|
حمد الدبيخي وممارسة الغباء في المجلس السلام عليكم قبل قليل في برنامج المجلس ودائما يستفزني هذا الشخص لانه حاظر بأسم السعوديه ولكن للأسف تجد هذا الشخص كأنه واقف ضدك ، انا ماراح اتكلم عن تحليله وعن مقدرته في التحليل لاكن بتكلم بحكم انه جاي بأسم كل سعودي في هذا البرنامج اللي رضينا او مارضينا هو متابع من جميع الفئات في الخليج الامور اللي تدخل بها الاخ حمد الدبيخي هذه الليله فقط هي : ذكر عبدالرضا عباس ان اللاعبين السعوديين هم الافضل في الوطن العربي وان الدوري السعودي هو اقوى دوري لاكن الاخ حمد الدبيخي من الغباء الزائد دخل عرض وقال ان الدوري السعودي ماهو اقوى دوري عربي ولاتقعد تنفخنا ياعبدالرضا ، مما ادى الى استغراب الموجودين في المجلس ومنهم اخونا خالد سلمان ، والنقطه الاهم قاعد يقول ان هناك جماهير سعوديه تشجع ضد المنتخب ، يا أخي ما أحد ينكر هذا الشي بس لاتروح تطلعه قدام الشاشات ومن خلال ابرز برنامج يتابع في الخليج ، حتى الموجودين في المجلس قالوا ما احد يشجع ضد منتخب بلاده شوفو الاحراج عاد !! كلنا ندري ان الفئه هذي هم النصراويين بس الاخ حمد للاسف فضحنا اتمنى ان قدرت اوضح وجهة نظري فقط مع كامل احترامي له ، ولكن كتبت هذا الموضوع للتعبير فقط |
حتى الحمـــآآآآدي قــــآل لجورج أمس الدوري السعودي مو أفضل دوري عربي ... |
لم يخطئ الدبيخي فعلا الدوري السعودي من أسوأ الدوريات في الدول العربيه لا فكر ولا احتراف ولا حتى اتحاد يسير اللعبه ويحفظ حق الانديه ويعدل بينها عندنا صرااااااااااااخ لا أكثر سواء في الاعلام او في الملعب قد يكون لدينا لاعبين على مستوى عالي ولكن ينقصهم الكثير لكي تقارنهم بغيرهم لا يوجد لاعبين مواطنين محترفين في الدوري قلي وش الاسباب ؟ لا يوجد اموال تضخ في الرياضه السعوديه قلي وش الاسباب ؟ لأنه بإختصاار فاشل ويسير من فشل الى فشل على عجاله كتبت هذا |
صح صادق انت ما شفت الحلقه من اولها الكويتي يقول هالكلام يتريق على فيصل ابو ثنين لان فيصل ابو ثنين قال بالنسبه لي المنتخب السعودي احسن من البرازيل والكويتي يقولها بستهتار ان السعوديه افضل فريق عربي عندهم عناصر يهايط الكويتي حمد الدبيخي سكته قاله لا تنفخنا يعني لا تستعمل هالاسلوب معنا صادق الدبيخي منتخب مصر افضل مليون مره من المنتخب السعودي عناصر ومتسوى وكل شي منتخب العراق عندهم عناصر توب يعني كل واحد يعرف قدره بس ما نبي احد يهايط علينا وانا اشوف حمد الدبيخي من افضل الناس الي يعرف يرد ويتكلم ما يسكت هو وفيصل ابو ثنين |
ماذبحنا الا هالنظرة بصراحة انا مع حمد نعتقد انا الافضل في كل شي وهذه الفرق المسماه بالصغيره تتغلب علينا كفانا مكابره نحن افضل وافضل واقوى العالم تشتغل وتخطط وتطور ونحن في تراجع صحيح لدينا مواهب ولكن المواهب تحتاج تخطيط وشغل منظم اداري يساعد في تحقيق افضل النتائج |
إقتباس:
الحمادي نوب يعجبك ونوب يغبنك طيب اذا انت تشوف ان الدوري السعودي ماهو الاقوى عربيا اسكت ياخي لاتخلي منافسينك ياخذونها شهادات ان الدوري السعودي ماهو الاقوى ، |
