بالبدايه الكل منا لاحظ تخبطات الاعب حسن العتيبي ببداية الموسم وكيف كانت اخطائه تقتل
ويمكن حصل بسبب اخطائه اربع اهداف تقريبا ..
بس لما نرجع شويه للماضي ماننسى ان حسن العتيبي كان مقتول بدكة الاحتياط ..
ويمكن هو اكثر لاعب بنادي الهلال ما اخذ حقه الكامل باللعب كلاعب اساسي بالماضي
والسبب معروف كان الكابتن محمد الدعيع ماخذ الفرصه وكان متميز بكل المعايير من دون نقاش ..
بس كان من المفترض انه ياخذ حقه ع الاقل كبطولة ولي العهد كما فعل معه جيريتس العام الماضي
بالاعوام التي مضت سابقا ..
انا ما اقول ان هذا سبب كافي او مبرر بس من الصعب تطلب من لاعب جلس فترات طويله بدكة الاحتياط
ولما كبر ولم يكسب الخبره الكافيه تطلب منه انه ان يكون الافضل ,ما اتوقع انه يملك المستوى الكافي ..
هو الان يتطور مستواه من فتره لفتره يعني يبيلها بالعربي صبر ((صبه ورده ))




لما بدا شراحيلي ياخذ مكانته في حراسة الهلال انا اول من فرح بصراحه لانه هو لاعب صغير
وراح يخدم النادي فتره اطول ولاحظنا كثير ان مستواه جيد ورائع لانه ما امداه يطلع من الاولمبي
الا وبدا ياخذ مكانته كأساسي بالفريق ويقدم عطاء رائع وجيد بالنسبه لحارس في مثل عمره
ومع الوقت يكسب الخبره ويكون خليفة محمدالدعيع بأذن الله ..
ولاكن للأسف وكما هي العاده راح لمعسكر المنتخب و كانت الاصابه عائق له وتغيبه عن الفريق
لفتره طويله بسبب الرباط الصليبي ونطلب من الله له الشفاء العاجل .. (( قدر الله وما شاء فعل ))

رجعنا نبي البديل ماعندنا غير حسن العتيبي السؤال وين فهد الشمري ؟؟؟؟؟؟؟؟؟؟؟
حارس لازال عمره بالعشرينات يقدم مستوياة جيده ليش ماياخذ الفرصه ...
لعب مع القادسيه العام الماضي وقدم معهم مستويات جيده رغم التخبطات الدفاعيه التي كانت
بفريق القادسيه العام الماضي ومستوا الفريق كامل كان متدهور ..
ليش ماياخذ فرصته كلاعب مو شرط جميع المباريات لو ع الاقل البعض منها ليش نعيد ونكرر
الي صار لحسن العتيبي سابقا مع فهد الشمري حاليا ...!!!!!؟؟
انا اتمنى وبوجهة نظري انه يجرب فهد الشمري في بعض المباريات خليه ياخذ فرصته بالتشكيله ..
انا ما اقول لعبوه كل المباريات او نجربه ويمكن ومايمكن
فهد الشمري حارس جيد وانا اشوف انه افضل من حسن العتيبي كعطاء وكفارق السن (( وجهة نظري ))