01/01/2011, 10:05 PM
|
| مشرف سابق في منتدى الجمهور الهلالي | | تاريخ التسجيل: 03/10/2008 المكان: الله كريم يمد الخير / و يساعد ..!!
مشاركات: 4,181
| |
|
يابو طلال كآن تسأل عن الحال ... الحال يا غالي جداً كسيفه ]~
بسم الله الرحمن الرحيم مساء الخير ع الصاحي و النايم  من زمان و الله عن أيقونة موضوع جديد و أشتقنا و قلنا خل نسوي شوية بثارة لكم بمناسبة هالبرد اللي يخش مع العروق و لكن يمدحون ( العنزروت )  ! ثانياً : في عضوين فاقدهم و عسى ما فيهم ألا العافية اللي هم ( ماجد مقبل + دوق فيلد ) مأشوف لهم ردود مثل أول أو مواضيع و مناقشات و إن شاء الله عودتهم من خلآل هالموضوع يآآآآرب ! الموضوع : بيوم الخميس الماضي قررنا مع شلة الأنس تبعنا الذهاب إلى النفود و الوناسة خصوصاً إذا علمتوا أن بصبح الخميس كان فيه مطر خفيف و الجو تحس أنك بالنمسا مأنت في حايل على العموم رحنا لسوق الغنم و شرينا ذبيحة رخلة بـ 800 ريال الله لا يخسر >> بخيل و اللي مايعرف وش معنى الرخلة يسأل الدكتور قرقاص و يعلمه .. على العموم رحنا للنفود و معنا كمية جيدة من الحطب ( السمر ) و معنا خيمة و شغل عدل على العموم بعد الفطور و السوالف و الجلسة وقف جيب قديم عند الخيمة و ينزل ألا خوينا من حوالي ست سنوات ما شفناهـ و تخيلوا الموقف عاد بذيك اللحظة و سوالف وش صار وش ماصار .. و حنّا بخضم السوالف ألا و تهب علينا رياح شمالية و طاحت الخيمة علينا و حتى الغداء ما سويناهـ .. على العموم رحنا لبيت خوينا اللي يقع بوسط النفود تخيلوا يا جماعة بوسط النفود و خذينا فنجال عندهـ و سألناهـ : ليشش ماتسكنون ببيت في المدينة أو على الأقل في القرية ...؟؟ تخيلو يا جمماعة الخير في الحر قسم تحس أنك تحت نار و في البرد كذلك تحس أنك داخل ثلاجة مأنت في بيت زي العالم و الناس ! رد بكل حرقة و يقول : أبوي يقول شلون نسكن في بيت و حنا ما نملك قيمة إيجار و عايشين على الله ثم الضمان الإجتماعي اللي قيمته 900 ريال شهرياً بسس .. يا جماعة و الله حسيت أن سكين بوسط قلبي طعنّي ...!! معقولة فيه ناس بالمملكة إلين هالوقت زي حالة زميلي مايملكون ألا قيمة الضمان الإجتماعي و مايكفيهم بعد و الماء يعبون شراع ماء و يكون في حوض جيب الشاص حقهم ...!! ألحين المملكة أنواع التبرعات للدول المجاورة و بمبالغ تتجاوز المية و الميتين مليار و فيه ناسس تحت خط الفقر بمية درجة .. يا جماعة و الله حرام اللي قاعد يصير ...ّّ!! تخيلوا الموقف .. بدون كهرب & بدون ماء & بدون اتصالات & بدون أي خدمات تذكر ؟ انطلقوا يا رعاكم الله /
\
/
\
/
\
/
\
/
\ TuRki عنوان الموضوع أسندته على أبو طلال ليس لشئ و لكن بيت طرى علي و كتبته ...
اخر تعديل كان بواسطة » تركي السلماني في يوم » 01/01/2011 عند الساعة » 11:43 PM |
الوضع الشجري
