يقتنعون جماهير ليفربول , ما يقتنعون , بكيفهم , لكن باوضح كل شي بهالرد.

اول شي الحكم ظلمنا حنّا موب انتم , وعندي الاثباتات





شف عزيزي الليفربولي , واي شخص ثاني صاح معه , اقتنعتوا بالصورة اهلا وسهلا , ما اقتنعتوا فيه 295654 جدار في بيتكم طق راسك فأي واحد تختاره
اتوقع الصورة موضحة الدف اللي حاصل.

ثاني شي , طرد جيرارد صحيح مية بالمية , منبرش على رجول كاريك الثنتين والحكم يناظر؟!
بجاحة اقسم بالله ! والابجح انه يجونك اثنين اول مرة يتابعون مباراة ويقولون ياحكم يا مانشستراوي موب طرد!
تقدر تدبر لنا اللقطة يا مهند عشان يتأكدون؟

شفتوا هالخشة؟ ناني انطرد منها وتوقف على اربع مباريات!!!!
بالله بكل امانة وش اشنع؟ حقت ناني والا جيرارد؟!
طيب لنفرض فرضًا فرضًا فرضًا ان عليه اصفر مثل ما قلتوا , قبل هالكرت مباشرة كاسر هيرنانديز واصابه وكمل , والحكم المتعاطف معكم مشاها والا المفروض يعطيه اصفر.
طيب يا شاطريييييين , احد ممكن يعلمني اصفر على اصفر وش يصير؟

ثالثًا , الحكم منعدم الذمة المتعاطف معاهم المفروض يطرد توريس ولا طرده.
اول لقطة الحكم يحسب تسلل على توريس ويقعد توريس يمل اللعب ويحط الكورة من فوق الحارس , اتوقع واضحة انها اصفر , واللي يبي يرجع لها قبل الطرد.
ثاني لقطة بعد الطرد يوم يسطح الكورة يعني اني معصب من الحكم , احد يعلمني هذي ايش بعد؟
وهنا بعد يا شاطرين , ممكن احد يعلمني اصفر على اصفر وش يصير؟

طيب والبجاحة في عدم احتساب بلنتي ايفانز؟



الحمد لله اننا نباري زلايب , والا لو بارينا خصم عليه الكلام كان طار علينا الكاس والسبة هالحكم الوصخ المتعاطف مع ليفربول.


الا ما كن فيه كمية سماجة بالموضوع؟ كملوا صياح تكفون قسم بالله انه ابرك



ملاحظة: اي لقطة تبي تتأكد منها ارجع للمباراة ولا تجي تناقشني.

عزيزي المشرف: مثل ما طرح غيري رايه عن التحكيم لي حق اني اطرح رايي وادافع عن فريقي , العالم يدافعون عن فرق موب فرقهم موب عاد ردي انا.

نسخة لفرزدق لندن بعد

يحط يده خخخخخخخخخخخخخخخخخخخخخخخخخخخخخخخخخخخخ
بالله بالله اسمعوا خخخخخخخخخخخخخخخخخخخخخخخخخخخخخخخخخخخخ
ياخي انت وش تبي من الحياة خخخخخخخخخخخخخخخخخخخخخخخخخخخخخخخخخ
(فيس يتشقلب من الضحك ولا عاد يقدر يتنفس)

سلامتك طال عمرك , بس المدافع الله يهديه حط يده على بربا خخخخخخخخخخخخخخخخخ


منتشي , ذبة جميلة , استمر.

غرايم سونيس اسطورة ليفربول , كان بالاستديو العربي بالجزيرة , يقول ضربة الجزاء والطرد صحيحين.

ستيف ماكمنمان الليفربولي بعد , كان بالاستديو الانجليزي , يقول ضربة الجزاء والطرد صحيحين.

بتعلمني ان الليفربولي اللي ما له شهرين يشجع يحب الليفر اكثر منهم؟
الفرق انهم يتكلمون بكل حياد , بعكس اللي جرتهم العاطفة هنا.

انا عطيتك شواهد من المباراة ان ويب ظلمنا , اما انك ترد علي صح والا لا ترد , موب والله انه مانشستراوي والخرابيط ذي!