الحمدالله انك ما تبعت اهل بيتك

من كنت صغير قبل الدراسه اتفرج على التلفزيون وفيه مباراة النصر وشجعته ومن محاسن الصدف انه انهزم قلت في نفسي اشجع فريق ينهزم ؟؟؟ لاحظوا كنت صغير ومع هذا عرفت اميز بين الصح والخطأ مو مثل جمهور الفقر الحين اللي يدربون روسهم
ومن بعدها شجعت الزعيم ... وصدقوني اني ندمان اني شجعت النصر لمدة ساعه ونص <<<<غطيت على تصدر النصر للدوري هو اسبوع وانا ساعه ونص ^_^
البيت كله هلالي ... جماعتنا اغلبهم هلاليه ماعدا اربعه فقراويه ^_^ وجاري الدعاء لهم بالهدايه

مم شجعت الهلال وانا عمري 13 سنة تقريبااا
والغريب ماكنت افهم شي في الكوورة
ولا اعرف االاندية ولاشي
بس كنت داايم اتابع اخواني وهم يلعبون بلايستيشن
وكان اخويا الكبير يلعب بالهلال وكنت اتحمس لما يلعب
ومن بعدهاا صرت هلاليه وصرت اتابع الهلال على الحقيقة
جعلني فداااااا الهلال يااناااس
اما عن الوسط اللي اعيش فيه فهو مشكل هع هلاليين واتحاديين واهلاوي هع هع
واكثر شخصية احبهاا عبدالرحمن بن مسااعد جعلني فدااااه

<<اغرب قصة تشجيع هع هع

الحين تأكدت إن اكثر الشبكة صغيرات

لماذا شجعت الهلال؟

شعبية الزعيم نجومية الزعيم هيبة الزعيم

ومتى كانت بداياتك بالتشجيع ؟

عام 1416 اعتقد

وماهي ميول غالبية الوسط المحيط بك في ذلك الوقت؟

كلهم هلاليه الوالد كان زمان اتحادي وانا كنت شبابي وحولنا عالهلال
بس بصراحه انا الوحيد المتعصب للهلال والبقيه عادي

ومن أكثر شخص هلالي تأثرت به بأفكاره لاحقاً (قريب او كاتب او لاعب لايهم)؟

اخوي رحمة الله عليه هو له اثر كبير في تحولي من الشباب الى الهلال
كان يقول وش تبغى بالشباب نادرا ياخذ بطولات وجمهوره قليل
شجع الهلال
وفعلا خسر الشباب من الهلال وحسيت بفرحه بفوز الهلال رغم اني شبابي
وكانت هذيك المباراة نقطة تحولي من نادي لنادي

( الله يرحمه ياخوي ويغفر لك )

ومن أول النجوم كنت قد تعلقت بهم في بداياتك ؟؟؟

الفيلسوف ابو يعقوب ( يوسف الثنيان )

المهم انا هلالي من اول ابتدائي


اكيد بصير هلالي ولاغير الهلال

لسبب واحد فقط بيتنا جوه هلالي بحت

الزعيم عشق لاينتهي

لماذا شجعت الهلال؟
جـ/ لاني هلالي

ومتى كانت بداياتك بالتشجيع ؟
في ثاني ابتدائي بسبب قارورة موويه

وماهي ميول غالبية الوسط المحيط بك في ذلك الوقت؟
هلال - نصر

ومن أكثر شخص هلالي تأثرت به بأفكاره لاحقاً (قريب او كاتب او لاعب لايهم)
ما فيه اهتمام

ومن أول النجوم كنت قد تعلقت بهم في بداياتك ؟؟؟
نواف التمياط - محمد الشلهووب

هلالي هلالي منذ القدم .......... من يوم عرفت نفسي هلالي

ههه نشكرعلى الموضوع

اول بدايات عشقي للزعيم كانت 2006 انا حاليا بثالث ثانوي يعني تقريبا بثاني متوسط واول ماكنت بالابتدائي يقولولي اخوياي وش تشجع اقول ههههه اشجع الله وبعض الاحيان اقول الهلال لانهم بيضان والنصر سودان هههههه ومافي نجم محدد احبه اهم شي الهلال ولا زلت هلالي متعصب جدا

البدايه كانت زمن الاسود والابيض

تقريبا في منتصف 1403

هلالي صميم بحكم ان اخي الاكبر هلالي

ولازلت اذكر حضوري نهائي 1404 بين الهلال والاهلي والرباعيه الزرقاء (( ماني كبير ابد )) ههه