|
هل يصبح ياسر الشهراني هلالي والمفاوض الهلالي وحذاري من الاصفرين بسم الله الرحمن الرحيم سلام عليكم مبروك صدارة الدوري يازعماء قبل التوقف عقبال مانبارك لبعض الدوري بحول الله وقوته ياسر الشهراني !!!!!! ان صدقت الاخبار المتواتره عن دخول الهلال في صفقة لاعب القادسيه الشاب ولاعب منتخبنا للشباب ياسر الشهراني وحصل الهلال ع لاعب فهي صفقه راح تنهي ازمة الهلال في مركز الظهير الايمن بشكل قوي وراح تحل برضو ازمه في الظهير الايسر خصوصا ان الزوري مصاب والكعبي الى الان لم يقنع لاكالديرون ولاستامب ولاجيرتس برغم ان الكعبي لاعب مميز لكن مدري ليش مايلعب برغم انه افضل من الفرج وبمراحل بعيد عن الكعبي اقول اذا حصل الهلال ع الصفقه فاراح تكون من اقوي واحسن صفقات الهلال ع مدي تاريخه لان لاعب شاب عمره 18 سنه يلعب في مركزي الظهير الايمن والظهير الايسر ايضا وهاذي نقطه مهمه راح نفتك من مشكلة الظهير الايمن اللي ازعجت فريقننا الهلال كثيرا الى ان اتي الكوري لي يونج وحل هالمشكله لكن برضو الكوري ماراح يجلس مع الهلال كثيرا كلها بالكثير هالسنه وراح يروح زايد ان عمره كبير ومستواه السنه دي نازل عن مستواه العام الماضي لكن حذري من مزايدات الاصفرين الاصفراني الصغير والاصفراني الكبير لان هولاء الفريقين يعانون من مشكلتي الظهير اليمين وظهير اليسار كمان لكبر عواجيز النصر احمد الدوخي وحسين عبدالغني وايضا في الاتحاد هبوط مستوي الصقري وكبر سنه زايد عدم قناعة الاتحادين في البرتغالي باولو جورج خطورة الهلال من هذان الفريقين زايد ان المفاوض الهلالي ضعيف جدا في الصفقات المحليه وكم لاعب طار من بين الهلال والسبب المفاوض الهلالي راشد الرهيب سنتين نفاوضه والاتحاد خطفه في اقل من اسبوعين وعبدالرحمن القحطاني يفاوضه موسم كامل الهلال وخطفه الاتحاد اعاره في اقل من اسبوع !!!!!! كامل الموسي وكامل المر خطفهم الاهلي من الهلال برغم ان سمعنا اقتراب الهلال منهم في اكثر من مره حتي صفقات الهلال ياسر القحطاني وعيسي المحياني واسامة الهوساوي جلسنا ع اعصابنا ننتظر انتهاء الصفقات للهلال الهلال في المفاوضات المحليه ليش دايم معقده اموره بعكس باقي الانديه هل هي ضعف من المفاوض الهلالي وهذا هو الارجح او تعامل بعض الانديه مع المفاوضات الهلاليه وتعقيدها ع الهلال مو معقوله كل الانديه تحاول تعقيد المفاوضات ع الهلال فاوضنا الوحده في كثير من لاعيبته وبالكاد خطفنا اسامه الهوساوي وعيسي المحياني بلائحة الانتقال فاوضنا الاتفاق في كثير من لاعيبته ع سبيل المثال عبدالرحمن القحطاني صالح بشير راشد الرهيب فاوضنا القادسيه عند صالح الغوينم والسهلاوي والطريدي ياشباب العله من المفاوض الهلالي مو معقووله الانديه تحاول تعقد المفاوضات مع الهلال اللي اتمني من ادارة الهلال سرعه انهاء الصفقه مع ياسر الشهراني قبل دخول اندية اخري في خط المفاوضات والانديه هي الاصفرين لانها تعاني هي الاخري من منطقة الظهير ولاعب مطلوب من جميع الانديه واتمني ايضا من ادارة الهلال تعاقد ايضا مع لاعب القادسيه خالد الغامدي لانه لاعب هو الاخر مميز برغم اني افضل ياسر الشهراني عليه صراحه هناك لاعيبن مميزين في خانة الظهير هم ياسر الشهراني لاعب القادسيه وخالد الغامدي وليد الطايع لاعب الحزم ان حصل الهلال ع لاعب واحد منهم صراحه راح تكون ضربة معلم من ادارة الهلال خلاصة الكلام الهلال محتاج مهاجم اجنبي فنان مهاري سريع قوي في الكرات الراسيه قذر امام المرمي ومحتاج ظهير ايمن ومحتاج قلب دفاع لكي يساند اسامه والمرشدي ويكون هو وخيرات خير بدلاء جيدين لاسامة والمرشدي ان عمل الهلال هالتعاقدات نقدر نقول باذن الله راح نشاهد هلال مختلف بعد التوقف وشكرا وبالتوفيق للهلال:alzaeem::alzaeem: |
مشكورييييييييييييييييييييييييييييييييييييييييييييييييييييييييييييييييييييييييييييييييييييييييييييين ع الرفع وان شاء الله نشوف ياسر الشهراني هلالي |
مشكور اخوي على الخبر ونشاء الله هلالي والله يكتب الي فية خير |
لاعب موووووهب ويستحق تمثيل الهلال حقيقه لكن المعضله واللي يكرهك في استقطاب اللاعبين السعوديين هي المزايده الحمقاء من روؤساء الانديه واخص بالذكر انديه الشرقيه لكن نتمنى فعلاُ يكوون من نصيب الزعيم وعسى الله يوفق الهلال بعطيك العافيه يالغالي :rose: |
:: ياخوفي يجيبون فهد العنزي ويسكتونا فيه كـ مهاجم والله شي يقهر لمتى وحنا نطالب بمهاجم قذر ع قولتك :) اما بالنسبه لـ لاعب الظهير ان شاء الله يجي لاعب من اللي ذكرتهم وحتى لو ماجاء ولا لاعب الهلال لديه الكوري والكعبي مادري ليه الاصرار ع الفرج في مركز ليس بمركزه خلونا نكره الاعب وهو توه صغير وانظلم لانه بغير مركزه ان شاء الله الاعبين القادمين قد الطموح بالتوفيق للزعيم وشكرا لك |
إقتباس:
هذا لاعب هو مستقبل الظهير في السعوديه يلعب يمين ويلعب يسار ثانيا عمره صغير 18 سنه ثالثا الخوف كله من المفاوض الهلالي في الصفقات المحليه لان الهلال دايم يخسر اغلب الصفقات المحليه في اخر السنوات لم ينجح الا في صفقات ياسر القحطاني واسامه الهوساوي وعيسي المحياني اسامه وعيسي عن طريق لائحة الانتقال وياسر اخذت المفاوضات ثلاث اشهر الى ان اتي ياسر للهلال ماعمري شفت الهلال انهي صفقة لاعب محلي زي باقي الانديه اقصد لاعب محلي عليه القيمه الا المفاوضات تاخذ شد وجذب لا هلالي لا مو هلالي ثم اخرتها ينسحب الهلال من الصفقه ويقولون السبب مغالاة النادي الفلاني لازم يكون الهلال سريع في انهاء صفقاته المحليه الهلال صفقاته المحليه قليله لكنها معقده على بال مايجي لاعب قد طلعت روحك هههههههه شاكرك ع مرورك هلالي حفراوي |
إقتباس:
يلعب في المركزين الاثنين هذا سيم سيم شهيل اللي كنتو تطالبون فيه قبل فتره بالعكس صغر السن في مصلحته هو عمره 18 شهيل 25 سنه فرق كبير بينهم بعدين واحد من الاعيال شبابي يقول لوني من البلطان ابيع شهيل على الهلال بمبلغ قوي واشتري بالمبلغ هذا ياسر الشهراني !!!!!!!!!!!! لاعب فنان وموهوب صدقوني الشباب لو ماعنده اظهره كان ينافس على لاعب مع الهلال والاصفرين اتمني مايطير لاعب من الهلال مشكور ع مرورك الرائع |
إقتباس:
ان كثر هالسنه وراح يروح زايد ان عمره كبير اما مايخص الكعبي الكل يستغرب عدم الزج به لكن ان شاء الله راح ياخذ فرصته اما الفرج ظلم كثيرا باللعب في هذا المركز الفرج مميز كلاعب وسط متقدم تروح وتخترع وتحطه ظهير ليه!!! اما مايخص الشهراني تكلمت فيه ومابي اعيد كلامي ثاني مره انا عادي عندي يجيبون العنزي بس اهم شي يجيبون مهاجم قذر يعني الى متي الهلال مايستفيد من الدروس الهلال محتاج مهاجم افضل من الهجوم اللي عنده يعني ايش الفائده اذا جبت مهاجم بنفس امكنيات ياسر او عيسي او جيزاني الهلال لازم يجيب مهاجم افضل من الثلاثي المذكور وجميع خصال هذا الثلاثي موجوده فيه يعني لاعب سريع قوي مهاري قوي في الراسيات لان هاذي مشكلة الهلال هجومه غير فعال بالراسيات زايد ان هجوم الهلال قصير مو ذاك الهجوم الطويل شاكرك ع مرورك وبالتوفيق للهلال |
مشكور على الخبر ونشاء الله هلالي والله يكتب الي فية خير |
بإذن الله اللاعب هلالي مشكور عالطرح |
الله يكتب الخير للزعيم وموفق خير خيوو |
فعلا ياسر الشهراني مطلب الجمهور الهلالى |
بإذن الله يصبح ياسر الشهراني لاعبا هلاليا في أسرع وقت بالتوفيق |
انشاء الله الاداره توقع مع الاعب |
أن شاء الله يكون في الزعيم صفقة الموسم للزعيم لو تحقق هذاالي نحتاجه بالتوفيق |
| الوقت المعتمد في المنتدى بتوقيت جرينتش +3.
الوقت الان » 11:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd