مطلوب منهم عدم المبالغه في التقدم لان عطيف والشلهوب امامهم وفي حال تقدم احدهم اثناء الهجمه يبقى الاخر مدافع ثالث خشية الهجمات المرتده
• اسامه واسامه مهام المدافعين واهمها تطبيق خطة التسلل ، في مبارة سوريا يمكن شفت هجمه وحده تسلل تتذكرون خطة جيرتس الهجومية وكيف كان هوساوي والمرشدي يطبقونها وينهون المرتدات بشكل سريع.
• وليد عبدالله مطلوب منه يوجه اللاعبين اكثر شفنا الاهداف كيف ولجت مرماه تحسسنا بعدم تفاهم الحارس مع المدافعين الله يذكر الدعيع بالخير:cry: ووليد ان شاء الله فيه الخير والبركه.

• التغييرات حسب مجريات المباراة ممكن الاستغناء عن عطيف او الشلهوب واشراك تيسير الجاسم
• ممكن اشراك عبدالعزيز الدوسري او العابد بديل لياسر وتكون الخطه 4-5-1

• والله يوفق المنتخب ..




انا واحد من ال20 مليون اللي يقول عنهم عبدالرحمن بن مساعد مدربين:ap:
بس بذمتكم مهيب احسن من خطة بوسيرو
هذا اجتهاد واللي ما اعجبته الخطه ترى مهوب للازم يرد
اللي يشوفني هالحين يقول ان ناصر الجوهر بيلعب فيها

ودمتم زعماء

ياعيني عليك ،
ياليت نشوفك مدرب للمنتخب بدال الجوهر ، تشكيله و لا اروع

بس عندي ملاحظه صغيره :
مشعل السعيد - كامل الموسى
عبده عطيف ـ تيسير الجاسم او نواف العابد :smilie47:

يعطيك العافيه ، و بالتوفيق للاخضر :rose:

ليش ياشباب متشائمين
المنتخب هذا يمثل الوطن
مايمثل افراد
واملنا بالله ثم بناصر الجوهر وياسر ورفاقه وتذكرو كلامي