إدفع الـ 336 ألف ريال وإنت ساكت يا.. ماصديقنا إلا إنّا ( شكراً للقيادة الرياضيه ) - نادي الهلال السعودي - شبكة الزعيم

ابو طـــــلال · #1 25/12/2010, 12:10 AM

الحمد الله والشكر ..

كلمات سمو الأمير سلطان بن فهد كانت مثل الفكس على الحلق وإنت مفلوز ... مثل الفازلين على الأباطي لاصرت مشقشق ( مشق يعني ) .. بل كانت مثل حبتين الإكسترا بنادول على الراس المصدع ... مثل كاسة الشاهي على الريق ... مثل الزقارة بعد المفطح .... بل أنها أشد وقعاً من فرحه هل الكيف للهيل

تصريح سمو الأمير سلطان بن فهد .. والأمير نواف بن فيصل كانت تصاريح صارمة بخصوص ماحصل من الأمير فيصل بن تركي والأحداث بشكل عام في مباراة النصر والتعاون .. حيث الأحداث العجيبه من الجمهور واللاعبين والرئيس ...

وأبرز ماجاء في تصريح الأمير سلطان بن فهد ( لانفرق بين رؤساء الأنديه .. ) وبعد سؤال ماجد التويجري عن الفارق الإجتماعي وهو يقصد ( امير ) بين رؤوساء الاندية .. ذكر بانه لافرق بينهم في العقوبات وماحصل مرفوض وسيتم معقابة المخطي .. فالجميع في المملكه سواسيه .. لهم حقوق وعليهم واجبات .. والجميع عليه الإلتزام بالنظام ..

هالكلام أسعدني بصراحة .. صدقوني مو علشان المعاقب رئيس النصر ... لا والله .. بس النصراويين تمادوا كثير .. وخصوصا رئيسهم .. أخطاءه كل يوم تكبر .. وعرف هو وغيره إن صبرهم عليه كان من باب قوه وحلم وصبر عليه .. لم يكن كما كان يتوقع وجمهوره إنه يستطيع أن يهين ويتبجح كيفما شاء وماحد يجروء على إيقافه ..

الكوره لعبه وفن وهندسه ... مهيب هياط وهواش وتهديد

الحين نلعب الكورة براحه .. والحكام يقومون بأدوارهم بسلام وبعيداً عن إرهاب فيصل بن تركي ...

مااجمل عبد الرحمن بن مساعد ... وماأروع نواف بن سعد ... وماأحلى جماهير الزعيم

اخوكم الصغير ابو طلال

البدائع بلاد الروائع · #2 25/12/2010, 12:12 AM

عقوبة دلع والله
عقوبة ااي كلام
عقوبة فارغة
عقوبة دلال

يعني من اليوم ورايح كل ادارة نادي تجهز مليون ريال
من ميزانية النادي 00لثلاث مباريات قادمة وخذ رحتك
ياريس ويا اداري وياجمهور اللي بروسكم سووهـ الفلوس
جاهزة للعقوبة ثلاث مائة الف جايبينه معنا للملعب ونضرب
الحكم ونحذف الاحذية على الحكام وبنصرح ونسب ونقسم
وبنسوي كل شيء 0000!!!

لازم كحيلانهم يشوفون له صرفه
غير دفع الفلوووس لانه خربها
بزيــــــــادهـ

مشكور
بوطلال
دمت بود

arwano20 · #3 25/12/2010, 12:14 AM

"

طــــيب؟!!

::
::
::

حمودي900 · #4 25/12/2010, 12:14 AM

يعطيك الف عافيه بس كن العقوبه شوي ع الي سووه اهو وجمهوره

FAISAL AL7RBY · #5 25/12/2010, 12:15 AM

الله يعطيك الف عافيه

العسكري لازم يرفع قضية على رئيس النصر

تحياتي لك

مـــستر قــــلق · #6 25/12/2010, 12:16 AM

هههههه خلهم بدفعوووون
................................

_الكونت_ · #7 25/12/2010, 12:20 AM

يجيب الله مطر!!!!!!!!!!الله يصبرنا بس

العطـــــاوي · #8 25/12/2010, 12:24 AM

بس غرامه ماليه

مافيه منعه من الدخول الى ارض الملعب

مافيه حرمان النادي من جماهيره واللعب خارج ارضه وغيرها ؟؟؟؟؟

هلالي دوسري ‏ · #9 25/12/2010, 12:25 AM

طيب ليه ما ينقلون مبارة للنصر انا اشوف العقوبه مكافئه لهم وبعدين ليه ما يعاقبون الدوخي يوم يقول (والله ان الحكم قاصد انه يهزمنا) يعني يتهم الحكم وهذا كلام خطير لاكن يوم تكلم سامي الجابر عن خليل جلال العام الماضي وقفوه اربع مباريات وغرامه عشره الاف .... الله يعين بس

هلالي مايشوف · #10 25/12/2010, 12:26 AM

يجيب الله مطر!!!!!!!!!!الله يصبرنا بس

حاتم · #11 25/12/2010, 12:28 AM

عوااافـ يالغالـي ابو طلال

يـس تصريح سلطان بن فهد اختصر كـثير مـن الكلام والوقـت

والف شكر لك

Omar-9 · #12 25/12/2010, 12:29 AM

يعني انت تشوف ان العقوبة مناسبة و كافية ...؟؟؟؟

اخخخخخخخخ بس يالقهر ....

رئيس نادي و لاعبيه يتهجمون على الحكم و يدخلون في ذمته و يسبونه و يطقون العسكر ....

و ينكرون بكل بجاحة و اخر شيء غرامة مالية ......

اخخخخخخخخ يالكورة السعودية متجهة للجرف ...

اللهم خلنا لنا الهلال بس

أبو نوف..!! · #13 25/12/2010, 12:30 AM

ماصديقنا إلا إنّا هههه

هذآ المفروض يشطب على تصرفه الاهوج مو يغرم !!

يعطيك العافيه

أحِ‘ـَآسّيسْ هلآليـﮧ ≈ · #14 25/12/2010, 12:30 AM

ورب البييت اني انققهرت من القعووبه والله انهاآآ اي كلاآآم
لو غير النصصر ماكانت كذاآآ المفروض غرآمه وايقااف الجمهور فووق كذاآ
وايقااف الرئيس بسسبب تهجمه على الحكم ورجل الامن
الهلال السنه الماضيه في مباراة الهلال والاهلي جمآهير الاهلي هي اللي تهجمت
وغرآمه للهلال ونقل المباراه هذول تغريم والسلاآم عليكم
صحيح المبلغ كبيير بس والله ماتبرد

الدخان الازرق · #15 25/12/2010, 12:31 AM

المال عديـــــل الروح

300 على 300 على 300 هذي مليون إلا 100

ياحبهم للفلوس وجمعها!!

بعدين لو نقل مباراة لملعب الخصم بيفيد ،، كان سووها .. بس هم ابخص بعيالهم شلون يأدبونهم!!