|
عذراً يا ساده /الاتفاق هو بطل الدوري + صورتين بالداخل = ممنوع الجدال حولها/ممنوع دخولك ياسامي بالموضوع بسم الله الرحمن الرحيم بدون مقدماااات ...نتكلم عن الاستنتاجات..من المعطيات المتاحه */بما ان الاتحاد والشباب والنصر.تقريباً فقدو فرصه المنافسه على الدوري. */وبما انهم غيرو مدربينهم. */اذن فرصتهم في بطوله الدوري شبه معدومه. */نستنتج انهم سوف يجعلون الدوري تجارب للمدرب وللاسيويه وبيركزون على كاس ولي الهعد. */لكنهم لن يستسلمو للهلال ويتنازلون عنه بكل سهوله والدليل شفهم اذا جو يلعبون معنا وش بيسون ويتشنجون ويتحمسون وهم مالهم امل. */بما اننا كهلالين مزحومين وضغط شديد في جدولنا ليش ما نتنازل عن كاس ولي العهد.وننهزم من اول مباراه ونريح انفسنا ونركز على الدوري واسيا فقط. */امامك 22 مباراه الان في الجدول + نهائي كاس ولي العهد +5 مباريات كاس الملك للابطال 22 + 1 + 5 = 28 مباراه ولو قسمناها على المده من تاريخ 1/2/2011 حتى 24/5/2011 =114يوم نقول 114 يوم تقسيم 28 مباراه = 4ايام كل اربعه ايام مباراه صعبه جداً احسب حساب الاصابات والايقافات والسفريات وو الخ،،،، وانا هنا وضعت تصور وعلى السريع لكي تفكرون معي ونعرف اين نحن. http://store2.up-00.com/Dec10/hPX32573.jpg نجي الان للاستنتاج الخطير هل تعلم ان الان منافسنا القوي جدا لدوري هو الاتفاق؟؟ الاتفاق باقي له 10 مباريات الاتفاق ماعليه ضغوط الاتفاق ما عنده اسيويه الاتفاق الان ترتيبه الثاني الاتفاق لعب وتخلص من المباريات الصعبه وباقي السهله وانا هنا وضعت جدول اخر يبين كم نقاط كل فريق الان ولو فاز في باقي المباريات جميعاً وخانه اخرى بالتوقع شف مفتاح الرسم خلنا نقول ان المباريات الصعبه بين كل فريقين تنتهي بالتعادل (بالون الاسود) والمباريات السهله بالفوز(باللون الوردي) ونشوف من الاسهل طريق بين الفرق.ومن هو المنافس الحقيق لنا. http://store2.up-00.com/Dec10/yOS32573.jpg توقعاتي المذهله هي 1/ان النصر بيكون ترتيبه اما السادس او الخامس. 2/بيكون تتويجنا ان شاء الله في مباراتنا اما مع الشباب او النصر. 3/60 نقطه صعبه جدا في ضل الضغط الي حاصل كل شي قضاء وقدر وهي مجرد توقعات للمستقبل ان اصبت فهو من الله الذي الهمني الصواب وان اخفقت فهو من نفسي والشيطان ملاحظه 2000 - البطل الهلال السعودي - ترتيبه في الدوري المحلي (الخامس) 2001 - البطل سوون سامسونج بلووينغز - ترتيبه في الدوري المحلي (الثالث) 2002 - البطل سوون سامسونج بلووينغز - ترتيبه في الدوري المحلي (الثالث) 2003 - البطل العين الاماراتي - ترتيبه في الدوري المحلي (الاول) 2004 - البطل الاتحاد السعودي - ترتيبه في الدوري المحلي (الثاني) 2005 - البطل الاتحاد السعودي - ترتيبه في الدوري المحلي (الثالث) 2006 - البطل تشونبك هيونداي الكوري - ترتيبه في الدوري المحلي (السابع) 2007 - البطل اوراوا ريد دياموندز- ترتيبه في الدوري المحلي (الثاني) 2008 - البطل جامبا اوساكا - ترتيبه في الدوري المحلي (الثامن) 2009 - البطل بوهانج الكوري - ترتيبه في الدوري المحلي (الثاني) 2010 - البطل سيونغتام الكوري -ترتيبه في الدوري المحلي (الخامس) |
والله كلامك سليم ياهلالي لازم نضحي بأحد البطولات واتفق معك بتوقعاتك + اشكرك على جهودك ولاتحرمنا من جديدك وبالتوفيق للزعيم للحصول على جميع بطولات الموسم بأذن الله واكرر شكري لك ولي الشرف اني اكون اول واحد يرد على موضوعك |
الله يوووووووفق الزع ـــــيم بإذن الله الدوووووري هلالي والله اللي يكتب في الخ ـير ويع ـطيك العافيه اخووووي |
قراءه واستنتاج في قمه الروعه .. شكراً عزيزي :rose: |
مشكورابو عبدالعزيز جهد تشكر عليه والدوري هلالي باذن الله |
لازم يقاتلون في الملعب مانبي تخدير من اللحين ويتهاونون نبي الدوووري ع الاقل نحس بطعم هالموسم اللي ماله طعم الله يعطيك العافيه ع المجهود |
صدق ياا بعدي وانشا الله الفريق بعد التوقف يكون بحال افضل |
الصراحه اهنيك يابطل استنتاج قوي والاتفاق مريح وحنى الضغط والنفسيه والتوتر كله علينا والله يستر وانشاء الله الله يوفقنا ونرفع كاس الدوري |
دام اني هلالي مستحيل اتنازل عن اي بطولة لو هي بطولة قواطي .. في حالة ضغط المباريات فالحل طال عمرك في المداورة بين اللاعبين .. يعني في مباريات كاس ولي العهد و كاس الملك نريح عدد من اللاعبين اللي ما يتحملون الاجهاد و في مباريات الدوري و اسيا نلعب بافضل اللاعبين .. و سلامتك |
كلامك سليم 100% اخوي ويعطيك العاافيه ..... والله يكتب الي في الخير النااادي الملكي ........ وان شااء الله الدووري هلالي .......... |
تسلم على التوضيح وفعلا الاسيويه اهم يسلم هذاا القلم وهذا الفكر الراقي تقبل مروري وتحياتي |
والله هذا اللي ودي انه يصير من الموسم الماضي مادامنا شبعنا من كاس ولي العهد فا خلو اللعيبه يريحون علشان مايصير فيه ارهاق ولما نلعب بكاس الملك وكاس اسيا نقدر نفوز بدون ظغووط |
والله صحيح ضغط بس صعبه التفريط ببطوله او حتى التفكير فيه اللهم اختار الخير لزعيم |
ههههههههههاي ويين ؟؟ نضحي باحد البطولات اجل ! لا بنلعب كل البطولات وبنفوز فيها ان شاء الله !! |
هو من المستحيل الهلال يفوز بكل بطولات هالسنة بالتالي لابد من التضحية عشان نركز ع الباقي ولو ان ولي العهد احسها بطوله مكتوبة باسم الهلال يحز بخاطري نفرط فيها :( كلامك منطقي وغير منطقي لأن وش يدريك بعد هالتضحية يمكن نطلع من المونه بلا حمص ..!! وكل شي وارد عموما الادارة اكيد حاسبة حساب لكل ضرف عوافي |
| الوقت المعتمد في المنتدى بتوقيت جرينتش +3.
الوقت الان » 12:55 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd