صورٌ إجتماعية ؛ وسوالف على الطريقة الشذاوية (ر^^) - نادي الهلال السعودي - شبكة الزعيم

the king yasser · #16 05/01/2011, 06:27 PM

اهلن اهلن

موضوع جداً رائع مع انه طويل شوي

بس انبسطت وانا اقراه

إقتباس


	وسوسة * وسوسة ( الحادثة التي لن أنساها ما حييت ) حدثت هذه القصة في مستشفى الملك فيصل هذا سلمكم الله كان مستشفى الملك فيصل مسوي عملية ترميم وهدم وبناء في قسم جراحة التجميل ونقلوا مرضى هذا القسم لقسم الجراحة العامة إلى هنا حلو الكلام وما حصل شيء . وذاك اليوم كان عندي اشاعه طلعت من غرفتي ورحت للإشاعة وأنا راجعه مدري وش اللي خلني التفت للغرفة اللي جنبي على غير عادتي وقفت قدام الغرفة وأنا أشجع نفسي إني ادخل وهي المرة الأولى لأني لايمكن اطلع من غرفتي و أقوم بأي نوع من الزيارات الودية كانت أو التفقدية بس هالمرة غير لأني شفت منظر يثير الشفقة والرحمة في الحجر الأصم فكيف في بني البشر طبعاً إنسانه مصابة بحروق وقدامها وجبة الغداء وما عندها احد يساعدها ولا هي قادرة تفتح الغطاء قلت ادخلي ياشذى وفكي لها غداها وقدميه لها والأجر من رب العباد دخلت ومنظرها الله يرحم حالنا وحالها مقزز من الحروق اللي فيها ناهيكم عن رائحة الغرفة لكن غصبت على نفسي وبعد جهد جهيد فكيت الغطاء وقربته منها وأعطيتها الملعقة ورفعت لها السرير ويوم تممت شغلي على أكمل وجه إلا وتدخل علينا ممرضة راسها عليه كيس ويدينها فيها أكياس وسترتها برضو كيس ورجلينها في أكياس قلت في نفسي وش هالممرضة اللي مكيسه من كل حدب وصوب وعينكم ما تشوف إلا النور هي شافتني و إلا ما شافتني وتتفلت عليّ وبالصوت الجهوري اطلع برى ما فيه ادخل هنا قلت ما بقي إلا هي ما سمحت للغوالي ينفخون علي تجين أنتي تنفخين المريضة المصابة بالحروق كانت تبكي بطريقة تهز الجبال الرواسي طبعاً التفت على الممرضة وأعطيتها كلمتين في العظم وأنبتها على إهمالهم لهالمسكينه رحت غرفتي ولحقتني وتسألني ليش دخلت الغرفة وش سويت بصراحة أنا كانت قافله معي فطردتها ( وأنا يا غافلين لكم الله ) والله ثم والله ما أثار تصرفها فيني أي علامة تعجب لسبب إني قابلت ناس واجد نفسيات وأخلاقهم الحمدلله والشكر فكان انفعالها بالنسبة لي شيء طبيعي وشيء وارد شويتن وتجي ممرضة ثانية تطرح علي نفس السؤال بصراحة دخلت مرحلة القلق ليش هالسؤال قلت يابنت قولي لهم لا يبتلونك بجريه أنتِ بريئة منها براءة الذئب من دم يوسف تعرفون حنا في زمن رمي البلاوي بعد ما قلت لها صعقتني بالخبر ( أختي أنتي ما في روح هذي غرفة هذا حرمه فيه ايدز وسوي نار كله جسمك ) الحرمة اللي كنت عندها بالغرفة ( مصابه بالايدز ومن جنسيه أثيوبية وأقدمت على عملية الانتحار ( الحرق ) ولم يكتشف المستشفى أنها مصابه بالايدز الا متاخراً اخذتني الممرضة لغرفة كلها دواليب وادراج فيها بالطوات ومعقمات وصوابين ....الخ وتجيبني قدام المغسلة وتكب على يدي من المحاليل اللي عندهم أنا صرت في دوامه ولا عاد ادري انا فوق الارض ولا تحتها ( يامصيبتك ياشذى اللي ما صابت الأولين ولا التالين ( ايدز ) ) من جد كارثه قضيت وقت لا يستهان به اتدحوس عند الادمية واتذكر انها مسكت يدي عشان تقدر تجلس ومن هذه النقطة انطلقت شذى حفظها الله وابقاها ذخراً لها في فضاءٍ رحبٍ واسعٍ من الوسوسة استمرت شهرين ان لم تكن اكثر قضت جل وقتها في القراءة عن مرض الايدز أسبابه / أعراضه / طرق انتقاله / وكان تركيزها على أعراض المرض ومع كل وعكه صحية لا يتبادر لذهنها إلا مرض الايدز وفترة حضانة الفايروس في الجسم ( أعاذنا الله وإياكم من الأمراض ما ظهر منها وما بطن ) طبعاً أنا ما قلت لأهلي بوقتها لانهم شخصيات سريعة القلق ما عدا وحده من خواتي ماشاء الله تبارك الله صفه القلق لديها صفه متنحية الله لا يغير عليها كنت إذا جاتني سخونة اتصل عليها وابثها بعض من وساوسي الله لا يعيدها وكله كوم وسالفة لساني تغير لونه كوم ثاني كانت مرات تهون علي ومرات تستهبل ومرات تقفل الخط بوجهي مع عبارات ما ودكم تسمعونها >> عادي أختي وتمون بصراحة أول خدمه أسويها واندم عليها أشد الندم . قد يكون لي عذر في ندمي وقد لا يكون لي أي عذر

اما هالموقف

الله لا يحطني به

عاد انا عندي فوبيا من هالمرض

الله يحمينا منه بس

مشكوره شذى ولا تقطعينا بمثل هالمواضيع