بسم الله الرحمن الرحيم

اول شي وين المهاجم الاجنبي؟

لنا كم شهر وحنا نسمع عن تعاقد مع مهاجم اجنبي وللحين ماشفنا شي

والحين طلع تبرير ان لازم المهاجم لازم يكون على مستوى ولا ماراح نتعاقد مع احد

هل هو تبرير للفشل او هو عدم المقدره على جلب لاعب مهاجم

طيب ليش تعشمون الجمهور طول هالفتره

ثاني شي وين نفز؟

خرج ولم يعد

طيب ليش تعشمونه انه راح تعيرونه لفريق برازيلي والدليل واضح

كان في المطار ودموعه اربع اربع للفراق وانه مراح يرجع

طيب مافيه عقد بينكم وبينه ليش ماتستدعونه بالقوه ويكمل عقده الله لايهينه

ثالث شي وين التعاقد مع الاعب المحلي؟

طبعا مثل المهاجم الاجنبي الي نسمع عنهم ولا نشوفهم طقت صدر وبس

يعني فريق الاتحاد قاعد يتعاقد ويجلب لعيبه وحنا مفاوضات على الفاضي

بس حرق اعصاب مدري وش سبب فشلنا في المفاوضات

رابع شي وين الكعبي والكلثم وبنر العنزي؟

ابي اعرف شي واحد ليش تعاقدتو مع الكعبي عشان نشوف صوره في التمارين

يعني لاعب مصاب وفيه لاعب توكم شارينه بالملايين ليش مايلعب ابي افهم

وبعدين عبدالعزيز الكلثم وبندر العنزي وش يسوون في النادي يقطعون بصل

بس يتمرنون يتمرنون يتمرنون.............................

وبعدين ليش ماتعطونهم فرصه او تعيرونهم ولا خلوهم يشوفون مستقبلهم

لحد يقول وش دخلك انا واحد من الجمهور ولي حق اني اقول رايي

الزعيم ملك جمهوره ولازم نتكلم

اجوكم لاتلوموني بس الي قاعد يصير شي يقهر

يعني ماعندنا الا اخبار اخبيلان فعل اخبيلان سوى اخبيلان

خلوه يقول الي يقول واحد مرفوع عنه القلم وش نسويله

فريقنا اهم ياجماعة الخير

حنا نهتم بفريقنا وبس

ودمتم زعماء