][ اســـأل والمجلس يجيـــب ][ - صفحة رقم 26 - نادي الهلال السعودي - شبكة الزعيم

FINAL10 · #376 11/02/2011, 02:06 AM

^
توصيفك مدري وش يبي بالحياه

شلون الفيصليه اخليها ورآ ظهري
والمملكه على جنبي

الحين المتجر على التحليه صح ؟

يعني لو ماسك العليا ووجهي شمال وجاتني اشاره التحليه
اخذ يمين

؟

Dr-Me · #377 11/02/2011, 02:15 AM

إقتباس


	سؤالي انا اشتريت شاشه lcd ورسيفر الجزيره hd عشان كاس العالم وبعد نهاية كاس العالم جيت بشنرك بالدوري الانجليزي قالي اللي يبيع القنوات ,, ابوظبي hd ما تشتغل الا على رسيفر ابوظبي اما الجزيره hd عادي تشتغل على رسيفر ابوظبي ! وانا اللي عندي رسيفر الجزيره هل كلانه صحيح لأني توي مجرب ولا اشتغل كرت ابوظبي يعني صحيح وهل فيه طريقه والا مالي الا اشتري رسيفر ابوظبي ؟؟؟!

مرحبا اخوي

كلام الرجال صحيح لازم تشتري رسيفر ابو ظبي HD عشان تشوف الدوري الانجليزي وتقدر تحط في الجهاز كرت الجزيرة الرياضية وتشتغل معك عادي اما العكس مستحيل اذا تبي تشوف الدوري الانجليزي لازم تشتري رسيفر ابو ظبي الخاص ب 999 ريال ويجي معه الكرت اشتراك سنة بس طبعا ما راح يشتغل الكرت الا عليه

احسن حل لك اشتر الرسيفر وخذ لك كرت الجزيرة وحطه في الجهاز وترتاح يصيرون مع بعض في جهاز واحد في مدخلين للكرتين

Ms. Star · #378 11/02/2011, 02:16 AM

إقتباس

الرسالة الأصلية كتبت بواسطة الموهــــــ10ـــــوب


	سؤال يسدح نفسه يالربع اللي يبغى يغير نكه وش يسوي ؟؟؟؟؟؟

ارسل رساله لواحد من المشرفين أنصحك تكلم >> كبير الهلاليين والله مايقصر مع الجميع في ظرف 4 ساعات بالكثير يتم تغييره ... الله يجزاه كل خير ~

Ms. Star · #379 11/02/2011, 02:21 AM

أن أبسال ذا الحين ::

ودي أشتري شريحة موبايلي في اسعار مختلفه اللي بــ 10 واللي بــ 40 واللي بــ 85 وش الفرق بينهم واذا حد مجرب من الأفضل الاتصالات ولا موبايلي ؟؟؟؟؟
البعض يذّم موبايلي بطاقات الشحن يقولون تخلص بسرعة يعني لابد تستخدمها في حدود زمن معيّن ولا بيروح الرصيد عليك مثلا يقولون الــ 10 في ثلاث ايام لابد تخلصها صحيح ولا حد مجرّب يجاوبني اذا ممكن ؟؟

مشعل الحربـي · #380 11/02/2011, 02:53 AM

إقتباس

الرسالة الأصلية كتبت بواسطة * سارة *


	ارسل رساله لواحد من المشرفين أنصحك تكلم >> كبير الهلاليين والله مايقصر مع الجميع في ظرف 4 ساعات بالكثير يتم تغييره ... الله يجزاه كل خير ~

والله ماشفت اطيب من هالرجال ..

كلمت اغلب المشرفين يغييرون نكي اللي يقولي لازم يكون عندك سبب مقنع لتغيير النك واللي يقول افتح موضوع في قسم الاستفسارات

بس كبير الهلاليين من كلمته قالي ابشر ..الله يوفقه في دنياه

بطلة · #381 11/02/2011, 05:32 AM

صباح الخير

,,

اول مره أرد من المتصفح الجديد ---> توها تتطور

الحياة غير معاه

, بس الله يرج عدوه شوه مواضيعي صارت مشقلبة

إقتباس

الرسالة الأصلية كتبت بواسطة FINAL10


	بيفيدونك المفهيـن الي بمنتدى الكمبيوتر والنت

ابشرك عرفت

,, شكراً

إقتباس

الرسالة الأصلية كتبت بواسطة لاعب الزلفي الواعد


	والله ما ادري وشو الموضوع بس قلق قلت اناضر الردووووووووووود

إقتباس

الرسالة الأصلية كتبت بواسطة y-11-9-10-y


	السلام عليكم بسالكم وياليت اللي يعرف يرد ضروري انا انصدمت ان عندي ماده مااقدر اخذها لام لها متطلب وماكنت اعرف واللحين بزيد ترم احد يعرف اذا اقدر اخذ المادتين مع بعض يعني يسون لي استثناء لاني تخرج

وعليكم السلام ,, وليش الصدمة ؟
في احد مايحب الجامعة

تقدر ونص بحكم إنك متخرج إنت خبرهم بـ هالشيء ,,
وشفت بنات قدامي عملوها , وفي بعضهم والله ماكانوا خريجات ,,
وإذا لاقدر الله ماانضافت تذكر عسى ان تكرهوا شي وهو خيراً لكم

,,
الله يوفقك ,

إقتباس

الرسالة الأصلية كتبت بواسطة أزرق والقلب أبيض


	^ عندي سؤال \ لو ابي ارفع معدلي في الجامعه < اجل وين ! اخذ للسمستر الجاي ساعات كثيره ولا قليله اخاف اخذ ساعات كثيره واتورط وينزل المعدل اكثر

* اول سنة هي اهم سنة إذا المعدل نازل مايرتفع بسهولة

,,
---> فـ شد حيلك بقوة

اول سنة ,,

* نوعية المواد اللي تاخذها : نوع من الحفظ لـ الفهم السهل الدسم الخ

وانتبه في مواد تحتاج مشاريع وتكاليف حركات وبركات

فـ مو تاخذها كلها مع بعض وبكره نلاقيك بالزاوية تقطع شعرك

* على حسب شخصيتك إنت كيف بـ عدد الساعات والضغط ,,

كمثال انا من النوع اللي إذا سهل علي الشي واعطيتني لو بس مادتين
مااهتم زي لما تعطيني مواد كثيرة وتكرفني

والسبب مع الضغط اخاف

واكون مهتمه لـ عامل الوقت إن يدوب يكفيني
وتلاقيني مصارعه بين كتبي وبحوثي

يعني مع الضغط انتج أكثر

الحمد لله ومع التسهيل اتنح شوي ياكافي

,,
إنت كيف نظامك مع الضغط تنتج ولا تشرد

؟

* حط ببالك نقطة مهمه والظاهر بعض سنة اولى ماينتبهون لها

لما تاخذ ساعات قليلة معناها بتطول بـ المستويات

فـ خلي موادك بين الـ 5 و 6 , من ساعات 15 إلى 17 أو 18
يفضل ماتنقص عن 15

عشان ماتتورط بكره بـ المستويات ,,

والله يوفقك

,,

شكر لكم
بطلة

S.SAM · #382 11/02/2011, 06:56 AM

إقتباس

الرسالة الأصلية كتبت بواسطة * سارة *


	أن أبسال ذا الحين :: ودي أشتري شريحة موبايلي في اسعار مختلفه اللي بــ 10 واللي بــ 40 واللي بــ 85 وش الفرق بينهم واذا حد مجرب من الأفضل الاتصالات ولا موبايلي ؟؟؟؟؟ البعض يذّم موبايلي بطاقات الشحن يقولون تخلص بسرعة يعني لابد تستخدمها في حدود زمن معيّن ولا بيروح الرصيد عليك مثلا يقولون الــ 10 في ثلاث ايام لابد تخلصها صحيح ولا حد مجرّب يجاوبني اذا ممكن ؟؟

اهلا صبآآح الخير..

هي باقات.. وعلى حسب الباقات الي راح تشتركي فيها.. الي تقولي عنها أتوقع هي باقة حلا.. تشحن بـ 10 ريال تخلصها تنزل لك 10 ريال مجانا بس ضروري تخلص بنفس اليوم قبل 12 الليل.. والي يزيد من الرصيد المجاني ينسحب 12 الليل خلاص.. هذه الباقه تنفع للناس الي مكالماتهم كثيره.. مثلا يشحن كل يوم بـ 10 .. يصير يشحن الرصيد أول اليوم الي هو 12 الليل.. وأول ما يخلص الرصيد بنزل له رصيد اضافي مجاني ولازم يخلصه قبل يبدأ اليوم الثاني 12 الليل..

من الأفضل الدخول لموقع موبايلي الرسمي واختيار الباقه المناسبه..

بالتوفيق..

حروف الغلا · #383 11/02/2011, 11:32 AM

صباااااح الخييييييير

سؤال :

من فترة نزلت برنامج مانع الاعلانات التجارية و كان مجانا

انتهت المدة و رجعت نزلت واحد جديد من موقع ثاني و مب راضي يشتغل

مع اني حذفت القديم قبل ما ارفع الجديد

يقول لي ان الفترة المجانية انتهت >>>> بكيفه هو

و الحل ؟؟

maistro2t · #384 11/02/2011, 12:32 PM

إقتباس

الرسالة الأصلية كتبت بواسطة FINAL10


	^ توصيفك مدري وش يبي بالحياه شلون الفيصليه اخليها ورآ ظهري والمملكه على جنبي الحين المتجر على التحليه صح ؟ يعني لو ماسك العليا ووجهي شمال وجاتني اشاره التحليه اخذ يمين ؟

أيه خذ يمين و أبتل لين تتعدى تشيلز هو بعده بكم متر

لا هنتو بس الهوامير و المبتعثين

وش أفضل بنك عندنا يخدمني خدمه منتازه لاصرت بالغربة

FINAL10 · #385 11/02/2011, 01:41 PM

^
حلو حلو
موقعه خونفشآري

بس ماني جآيه اللحين تلقاه زحمه من هالعالم

على ما تخف الزحمه رحت له

إقتباس

الرسالة الأصلية كتبت بواسطة حروف الغلا


	صباااااح الخييييييير سؤال : من فترة نزلت برنامج مانع الاعلانات التجارية و كان مجانا انتهت المدة و رجعت نزلت واحد جديد من موقع ثاني و مب راضي يشتغل مع اني حذفت القديم قبل ما ارفع الجديد يقول لي ان الفترة المجانية انتهت >>>> بكيفه هو و الحل ؟؟

ما يحتاج برنامج خاص لمنع الاعلآنآت

بنفس برنامج الحمايه عندك بالاعدادات حطي منع للآعلآنآت
ولكن وش برنامجك الحمايه

؟

كان هنا · #386 11/02/2011, 02:33 PM

إقتباس

الرسالة الأصلية كتبت بواسطة FINAL10


	لا تتفآولين على نفسك انا قريت هالجمله واحس انها ثقيله شوي ! طيب لو اني ماسك العليا ووجهي شمال وجتني اشاره التحليه وين المتجر حق الهلال ؟

ههههههههههههه أثاريك تسأل أحسبك تهيبل

لا جتك اشارة التحلية خششششش يمين بيجيك على ايدك اليمين

هو جنب مبنى موبايلي وقبل كوبر شندني

FINAL10 · #387 11/02/2011, 03:36 PM

إقتباس

الرسالة الأصلية كتبت بواسطة كان هنا


	ههههههههههههه أثاريك تسأل أحسبك تهيبل لا جتك اشارة التحلية خششششش يمين بيجيك على ايدك اليمين هو جنب مبنى موبايلي وقبل كوبر شندني

اما اتهيبـل

في احد يتهيبل بهالموضوع بعد انذآر يمشي مليون
وايقاف ودبلت تسبد

انا بروح له اللحين لان بيتي مهو بعيد عنه ولا هو قريب ايضا

بس لي شغل هنآك بالعليا وبسير عليه

FINAL10 · #388 11/02/2011, 05:23 PM

تستهبلون انتم وتوصيفكم

مسكت التحليه من تركي الاول الى الملك عبدالعزيز ولا لقيت هالمتجر

يعني لو وجهي شرق وجآني تقآطع العليا

بعد تقاطع العليا يجي على اليمين صح ؟

يعني بالضبط هو على التحليه وبين العليا والملك عبدالعزيز صح ؟

وفي روآيه لو وجهي شمال وانا على العليا ، وجآني تقآطع التحليه اخذ يمين صح ؟

مالقيت هالمتجر

يالله ابي توصيف دقيق جدآ جدآ

حروف الغلا · #389 11/02/2011, 05:31 PM

إقتباس

الرسالة الأصلية كتبت بواسطة FINAL10


	تستهبلون انتم وتوصيفكم مسكت التحليه من تركي الاول الى الملك عبدالعزيز ولا لقيت هالمتجر يعني لو وجهي شرق وجآني تقآطع العليا بعد تقاطع العليا يجي على اليمين صح ؟ يعني بالضبط هو على التحليه وبين العليا والملك عبدالعزيز صح ؟ وفي روآيه لو وجهي شمال وانا على العليا ، وجآني تقآطع التحليه اخذ يمين صح ؟ مالقيت هالمتجر يالله ابي توصيف دقيق جدآ جدآ

فاينال لف الدوار و خذ يمين بتشوفه في ويهك ...

برنامج الحماية اللي عندي avast

سين سؤال :

ابغي حد يعلمني كيف اساوي حجم الصور اللي بتوقيعي

يعني ابيهم على نفس المستوى

تعبت و انا اخترع

maistro2t · #390 11/02/2011, 05:41 PM

إقتباس

الرسالة الأصلية كتبت بواسطة FINAL10


	تستهبلون انتم وتوصيفكم مسكت التحليه من تركي الاول الى الملك عبدالعزيز ولا لقيت هالمتجر يعني لو وجهي شرق وجآني تقآطع العليا بعد تقاطع العليا يجي على اليمين صح ؟ يعني بالضبط هو على التحليه وبين العليا والملك عبدالعزيز صح ؟ وفي روآيه لو وجهي شمال وانا على العليا ، وجآني تقآطع التحليه اخذ يمين صح ؟ مالقيت هالمتجر يالله ابي توصيف دقيق جدآ جدآ

شكلك حول

أيه لف يمين يا رجل
قلنا لك بعد تشليز بكم متر ع اليمين

بعد واينز كوفي