لا ماوقفت على كذا قال ان فيه مواطنين سعوديين يتمنون خسارة المنتخب السعودي ويفرحون لخسارتة وكل الي في المجلس اعترضوا على كلامه وقالوا ماتوصل لهدرجة . ممكن في كلامة شي من الصحة بس المفروض مايذكره في برنامج متابع من كافة الجماهير العريبة |
إقتباس:
يمكني ماشفت كلام الكويتي مع فيصل ، لاكن مع احترامي لحمد لاتقارنه بفيصل ابوثنين ، الاخ حمد الله يهديه ياجماعه انا ما اقول ان اللي قاله غلط لاكن اقول فيه ناس وبالاخص في المجلس وهم العنبري وعبدالرضا وخالد اسماعيل وما ادري عن حمود سلطان والله ، لاكن اثق بانهم يكرهون التفوق للمنتخب السعودي عشان كذا يا اخ حمد الدبيخي خلك مع فيصل ابو ثنين والحمادي ولاتصير غبي |
انا ما قهرني الا ها البحريني اللي يبي يبطها على قولته با النسبه لدورينا سنه بس وحده اخذ افضل دوري وانتفخنا 3 سعودين في المجلس كل واحد يتكلم على كيفه |
إقتباس:
وهذا هو السبب في كتابة الموضوع المفروض مايذكرها في برنامج متابع بشكل قوي عند الخليج ويمكن عند بعض الدول العربيه وخصوصا سوريا والاردن |
هــذا انسان مريض نفسي شعاره"خالف تعرف" ماادري كيف خالد يجيب مثل هاالاشكال عنده:yes: ولا بعد زاد الطين بله يقول ان فيه سعوديين يتمنون خسارة المنتخب واكثر الحاقدين ع السعوديه "حمود سلطان والعنبري":mad: مادري وش مسويتلهم السعوديه عشان كل هالحقد فرحتهم ماتنوصف اليوم بهزيمه المنتخب بس مااقول الاالكبير كبير ياسعودي:ba1: |
إقتباس:
|
لا نلعب على بعض ياعيال انتو تشوفون قناة الكأس من يومها اليوم كل ماصار برنامج والنصراويين يدقون عليه يقولون نبي هزيمة المنتخب وكلهم يدخلون المنتديات وادخلو منتدى النصر ثلاث ارباعهم يشجعون اليابان يعني عادي ماقال شي غلط اللحين كل الخليج والعالم صار متطور ويبخصون بعض و تكفيك قناة الجزيره قطريه مشتريه دورينا وتعرف كل فضايحنا يعني ما جابو شي جديد وصادقين < تضل وجهة نظر |
انا اتمنى بس ازالة حمد الدبيخي من المجلس ويحطون الكنق احمد الرواس اللي اقسم بالله انه كأنه هو السعودي والاخ حمد جايبينه مزهريه ، . |
صدق هو الحمادي امس قال نفس الكلام وبعدين ترى الناس يتقدمون واحنا نتاخر لايغرك مستوانا الداخلي شوف مستوياتنا خارجيا وقارن بين زمان والحين حتى على مستوى نادينا الهلال لنا 10سنوات ماقدرنا نصل لنهائي خارجي اتمنى نشد ونعترف بالحقائق وهي ان الناس تقدمو واحنا لسه نلعب على التاريخ ياليت الاعبين يلعبون للشعار والمتعه على قول يوسف الثنيان |
يقولون المنتخب الكحلي وفي الاخير : 5 من الشباب + 4 اتشادية + 2 من الهلال !!! مالت عليك ياخسيروووووووووو ,, انت و تشكيلتك !! |
انا معه الدوري السعودي ليس الاقوى في الوقت الحالي |
إقتباس:
وممكن يكون فيه سعودي يكون مبسوط من هزيمة المنتخب بس اتحداك يرضى ان اجنبي يتمشت فيه وفي خسارتة وهذا الي يصير في برنامج المجلس |
شكرا لك ، و أعتقد أن كلامه صحيح .. و لاتنس أن العالم من حولنا بل القريب منا يتطور و يتقدم .. و نحن لا زلنا نراوح في أماكننا ..!! |
