|
الحين تأكدت إن اكثر الشبكة صغيرات |
لماذا شجعت الهلال؟ شعبية الزعيم نجومية الزعيم هيبة الزعيم ومتى كانت بداياتك بالتشجيع ؟ عام 1416 اعتقد وماهي ميول غالبية الوسط المحيط بك في ذلك الوقت؟ كلهم هلاليه الوالد كان زمان اتحادي وانا كنت شبابي وحولنا عالهلال بس بصراحه انا الوحيد المتعصب للهلال والبقيه عادي ومن أكثر شخص هلالي تأثرت به بأفكاره لاحقاً (قريب او كاتب او لاعب لايهم)؟ اخوي رحمة الله عليه هو له اثر كبير في تحولي من الشباب الى الهلال كان يقول وش تبغى بالشباب نادرا ياخذ بطولات وجمهوره قليل شجع الهلال وفعلا خسر الشباب من الهلال وحسيت بفرحه بفوز الهلال رغم اني شبابي وكانت هذيك المباراة نقطة تحولي من نادي لنادي ( الله يرحمه ياخوي ويغفر لك ) ومن أول النجوم كنت قد تعلقت بهم في بداياتك ؟؟؟ الفيلسوف ابو يعقوب ( يوسف الثنيان ) |
لماذا شجعت الهلال .. ؟ والله مـدري كـذا من الله , و إقتداء بالعائلة الكريمة ومتى كانت بداياتك بالتشجيع .. ؟ كنت صغير وقتها , ما أذكر يعني كانت النهائيات ما تفوتني , وماهي ميول غالبية الوسط المحيط بك في ذلك الوقت .. ؟ هلاليين و لله الحمد , و يوجد نصراويين و إتحاديين , ومن أكثر شخص هلالي تأثرت به بأفكاره لاحقاً (قريب او كاتب او لاعب لايهم) .. ؟ أبوي , و أخوالي ومن أول النجوم كنت قد تعلقت بهم في بداياتك .. ؟ منيب من النوع اللي يتعلق بلاعبين , فقط إعجاب |
المهم انا هلالي من اول ابتدائي :s2: اكيد بصير هلالي ولاغير الهلال لسبب واحد فقط بيتنا جوه هلالي بحت :laugh: الزعيم عشق لاينتهي :smilie47: |
لماذا شجعت الهلال؟ جـ/ لاني هلالي ومتى كانت بداياتك بالتشجيع ؟ في ثاني ابتدائي بسبب قارورة موويه وماهي ميول غالبية الوسط المحيط بك في ذلك الوقت؟ هلال - نصر ومن أكثر شخص هلالي تأثرت به بأفكاره لاحقاً (قريب او كاتب او لاعب لايهم) ما فيه اهتمام ومن أول النجوم كنت قد تعلقت بهم في بداياتك ؟؟؟ نواف التمياط - محمد الشلهووب |
القناص...@ ، mr:naif ، mnosha8 ، هلالونة ، وريد الزعيم ، سلطان0 ، كل ما فيني هلالي ، الزعيم الحمري ، ▐ĞћмĐỗй▌ ، Nassassero ، ثآمرٍ ، الهلألي ، هـــلالــي الـخـــرج ........ أشكر الجميع على التفاعل تحياتي:smilie47::rose::smilie47::rose: |
هلالي هلالي منذ القدم .......... من يوم عرفت نفسي هلالي |
ههه نشكرعلى الموضوع اول بدايات عشقي للزعيم كانت 2006 انا حاليا بثالث ثانوي يعني تقريبا بثاني متوسط واول ماكنت بالابتدائي يقولولي اخوياي وش تشجع اقول ههههه اشجع الله وبعض الاحيان اقول الهلال لانهم بيضان والنصر سودان هههههه ومافي نجم محدد احبه اهم شي الهلال ولا زلت هلالي متعصب جدا |
زعيم مدفعجي ، عبدالله ابوباسل ... أشكركم على التفاعل :rose: تحياتي:smilie47::rose: |
