25/12/2010, 01:27 PM
|
 | زعيــم نشيــط | | تاريخ التسجيل: 26/08/2008 المكان: نادي الهلال
مشاركات: 992
| |
|
الدفاع وما أدراك مالدفاع
السلام عليكم ورحمة الله وبركاتة
وش اخباركم ان شاء الله بخير
عسى دوووم ياربي
انا صراحه حاب أفتح معكم موضوع مهم للغاية وأتمنى أنكم ماتبخلون على زعيمنا بأرائكم الهادفة الموضوع صراحه
خطير جداً أنتم شايفين مستوى زعيمنا صراحه المستوى مايسر أبد .
كل مباراة نقول بيتحسن الوضع وعلى ماهو عليه , ماعادا مباراة الفيصلي في بعض فترات المباراة حسيت فيه
لمسات لكن بأستحياء أو برود من بعض الاعبين .
نرجع للمباراة أنتو شفتوا كيف جاءت أهداف فريق الفيصلي نرجع للهدف الأول كورة عرضية لاعبين من الهلال ع
خط الستة دون تغطية لاعب الفيصلي أحرز عن طريقها الهدف الأول قبل كذا من بداية المبارة تحس كأن المرشدي
والهوساوي كأنهم يلعبون لأول مرة مع بعض لا والي زاد الطين بلة المرشدي شاف انه راح يعطبها سوى نفسه
مصاب . الهدف الثاني أنا أتوقع لو الحكم طبق القانون كان حسب ضربة جزاء على سلمان الفرج بعد مادفع لاعب
الفيصلي وأتى الهدف الثاني انا بس ابغاكم تشوفون دفاع الهلال كيف متشتت والله ياشباب مصيبة أذا دفاع الهلال
استمر على هالطريقة .
الكثير يطالب بلاعب راس حربة صريح دون النظر للخطوط الخلفية كيف أجيب لاعب أجنبي هداف والدفاع عندي
ضغيف جداً , ولو أفترضنا وجبنا لاعب هداف وسجل هدف ولا هدفين ودخل مرمانا ثلاثة أو أربع أهداف وش
الفائدة من جلب لاعب مهاجم , أنا من وجهة نظري لازم من تحصين الخطوط الخلفية صراحه المرشدي يمثل
ضعف في خط الدفاع .
معليش طولت عليكم أفتراض أخير تخيلو لو الأعب الكبير أسامه هوساوي لاقدر الله أصيب والمرشدي موقف مباراة
تخيلوا دفاع الهلال حسن خيرات وعبدالطيف الغنام أو رادوي أي دفاع هذا والفريق مقبل على بطولة أسيوية
أتمنى أخذ الموضوع في عين الأعتبار .
أنا من وجهة نظري ضرورة جلب لاعب مهاجم رأس حربة ومدافع صلب ولا والله راح يكون حال الهلال أسوء
بكثير مما هو عليه .
أما بخصوص الاعبين الأجانب أنا من وجهة نظري أن نيفيز خلاص روح وأتوقع ماراح يرجع أنا أقول يكون
بدال نيفيز لاعب مدافع صلب له ثقلة في الدفاع , والاعب الأجنبي الثاني يكون مهاجم رأس حربة هداف
عليه الكلام بدال ويلهامسون .
أما رادوي روح الهلا خط أحمر أنا صراحه الى الحين ما أتخيل الهلال بدون رادوي والاعب الكوري يكفي
أنه فيه ميزة يلعب في الخانتين .
معليش طولت عليكم بس أنا أقول لازم يكون في لاعب أجنبي مدافع لأن وضع الهلال في الدفاع مايسر صراحه
أنتوا وش رايكم في جلب مدافع هل هو ضروري أم لا من خلال رؤيتكم لمستوى الهلال الدفاعي في المبارايات
السابقة ؟ |
الوضع المتطور