قلنا ياعيال ما اختلفنا في صحة كلامه لكن فيه ناس بالمجلس يكرهون التفوق السعودي اللي هم العنبري وخالد اسماعيل اللي اتصل بس علشان يقول للكنق احمد الرواس ان كلامك خطأ علشان بس احمد الرواس جلس يواصل دفاعه وحبه للسعوديه وللعلم احمد الرواس هلالي ، انا اقول يا اخوان لايقولها بهالبرنامج بالذات . |
إقتباس:
والسبب الاعبين الغير مبالين والخطط المدروسه بيمسحون تاريخنا ونصير ندخل والكل يفرح ان خصمه سعودي |
صحيح الدوري السعودي ليس الافضل عربيا وماقال شي غلط الشي الثاني الفئه خلي العالم تدري ليه نخبي !! شكرن ع وجهة نظرك |
على فكره انتم معتقدين ان العالم ماهي داريه ان في سعودين يشجعون ضد بلدهم ؟ ترى اغلب الاعلامين ..ومنهم خالد الجاسم يتابعون المواقع السعوديه وتحديدا المنتديات الرسميه عشان يعرفون ردات فعل الجماهير وانطباعتهم هذا اولا ثانيا حمود سلطان قال ان في احد البطولات الخليجيه سوا مقابله بالتلفزيون البحريني مع الجماهير السعوديه وبعضهم تمنى هزيمه السعوديه ، وجاء مدني بيرقعها قال وش دارك انهم سعودين مو كل الي يقول سعودي هو سعودي لاجينا للحقيقه للاسف الكل يدري ..حتى انهم ذكروا الانديه لما تمثل الوطن واعترف مدني ان فعلا في جماهير تتمنى هزيمه نادي اخر حتى لو هو في مهمه وطنيه ويمثل المملكه !! |
الامير سلطان على قناة الكأس قال لهم مثل مافيه برشلونه وريال مدريد ما يتمنون الفوز لبعض حنا عندنا نفس الشي بس حنا شعب مسلم وشعب عربي يعني عادي المنافسه بس ما توصل اني اتمنى هزيمة اخوي المسلم { حب لأخيك المسلم ما تحبه لنفسك } |
يا أخي الانديه تهون ولكن هذه الفئه الدخيله ( النصراويين ) المفروض مايوصل صوتهم لأكثر من كذا لأنهم على غلط ويحسبون ان فيه من يقف خلفهم ياخي بالاخير طلع 2 من الهلال بس وهم يرددون المنتخب الكحلي ليش ماقالوا ليش ياخذون اكثر شي من الاتحاد والشباب وتعلى طول راحوا الهلال السبب واضح وهي النفسيه اللي سببها الهلاليين للنصراويين ، عشان لايوصل صوتهم اكثر من كذا وحتى لو كان فيه احد يدري بكره مع الوقت لما تكبر كل ٍ بيحها صفه ليس بالمشجع السعودي بل بالمواطن السعودي لأننا عقب الانديه وصلنا للمنخب والانديه تهون لكن مع المنتخب صارت المسأله وطنيه عشان كذا مانبيها تطلع من الدبيخي السعودي نفسه . |
ايه والله انا استغربت مثلك .. ياخي انسان متحمس وماصدق على الله ان دخل المجلس ومسوي انا الكويس |
سلموني على احمد الرواس بس قسم بالله انه كنق ، والمجلس للمره الاولى يقطعونه حمود سلطان قام يبي يطق الرواس :s2: . |
ومن قال ان الدوري السعودي افضل دوري عربي الكل قاعد يناظر وله عيون الدوري السعودي ماتستفيد منه فنيا اطلاقا يعني طقها والحقها والفرق تعبانه و الدوري حكومي و الملاعب تعبانه خلها على ربك |