البدايه كانت زمن الاسود والابيض :) تقريبا في منتصف 1403 هلالي صميم بحكم ان اخي الاكبر هلالي ولازلت اذكر حضوري نهائي 1404 بين الهلال والاهلي والرباعيه الزرقاء (( ماني كبير ابد )) ههه |
إقتباس:
ابد مابيني وبينك الا شهرين ونصف هههه والمنتدى يتشرف بوجودك وبوجود المشجعين اللي عاصروا بداية بطولات عصر الهلال الحديث .... وشرفتني بمرورك تحياتي |
لماذا شجعت الهلال؟ في البداية ماكنت اعرف ولاشي عن الكورة بعدين كنت جالسه مع اخويا يتفرج مباراة للهلال ماافتكرهااا وفاز الهلال ومن بعدها صرت احب اشوف مباريات الهلال واحب اعرف كل شي عنه ومتى كانت بداياتك بالتشجيع ؟ تقريباَ من خمس سنوات.. وماهي ميول غالبية الوسط المحيط بك في ذلك الوقت؟ الكل هلالي :smilie47: ومن أكثر شخص هلالي تأثرت به بأفكاره لاحقاً (قريب او كاتب او لاعب لايهم)؟ اخويا هلالي متعصب :s5s: ومن أول النجوم كنت قد تعلقت بهم في بداياتك ؟؟؟ ماكنت اتعلق بهم كثير ... بس حالياَ رادوي :smilie47: |
حمد الله من وعية على الدنيا وانا هلالي اما من دخلت المتوسط صرت هلالي متعص جداً جدً ومن زوود حبي لهلال اقسم بالله اي مدرس يجنا جديد اول سوؤاال اسأله وش تشجع وأغلبهم يقلوون الهلال او مايلعموون>>> ( كيد انهم فقرااويه مايبون يعلمون خاايفين نضحك عليه) والبيت الحمد الله كله هلالي وأكثر شخص حببني بالهلال هو خالي لانه كاان داايم يوديني للملعب |
حبي للهلال وتشجيعي له كان مقدر وكتوب *** والقصة بدايتي كانت تقريباً عام 1406 هـ وقتها عمري كان 6 سنوات وكنت احب الكورة واتفنن في لعبها واسمع عيال عمي واخوياهم اللي اكبر مني يتكلمون عن المباريات وانا اللي اعرفه عن المباريات هي المباريات اللي نلعبها في الحاره على بابين او على عواميد الانارة وكان الغالبيه يتكلمون عن الهلال بكثره وانا احب اسمع اي شي عن الكورة حتى لو كانوا يتكلمون عن مباراة كانو يلعبونها هم انفسهم في حارة بعيدة عن حارتنا ولا كنت اقدر اروح معهم المهم حبيت الهلال وانا ماشفته لأن وقتها ماكان عندنا TV . ذيك الايام كانت فيه دورة او تصفيات مادري والله وش قصة ذيك المباريات اللي اقيمت على مدينة الملك عبدالله في بريدة بعد تأسيها بفترة قصيرة وكانوا العيال يسولفون ان الهلال بيلعب فيها والاتحاد والرائد ومدري مين بعد . المهم انهم في يوم قالوا ان الهلال بيلعب وبنروح للمباراة وقاتلت عشان اروح معهم وبصعوبه وافقوا لانهم كانو يشوفوني ( بزر ) المهم يوم دخلنا الملعب قلت وين الهلال وكان الفريقين اللي يلعبون واحد لابس اصفر واسود والثاني احمر . قالوا انهم غلطانين تعرفون وقتها لاجرايد ولا اخبار رياضه ولا ert ولا الجزيرة يعني على البركه اتضح ان المباراة بين الاتحاد والرائد . وكانت اول مباراة اشاهدها في حياتي على الطبيعه . بعدها بفترة وصل الـ TV الخاص حقنا ( طلبية من برى ) وكنت اتسمر عليه وانتظر اشوف الهلال ( نحبه وماندري وش وضعه) المهم اني شاهدة اول مباراة بحياتي وكانت بين الهلال والاتحاد () وراك وراك هالاتحاد () مادري وش السر المهم شدني الازرق تحمست مع الهلال وانا ماعرف ولا لاعب واللي ماغاب عن بالي اسم الاعب اللي سجل هدف الفوز للإتحاد اظن اسمه سامي كتوري او هاني مدري بالضبظ . زعلت وتنكدت بس ماهمتني الهزيمه لأني بوقتها كنت الوحيد في البيت اللي يتابع كورة يعني ماحد يأثر علي خلاص حر بالفريق اللي اشجعه وتشجيعي له ماكان عشان الفوز... بعدها اذكر اول نهائي بطولة شفته كان على كأس الملك بين الاتحاد والنصر مدري سنة كم بالضبط المهم فاز الاتحاد وكان الهلال المركز الثالث وصوروا بعد المباراة جميع يعني كان فيه وقتها روح رياضية بين الهلال والاتحاد بعدها شفت مباريات للهلال بالدوري وتعلقت بصالح النعيمة امبراطور شي خيالي هالاعب ثقه بمعنى الكلمة شخصية هبلت فيني خلاص صرت اقلد اي حركة يسويها وكنت اتمنى اني اصير قائد مثله اخذ الهلال الدوري عام 1407 هـ بس ماكنت احس بنشوة وانها بطولة لأني ماشفت مباراة نهائية يكون فيها فريقين والفائز ياخذ الكاس مرت الايام وشفت ثاني نهائي بحياتي بين الهلال والنصر على كأس الملك وفاز النصر وقتها بهدف ماجد . زعلت بس برضوا هلالي هلالي جاء عاد النهائي اللي فرحني وخلاني اطامر من الفرح نهائي كأس الملك مع النصر وثلاثية المدافعين الشهيرة بعدها بديت افهم الكورة اكثر واكثر عرفت يوسف الثنيان من بداياته وكان يشدني بلعبه واحب اقلده وكان ثاني لاعب يأثر فيني بعد النعيمه والمصيبيح بعد كان يشدني جدا جدا ناس كانت تلعب بثقه فوق ماتتخيل تحس ان الفوز بجيوبهم متى ماارادوا اخرجوه وفهودي بعد لحقت عليه كم مباراة الخلاصه من بعد النهائي مع النصر عام 1409 الى الدوري عام 1410 وبداية الاسطورة ومباراة الرائد اللي ماانسها واللي اطلق فيها سامي الجابر صاروخه سام 6 وسنتها حضرت اول مباراة للهلال وكانت مع الرائد واصيب فيها صالح النعيمه ونقل بالاسعاف ( انكسر خشمه على مااعتقد ) وزعلت جدا لاني وقتها لاشفت صالح يركض قدامي بالملعب تساوي هالوقت انك تشوف ميسي يلعب قدامك على الطبيعه شي خيالي يعني المهم ماكان يفوتني شي عن الهلال حتى المباراة اللي ماتنقل اتابعها عن طريق الراديو احيانا كان ينقل مباريات الهلال اللي ماتجي على التلفزيون ( :) ومن مربع ثلاثه لمربع خمسه ) والقصه تطول المهم إنا نحب الهلال في كل الظروف ولا علينا من غيره .. .. .. . |
لماذا شجعت الهلال ؟ لاني عاقل ومتى كانت بداياتك بالتشجيع ؟ والله مدري بس من مدة طويله وماهي ميول غالبية الوسط المحيط بك في ذلك الوقت؟ هلال فقط ومن أكثر شخص هلالي تأثرت به بأفكاره لاحقاً (قريب او كاتب او لاعب لايهم)؟ عيال عمي ومن أول النجوم كنت قد تعلقت بهم في بداياتك ؟؟؟ يوسف الثنيان |
| الوقت المعتمد في المنتدى بتوقيت جرينتش +3.
الوقت الان » 09:32 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd