إقتباس الرسالة الأصلية كتبت بواسطة Blanco Soul ممكن خدمة بسيطة : بصراحة انا ابي موقع ينطق لي الكلمات الإنجليزيه بشكل واضح يعني انا ادخل السبيلنق حق الكلمة وهو ينطقها لي , جربت مترجم جوجل لكن الولد مستعجل ويالله تستوعب الكلمة اللي عنده لايخبل علي لإني باإمس الحاجه له . شاكر لكم

هلا بك آخوي..
آتمنى هالموقع يفيدك..

الكلمات والمفردات الانجليزية

^^^
في برنامج اسمه TalkAny

اكتبه بقوقل بنفس كتابتي للاسم ويطلع لك..



رائع حمله .. تحميله سهل ..

وهوسهل..

..............

ميمي

هي لسا صغيره ..

إقتباس بنت اخوي عمرها الان 16 سنه .. طولها 147 .. وزنها : 44 ك .. *^ هـ المعلومات تراها مهمه لاي دكتور ..

ومررا ضعيفه..يمكن ناقصها كالسيوم ..

لو حطيتي وزنها وطولها راح يبين لك ..

خليها تتعرض لشمس الصباح وشمس العصر يعني الساعه 5 ..

وحكايه انه تمدد في العظام هذا الشي صح ..

اهم شي تكون سليمه ماعندها فقر دم او نقص في الكالسيوم او الزنك خلاص هي بخير ..

العلاجات تهلكها وترهقها ..

عاادي لاتحسسونها انها مريضه .. لأنه بتصدق ان فيها شي .. وهو يكون مافيها شي ..

لاتزعلي من كلامي بس هذا هي الطريقه الصح ..

طمنوها انو هذي فترة نمو وعادي .. مافي شاهي ولا بيبسي لأنه بيكسر الحديد..

ولاتعودونها على الادويه ..مثلا تدهن رجلها بالفولترين قبل ماتنام ..

ولا توسوسون..
.....
وربي يشفيها ويعافيها..

إقتباس الرسالة الأصلية كتبت بواسطة ﺍﻟﺰ؏ﻴﻡ الـﻫﬠﻟﻲ ياحبايب برنامج سلمان العودة اللي كان يعرض في mbc فيه أخبار عنه يعني راح يرجع بعد الإيقاف أو شيء من هذا القبيل؟ شكراً مقدما لصاحب الإجابة أتمنى لك التوفيق تحيتي قبل مودتي

على حسب اللي سمعتهّ إنه موب راجعّ !
أنا مدري ذا اللي سمعته !

ميمي الله يشفيها ويعافيها (يااارب)

إقتباس الرسالة الأصلية كتبت بواسطة الز؏يم الـهﬠلي ياحبايب برنامج سلمان العودة اللي كان يعرض في mbc فيه أخبار عنه يعني راح يرجع بعد الإيقاف أو شيء من هذا القبيل؟ شكراً مقدما لصاحب الإجابة أتمنى لك التوفيق تحيتي قبل مودتي

لا وانا اختك ماهقوتي يرجع

إقتباس الرسالة الأصلية كتبت بواسطة Meme السلام عليكم ورحمة الله وبركاته أتمنى عرض الي بكتبه على دكتور عظام او مخ واعصاب .. لو حتى عياده في النت او دكتور تعرفونه او اي شي الله يرضى عليكم .. بنت اخوي عمرها الان 16 سنه .. طولها 147 .. وزنها : 44 ك .. *^ هـ المعلومات تراها مهمه لاي دكتور .. من عمرها اربع سنوات وهي تعاني من الم شديد في الركبتين ولديها ركبه فيها الالم اشد من الاخرى .. وبعض الاحيان يقتصر الالم على ركبه واحده ( اليسرى) دون الاخرى زارت كذا طبيب وقالوا لها السبب في ذلك : طولها سيزيد .. <== امحق سبب .. كان يزود ألم الركبتين عند زياده الحركه .. فكانت تفضل عدم اللعب مع الاطفال لانها تتذكر بان الالم سيأتي لها .. <== والله اني اذكر كذا .. الموهيم : بعدها بفتره عندما اصبح يزود الالم قامت بزياره طبيب اخر فقال لها السبب هو : البرد <== البنت ماتت من الحر ولازال الالم مستمر .. بعدها بفتره ايضا زارت طبيب اخر وقسسم قال لها السبب : هو اللوز .. وايضا دكتور ثاني قالها معك روماتيزم بس بعدها سوو تحاليل ولا طلع روماتيزم ومره قالوا لها شعرك ياخذ من طولك يعني قصيه وهي شعرها طويل مره راحت قصته <= لان طولها يعتبر ليس بالطول الطبيعي او المتوسط .. يعني كل دكتور عنده سبب .. بعدين قال اخوي خلالالالاص لازم ناخذها مستشفى مشهور يمكن نلاقي عندهم العلاج مسستحيل البنت تظل عايشه ع الفيفادول والبروفين .. <== كل يومين علبة فيفادول والله خساره .. الموهيم .. راحت لمستشفى التأمينات الخايس .. ودخلت عند دكتور اخصائي روماتيزم او شي زي كذا .. قبل يسوي التحاليل والاشعات فحصها فحص موضعي وقال لها ان فيه ليونه بالصابونه .. وعطاها علاج لمده شهر تشربه يخص الصابونه , وعطاها مسكن اسمه سليبريكس , وهذا المسكن مررره خطير ومايصير يشربونه الي اقل من 18 سنه وهي كان عمرها 15 سنه , الموهيم : بعد شهر راجعته سألهاهل الالم خف ؟ قالت : لا .. ثم سوى لها اشعه قالها : فيك ليونه في العظام وعطاها علاج ثاني مع العلاج الاول وتستمر عليهم شهرين اضافيين .. بعد الشهرين الالم ماراح الموهيم جا موعدها وراحت وقالت له ان الام ماخف ابدا فسوى لها تحاليل وقالها معك نقص فيتامين د ززصف لها قطرة فيتامين د تحطها بمويه كلها وتشربها .. كل اسبوع تجيب كاس مويه وتكب العلبه فيه وتشربه .. لمدة شهرين .. بعدها الالم لازال مسستمر .. قالها فيك حاله نفسيه <== لما مالقى لها حل سوى البنت مريضه نفسيا الدوب تخيلوا المفروض يقول لابوها بدون ماتكون موجوده قالها انتي فيك حاله نفسيه اذا ماعرفت وش العله فيها لاتحط السبب في نفسيتها الموهيم وجلس يستهبل عليها ويقول لازم دايم تفضفضين وتسولفين لامك لابوك لاختك قالت له اختي متزوجه ومافيه الا انا واخواني جا ماصدق خبر قال ايه هاذي العله لان ماعندك اخت .. الموهيم : البنت الحمد الله نفسيتها عال العال ماشاء الله عليها ولاتعاني من شي وهي مره قريبه مني واي شي يضايقها تقوله لي لبى قلبها وهـ بسس .. ملاحظات : الالم الان بحركه وبدون حركه متواجد ومسسستمر والله عايشه ع المسكنات .. واذا عصبت يزود الالم ويبدا شي يألمها ممتد من الركبه الى اصبع الرجل الكبيره .. كل ثلاث ساعات حبه فيفادول ,, بروفين وقت المدرسه عشان تطول الفتره والله العظيم واقسم بالله تقوم من النوم علشان الم الركبه تكون نست تشرب فيفادول او بروفين على حسب الفتره .. وتجلس تبكي من الالم وربي وربي .. والدكتور يقول حاله نفسيه .. واذا صار حاله نفسيه هي من الدكتور يامن الالم خالتها عالجتها بالابر الصينيه ولا فاد .. <== يقولون عنها الطب البديل .. ايضا تعالجت بالزيت المقري والماء المقري ولم ينفع .. الان : اخذت برنت عن ملفها وقدمتها لعياده تابعه للحرس الوطني في حي ام الحمام .. مدري شارع <== انا من الاسم ما ارتحت .. والله ماتتخيلون حجم الدعوات الي بتجي من تجيب \ يجيب الاجابه او تدلني\ يدلني على دكتور يعرف في مثل هـ الحالات .. اختكم .. ميمي

هلا وغلا ميمي
في دكتور وهو متخصص بالعظاام ولد جيرانا
صحيح هو ما صاار له ثلاث سنوات
بعد ما سئلتة قااال اولا / عدم مراااجعة اكثر من دكتور بفترة قصير هذه ياثر على البنت ويأثر على حاالتة العلاجية
ثانيا / نصيحة اقرب مستشفى بالخاارج وينصح المانيا بريطانيا الصين
ترى يصير تقدمين الملف الى المستشفى وهو يجهز لكمـ الرحلة من والى
ثالثا // قاال لي والله ما اقدر احكم لك او اقول وش المرض قاال لزم اشااعة لزم تحليل
وفي نظاام جديد يطبق بالمستشفياات الكبيرة هو عرض حالات المرضااء في اخر الدول واعظم الدكااتر عن طريق الأقماار الصنااعية
واناا جااهز لكم بي سوال اسئله له

الله يشفيها ويعاافيه

إقتباس الرسالة الأصلية كتبت بواسطة ﺍﻟﺰ؏ﻴﻡ الـﻫﬠﻟﻲ ياحبايب برنامج سلمان العودة اللي كان يعرض في mbc فيه أخبار عنه يعني راح يرجع بعد الإيقاف أو شيء من هذا القبيل؟ شكراً مقدما لصاحب الإجابة أتمنى لك التوفيق تحيتي قبل مودتي

آخـر الأخبـآر مآرآح يرجع
كل التوفيق

جزاكم الله خيرا فردا فردا شخصة شخصة شخصا شخصا

ربي لايحرمكم الاجر ..

استفدت كثيرا من اجوبتكم وربي ..

حاتم باذن الله راح اسأل الاهل ولي عوده الى هناك لاطلب منك مالمطلوب وماا الى ذلك ..

ومن ناحية الفورتالين والحديد وغيرها وجلوسها على الشمس على فكره هي صارت تجلس في الشمس لمده ست شهور تقريبا .. ولاصار اي شي .. والفيتامينات وغيرها انتهى علاجها ..

يب هي صغيره وهي اساسا عانت من هـ الشي وهي صغيره ايضا ..

احنا مانحسسها ابد انها مريضه لكن اذا جاها الالم خلاص نعرف من وجهها وخاصه اذا كانت ناسيه الفيفادول والبروفين ..

بالنهايه هاذي المسكنات بتضرها وخاصه البروفين يضرر كثير <== اذا انا ضرني فكيف هي ..

شوكرا لكم من القلب و1

اختكم .. ميمي

إقتباس الرسالة الأصلية كتبت بواسطة خـيـالـيـه السلام عليكم ورحمة الله وبركآته.. آبي آنشئ لي مدونة .. بس مااعرف موقع مدونآت كويس .. اللي عنده خلفية عن مواقع المدونات الله يجزاه خير يسدح معلوماته هنا ..

إقتباس الرسالة الأصلية كتبت بواسطة الز؏يم الـهﬠلي اعتقد بأن موقع تومبلر يفيدك كثيرا Sign up | Tumblr اللغة الرسمية للموقع إنجليزية والشرح يحتاج منك استعانه بالله ثم بقوقل في شرح هذا الموقع أتمنى لك التوفيق تحيتي قبل مودتي

مشكور آخوي الزعيم الهلالي ..
تم التسجيل فيه ..

والانجليش ماعليك .. مااحتاج لقوقل ..

الله يجزاك خير

السلام علكيم

كيفكم ؟

بغيت اسال .. كيف اعرف الصفحات اللي زرتها في الفلكر ورديت عليها ؟

إقتباس الرسالة الأصلية كتبت بواسطة ﺍﻟﺰ؏ﻴﻡ الـﻫﬠﻟﻲ ياحبايب برنامج سلمان العودة اللي كان يعرض في mbc فيه أخبار عنه يعني راح يرجع بعد الإيقاف أو شيء من هذا القبيل؟ شكراً مقدما لصاحب الإجابة أتمنى لك التوفيق تحيتي قبل مودتي

هذا الجواب الشافي مدعماً بالدليل موحنا هلاليين
أرعص هنا >> الدكتور العودة مابعد _ الحياة كلمة _ "لديَّ خيارات وعروض جيدة، والخير فيما اختاره الله"