ذولي السبب لعشقي لزعيم اسيا

بداياتي زرقاء ولله الحمد

جميع العائله هلاااااااليه صميم أيضا والله يسقي أيامك يا يوسف الثنيان

انا كنت نصراوي فى البدايه طبعا ماشجعت النصر حبا فيه لا بس العائله كلهم هلالين وقلت اشجع النصر انا واخوي الى اصغر مني عشان نتميز بينهم ((امحق تميز))

بس طبعا فكرت فى المستقبل وراي دراسه وظيفه وتركت الفقر وشجعت الزعيم ((لبى روووحه)) قلت حرام اضيع مستقبلى بالفقر

طبعا شجعت النصر لفتره سنه والله انى اتابع مباراه الهلال والنصر واخواني كلهم هلاليه والبيت كامل هلالي ومن قلبى ودى يفوووز الهلال واانا اشجع النصر ((لحسه مخ)) بس الحمدلله انى هلالي والله يعين اخوى الصغير الفقراوي بس فله لزهقنا نطقطق عليه

النجوم الى تعلق فيهم الثنيان على نهايته والتمياوووى وسامي لبى قلبه واخير ابو عزوز
ومشكوورعلى الموضوع

تعلقت بالازرق بسبب الوالد الله يحفظه هلالي قلت اصير مثله هلالي

وعايش بين هلاليين

وصراحه اول مره شجعت الهلال كان عمري 5 سنوات كنت ما اعرف ولا لاعب هع

ولاعبي المفضل في ايام قبل سامي الجابر

البداية من الطفولة والمحيط ما فيه مرضى نفسيين الحمد الله

أنا تعلقت بالهلال لما كان عمري عشر سنوات كنت ما أعرف الكورة لكن سبحان الله جا يوم من الأيام كانت مباراة الهلال والنصر وانهزم الهلال فيها وكنت مستانس لأن الهلال خسر لسبب انه اللي معاي كلهم هلالين قح ( يعني بقوة ) وكنت دايما أقولهم يا فشلة لكن في ذات اليوم لما خسرنا قلت لعيال خالتي يا فشلة راحو وعصبو ومسكوني أنا وأخوي اللي أكبر مني بسنة وحبسونا وكنا مستانسين لكن بعد كم يوم بديت أتابع الهلال وصرت أكثر انسان يتابع الهلال وماأخلي شي عنه طبعا أكثر شخص أثر فيني على الهلال هما : ولد خالي عبدالله وولد خالتي عبدالعزيز طبعا العائلة كلها ماهي لم الكورة الا يمكن أبوي يحب الاتفاق لأننا من سكان الدمام وأول نجم تعلقت فيه صراحة مع اني مشجع الهلال من زمان الا انه وليد اليوم انه : ميريل رادوووي

انا بداياتي هلالي .. الحمدلله

وقسم وقسم وقسم احلف اني شعت الهلال قبل المنتخب وانا هلالي من طلعت على الدنيا من عام 2000وانا اشجع الهلال يوم عمري 5 سنوات ورع وقتها بس كنت نادر من كل اللي حولي ماحد يهتم بالرياضه بسس انا والى الان ولله الحمد العاليه كلها هلالييه مافيها ولا واحد نصراوي
خوالي نصراويين << فله اذا رحتلهم هوشات 24 ساعه صح انك تبلش فيه اذا كان نصراوي وطبعا اكيد اي نصراوي لا يمكن يقول الهلال افضل لكن فله
ومن أكثر شخص هلالي تأثرت به بأفكاره لاحقاً (قريب او كاتب او لاعب لايهم)؟
تأثرت بأمي وخالها هووع متابعين

انا كنت متعصب لعبدالله الجمعان وكان سامي مايعجبني كنت اعرف لاعبين الهلاليين كلهم تقريبا

واذكر شعت المنتخب بكاس العالم 2002 ومن وقتها وانا منتخباوي

عشان تعرفوون اني فال خير عل الهلال شعت الهلال عام 200 وجاب 6 بطولات لبى قلبي

لماذا شجعت الهلال؟
لنو غصب ينحب ويتشجع وكل شي فيه مميز

ومتى كانت بداياتك بالتشجيع ؟
من فتره طويله ماذكر زين بس التعصب مره من 5سنين زادت بشكل مو طبيعي لدرجة البكاء ههههههههههه
وشجعت الشباب فتره بسيط وسحبت عليه علشان معشوقي نادني

وماهي ميول غالبية الوسط المحيط بك في ذلك الوقت؟
الحمدالله اخواني كلهم واخواتي وبنات خالي وصديقاتي هلاليات غير مرت اخوي نصراوي قهر هههههههههههههههههه
وتبي تخلي عياله نصراويين بس امعصي
ومن أكثر شخص هلالي تأثرت به بأفكاره لاحقاً (قريب او كاتب او لاعب لايهم)؟
ماحد بصراحه بس فيه كتاب يعجبوني

ومن أول النجوم كنت قد تعلقت بهم في بداياتك ؟؟؟
سامي ويوسف وياسر

والله انا كنت اشجع الاصفر الصغير
واهلي كاهم هلاليين انا الوحيد النصراوي و سبب تشجيعي للفريق ((اول مرة ادخل فيها الملعب و عمري 8 سنوات مع خالي في مباراة بين النصر و الاهلي وكانت المياراة تعادل وانا جالس في المدرجات جاتني 60 ريال تطير في الجو ونزلت حولي ورحت اجمعها ومن ذاك اليوم انا نصراوي))

ونقطة تحولي إلى مشجع هلالي اهلي كل سنه يفرحون ببطولة على الاقل وانا حزين :-(
وبعدها قررت اشجع الهلال وزعل على خالي عشاني قلبت هلالي :-)

والى الان وانا الحمد لله افرح كل سنه

بس تبقى الفرحة الكبرى منتظرة وهي الاسيوية وان شا ءالله نحققها هذي السنة

انا والله بدايتي بالتشجيع مو قويه يعني من عام 2004 اشجع الهلال طبعا
كنا متابعين لجريدة الجزيرة وكنت اول ما اخذ الجريدة دايركت على الصفحه
الرياضيه واقراء مقال صالح السليمان وكان هو اقوى سبب خلاني متعصبه للهلال
اما بالبيت عندي اكثر شي الهلاليين وكمان فيه نصراويين واتحاديين