قمة الحقآره والتجرد من الوطنيه نكرآآن الجميل والتعصب العنصري ضد الوطنيه والشعآر ياخي عييييييييب والله عييييييب فشلتنا الله يفشلك قدام الخليجيين وش يقولون عنا ؟؟ ما تحب بلدك إلي ربيت فيه وتجحده وتتجرد من الحس الوطني شوووووووف الكويتيين مهما كانوا أغبياء لكن عندهم الوطنيييه وحب الأرض والدفاع عنها بكل ما أوتي من قوه لكن البعض هينا متعصبين عنصريين يدعون حرية الرأي على حساب المنتخب هذا شي ما فيه مزايده ولا كلام هذا وطنك إلي رباك هذا منتخبك سيد آسيا إلي الكل يحقدون عليه ويدورون زلاته عشان يشمتون فيه وتجي تفرح قلوبهم السودا نسيت ايام النعيمه وماجد والثنيان والشليه والجابر والهريفي بغمضة عين ؟ نسيت وطنيتهم وكيف يحترقوون للشعار ؟؟!! نسيت الأمجاد إلي تفخر فيها لـ قروون قدام ؟؟ الكل يحسدك لأنك ســعودي إذا الخليجيين يقولون لك عيييييب وش أكثر من كذا ؟؟ فشلتنا الله يخزيك إنت محسووب علينا سعودي لكنك عميل متجرد من الوطنيه وحب الأرض إلي ربتك يالجاحد يا ناكر الجميل يا عديم الوطنيه تتكلم عن عقوق الأم انت ووجهك ؟؟ الي مافيه خير لاهله مافيه خير للناس لا بارك الله في أنديه كانها تخليني اجحد منتخبي واقف ضده واخلي الغريبين يتشمتون فيني كأني مو من اهل البلد المنتخب فوق الجميع والوطنيه في قلوووبنا ونبوووس تراب أرضنا الغاليه وافتخر لا قلت انا سعوودي الله يمحي هالفئه الغبيه المتجرده من الحس الوطني إلي يبون يسوون فيها حرية رأي حرية رأي تكلم على سلطان يا جبان وتـــــــــــحــــــيه لحبيبنا العماني أحـــــــــمــــد الروااااااس وهذا من طيب اصلك وكل السعوديين يحبونك وصراحه للأسف كلامك كأنك سعودي أكثر من بعض المحسوبين علينا من البلهاء والدلوخ |
وهو صادق دورينا ضعيف ولعيبتنا ضعفاء و الأسيوية يبيلها رجال :rose: |
إقتباس:
صح الله لسانك والله ، قلت اللي بقلبي كله . |
للامانه احمد الرواس المفروض يدافعون عنه السعوديين لان نص المجلس ضده عشانه يدافع عن السعوديه ، المفروض فيصل ابو ثنين يوقف معه اكثر من كذا ، لو الحمادي موجود ماخلاه ولا خلا الهيات اللي اقسم بالله ان وجوده في المجلس غلط وفضيحه ان هذا الشخص يكون خليجي ، ياخي عندي احساس ان هذا الشخص خاين استغفر الله ، بعض الاشكال المفروض ماتطلع للناس كذا ، . |
اللي يقدر يجيب لنا ايميل احمد الرواس تكفون يازعماء :fk: |
ليش تحطون اللوم ع الدبيخي صح ماله داعي لدرجه خالد جاسم قطع البرنامج بفاصل مايبي يدش بسالفه مع جمهو النصر شووفوو الجات مال القناه (الكاس) شو كاتبين لا وبالاخير يكتبون نصراوي وافتخر ومن هالكلام يعني جدام المتابعين المسجات تنكتب حتى ياسر ماسلم منهم لو تتقرون الراسايل الي بالجات ..، ومع الاردن وسوريا وكاتب بالاخير نـصرا.... وبالاخير التوفيج للاخضر ان شاء الله :smilie47: الفرصه باجي موجوده بتاهله..، |
5 من الشباب و4 من الاتحاد و2 من الهلال ويقولون مجاملة الهلال ههههه !! يازين منتخب الخليج ابرك من مطرسة المولد وكريري !! السلام عليكم ورحمة الله وبركاته : بصراحة نستغرب بعض العقليات الصفراء المتعصبة والاصوات النشّازة التي ظهرت هذه الايام التي تخلت عن وطنيتها واصبحت ضده وضد القيم والاخلاق !! بسبب مضحك اما تضموا لاعبي فريقنا او نكون ضدكم ونتخلى عن قيمنا ووطنا !! للاسف انهم مسلمين ومن اطهر بقاع الارض !! السبب الاكبر اعلامهم الفاسد الذي لوّث افكار هؤلاء المغرر بهم !! لو ضربنا مثال بالعالم منتخب اسبانيا مثلاً يضم 8 من برشلونة هل يعني مشجعي ريال مدريد سيقفون ضد منتخبهم ويتخلون عن وطنيتهم بسبب التنافس بين الفريقين !! نفس الشئ منتخب مصر غالبيتهم من الاهلي ، هولندا ، انجلترا ، ايطاليا ، ....الخ !! هؤلاء يكون التنافس بينهم يكون في المسابقات المحلية فقط ، اما في المنتخب يكونون على قلب واحد حتى وان لم يتم ضم نجومهم المفضلين ولكن هنا للاسف وفي اطهر بقاع الارض يوجد عقليات ملوثة فكريا اما تضموا لاعبينا او ونتخلى عن وطنيتنا بل وندعي على منتخبنا !! الحمدلله كوننا كهلاليين لم ولن ننظر لمنظورهم المريض في المنتخب قد يكون هناك انتقاد لكن لاتصل الى طريقتهم المخزية . هؤلاء المرضى يدعون مجاملة الهلال !! يركزون على الهلال ويتركون الفرق الاخرى !! رغم ان الهلال متصدر الدوري وبطل العام الماضي ولديه لاعبين دوليين معروفين ولم يتعدى 15% من التشكيل الاساسي ومع ذلك يتهمونه بالمجاملة !! لو نظرنا للتشكيل الاساسي فهو كالتالي : 5 من الشباب : وليد وشهيل واحمد وعبده والشمراني ( 45% ) ، 4 من الاتحاد : المولد والسعيد وكريري ومناف ( 40% ) ، 2 من الهلال اسامة وياسر ( 15%) يعني بالله عليهم وين المجاملة !! هناك لاعبين ظهروا بمستوى مخيّب وسئ جدا وتسببوا بالاهداف السورية واعني بذلك كريري والمولد !! كريري لم يعمل اي تغطية بالهدفين ولم يظهر بأي دور دفاعي طيلة المباراة !! الله يذكر عزيز والغنام وغالب بالخير !! المولد ساهم بالهدفين تغطية ضعيفة حالة سررحان وشرود ذهني عجيب واي احتكاك يرتكب فاول !! قد يكون الجهة اليسرى السبب !! المنتشري او القاضي او الموسى كقلب دفاع ايسر افضل منه !! الفريق بشكل عام سئ لكن اسوأ السيئين المولد وكريري ومناف والسعيد وعبده وانا والله لم انظر اليهم بمنظور الميول او التعصب . لو تطرقنا عن مطالبات هؤلاء المرضى نفسيا من النصر فأنه لا يستحق للانضمام سوى غالب وعباس والقحطاني لكن غالب وعباس مصابين والقحطاني لم يتم ضمه كوجهة نظر من المدرب اعتبرها خاطئة !! لكن لا تصل الامور ان تصوت وتقف ضد منتخبك وتدعي عليه فهذا مرض نفسي وتخلف بعينه !! ومن ثم لاعبي فريقك مصابين هل تعترض على قضاء الله وقدره !! او تطالب باسماء نصراوية اخرى حتى تشجع المنتخب :laugh: !! رئيس البرازيل بنفسه في عام 2002 طالب مع شعبه من المدرب آنذاك سكولاري بضم النجم رورماريو لكن المدرب تجاهلهم وبالاخير حقق كاس العالم واصبح بطلا قوميا !! فهل الشعب وقف ضد منتخبه وتخلى عن قيمه بسبب اختيارات المدرب !! بالاخير انا واثق من ان اسماء خليجي 20 لو لعبت امس ضد سوريا فانها ستقدم أداء أفضل من بعض الاسماء الموجودة خاصة كريري والمولد والسعيد :ranting: !! بالاخير اعذرونا يا اخوان عن الاطالة واللهم اهدي جمهور النصر المتعصبين منهم واللهم وفق الاخضر يارب :rose: . |
كلام حمد صح ليه نضحك على بعض يعني لو دورينا فعلا قوي ليه حال المنتخب وصل لدرجه هذي دورينا دوري تعصب وعفن مستنقع كل لاعب يخرج منه يشكي منه من تواجده في هالدوري لو دورينا قوي كان شفت العروض الاحترافيه على اللاعبين خلنا ساكتين بالله اما من نحية في جمهور يشجع ضد السعوديه فعلا صح ماقال شىء حمد ياخي شوف النصروايه ياتلعبون غالب وطقته ولا مانشجعكم بقريح اعفن جمهور في الوطن العربي كله الشعب كله عارفين من غير مايتكلم حمد كلنا عيال قريه و كل يعرف خيه ليه نكذب على بعض |
نحن لم ننصب أنفسنا أفضل دوري عربي بل جاء من إتحاد الإحصاء .. المفروض نفتخر بها .. ليس كل موضوع يطرح في المجلس خصوصاً وأن هناك من يتربص بنا مثل الكويتيان والبحرينيان .. السؤال مالفائدة من كلامه في المجلس .. ؟ أسلوبه ليس جيد .. |
وش فيكم عصبتوا ريلكس ريلكس حمد الدبيخي صادق وماقال شي غلط خلوووه يطلع فضايحهم ويعرفونهم الناس على حقيقتهم هذ اذا ماكانوا عارفينهم وربي تتكلمون وكأننا فالعصر الحجري ليته سكت ماتكلم ان فيه ناس تشجع ضد منتخبها..! على فكرا ترى الناس كلها تدري وعارفه وبصرررراحه مافي مثل المدافع الشرس مسسسكتهم فيصل ابو اثنين كفوا ياولد سبيع سوى اللي ماسواه الحمادي اللي كل حديثه مجاملات لعبد الرضا والكويتيين يانس وربي الكويتين يكرهووونا وحاقدين علينا من زمااااان وهو يعني مايعررف ولا يضحك على نفسسسه واللي يقهر اكثر من كيذا لما العنبري اتهم ابو اثنين وقاله انت تتشمت باهزيمة الكويت:mad:..! يعني شوفوا وصلت لهدرجه بس اعجبني لما قال عبد الرضا لابو اثنين انت تنفخ لمنتخبك كأنه البرازيل قال ابو اثنين اييييييييه البررررررازييييل عند مااااااااااااااااااانع :naughty:هذا اللي يستحق وسااااام شررررررف على صدره وماهي غريبه عليه :ba1: اعذرووووني على الاطاله لكن وربي من القهر اللي فيني تحياااااااااااااتي |
مشكور واخوي ويا كرهي لحمد الدبيخي |
إقتباس:
. |
اخوي كلام الدبيخي سليم ودورينا مو اقوى دوري عربي وملاعبنا تعبانه واتحادنا متخبط وهذي الحقيقه وبعدين الدبيخي تراه ذكي مو غبي مثل ماتقول |
~~~~~~~~~~~~~~~حتى الحمـــآآآآدي قــــآل لجورج أمس الدوري السعودي مو أفضل دوري عربي ... |
حمد الدبيخي ممتاز لكن اتمنى من السعوديين اللي في المجلس يكونون مطّلعين على الكرة عالمياً محلياً وغير ذلك لازم يمتلك الثقافة لأنهم يمثلون السعودية في قناة الدوري والكأس , كل احترامي لفيصل ابوثنين فهو الأفضل بينهم ومن ثم الحمادي ومن ثم مدني رحيمي في الاخير يأتي حمد الدبيخي من ناحية الحجه والبرهان. |
للأسف الدبيخي كان صادقا بكل ماقال والدليل ان وضع المنتخب من جرفة لدحديره ثانيا اللي يقول الدبيخي فضحنا وقال انا الجمهور السعودي منقسم هو ماكذب والدليل جمهور الجار يرسل على شريط الكأس التهاني لمنتخب سوريا والداعوي لجمهور الاردن لاجديد جمهور فقر وعديم احساس |
| الوقت المعتمد في المنتدى بتوقيت جرينتش +3.
الوقت الان » 07:08 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd