200,000 ريال هل سوف تصحح "السلوك الغير رياضي" يا ظالمين خافوا ربكم ..
 

بسم الله الرحمن الرحيم ..

( اجتماع اللجنه الفنية ولجنة الانضباط لمواجهات الجوله 16 غداً ظهر الجمعه )

^
شفنا هالعنوان ببرنامج بالجوله تفائلنا خير قلنا يمكن ! يصير فيه قرارات صارمه ضد اي واحد صدر منه شيء
غير مألوف سواء كانوا جمهور او رئيس ناد او رجل امن اذا كان مخطئ يعاقب مثله مثل غير او الحكم ..

لكن القرارات عكس ما كنا نتوقع .. والله شيء مخجل اللي صار ..

اجل 200,000 على رئيس النادي والجمهور 30,000

( نطالب بتصورير فيديو لرئيس النادي وهو يحول المبلغ للأمانه العامه لرعاية الشباب وتصوير للجمهور وهو يجتمع ويدفع مبلغ الـ 30 الف ريال ) ! بس اللي يصور من بعيد لبعيد علشان ما تنسحب الكام منه ..

بالله من بيصدق الغرامات الماليه .. وبعدين وش تأثيره عل النادي ( ولا شيء )

حتى لو العقوبه ذي عل رئيس الهلال او اي ناد ما اصدق انه تُنفذ موب بس رئيس النصر ..

يا اخوه يا كرام يا اعزاء ليش الانديه الثانيه لما تخطي العقوبه تكون شيء يشاهد عل ارض الواقع
اما لا صار النادي اللي ماله اصدقاء تكون العقوبه مبلغ مالي يفرض عل رجل غني ( هذا اذا كان غني )

طيب حنا ما نقول يشطب او شيء من هذا القبيل لا لا .. الصدق اللي سواه ما يستحق الشطب او من هالاشياء
اللي تطالب به بعض الجماهير ..

يعني عل الاقل يمنع من حظور 6 مباريات لفريقه والجمهور مباراتين مع غرمات ماليه ( شكليه ( تكبر العقوبه )) ومبلغ مالي لرجل الامن وايقاف للاعب اللي صرح بالتصريح الخطير 3 مبارايات بس !


اما لو تقول العقوبه600 مليون ريال سعودي (( بالله فيه احد بيصدق )) تدري ان العقوبات اللي زي كذا
تدبر منا ومنا لمين تاصل 10,000 ثمن تسدد دفعات ..

حتى لو كان صدرت هذه التصرفات من سمو الامير عبدالرحمن بن مساعد ( وهذه بعيده ان تصدر من اي رجل
وضعت فيه ثقة اصحاب القرار في البيت الهلال منذ تأسيسه ) انا اقول لو فيعاقب مثله مثل اي رئيس ..

نقطه اخيره : اتمنى من مشرفين الموقع الاعزاء عدم نشر المواضيع اللي ما تخص نادي الهلال خصوصا
هذي الايام .. موضوعي هذا عن لجنة الانضباط وليس عن نادي محدد ..

والسلام عليكم ورحمة الله وبركاته

للرفع الله يخليكم






..

مشكورين وما قصرتوا يالغالين ..

كما قلنا سابقا نقول حاليا ,,,

لجنة الإنضباط تحتاج لإنضباط ,,,

وأحيانا قد لا يملكون قوة او سلطة كافية لإتخاذ قرارات رادعة ولذلك نرى تفاوت في تطبيق العقوبات او تطبيق عقوبات مخففة ,,,

نورت الموضوع بمرورك يا الغالي ..

مشكورين يا مشرفيننا الاعزاء عل العنوان الرائع :d

بس للأسف غير جذاب :cry:

العقويات قمة في المهزلة !!! شيء مو معقول ؟؟؟
رئيس النصر بالطقاق لا يسون له شيء مو لازم ,, بس جمهور الفقر !!! ليش مايعاقبونهم بنقل المبارة ؟؟؟ او على الاقل المبارة القادمة تكون بدون جمهور ؟؟

انت مصدق انه بيدفع هو من وين له يدفع رواتب تبيه يدفع 336
هم سوها كذا عشان انه خبيلان ما يقدرون عليه افهم يا اخي
ولا من ينسى وش سوا سلطان بـ الهلال والاهلي هذا بس كانت الهوشه بين الجمهور مافيها ( سب ولا ضرب حكم ولا تشكيك في ذمت احد ولا ضرب رجل امن )
الحين عيالنا كيف يحترمون رجال الامن وهذا الغبي ما احترمه..’<<< مسويه فيها هع

والله صدقت .. ما ودي نقعد نتحسب عل اللجان مثل بعض الجماهير <<

ما يخلون احد ما يتحسبون عليه ..

حتى كاتب الموضوع يقولون له ( حسبي الله عليك ما قصرت ابدعت )

والله انا قلت امس بانتظآآر اللجنه مع ان هذا وججهي لو حطت قرار زي النآآس
لكن وش نسسوي غير نقول حسبي الله
يعطيك العاافيه

كما قلنا سابقا نقول حاليا ,,,

لجنة الإنضباط تحتاج لإنضباط ,,,

وأحيانا قد لا يملكون قوة او سلطة كافية لإتخاذ قرارات رادعة ولذلك نرى تفاوت في تطبيق العقوبات او تطبيق عقوبات مخففة ,,,


<<<<<<<

الف شكر لك

وميزاينة الدولة هـي من سوف تدفع هذه الغرامـة

ياااااااانااااااس خلاااص فكوونا المواضيع كثرة على خبيلان وخبلانه

صح انظلمنا كلنا بس خلااااص
الدنياا دواااره صدقووني


اتمنى تقفلون على المواضيع اللي زي كذاا لاتفيد الناادي ونتزيد الاحتقان الجماهيري
ياليت نهتم بنادينا لان الوضع عندنا مزري ويحتااج نقااش

صدقت ^^

لكن الموضوع عن لجنة الانضباط موب عن اي رئيس ..
بالعكس انا اكثر واحد منزعج من المواضيع الغير مفيده ..

مشكوووووووووووور
خيوع هيك موضوع
بجد نااااااااايس
يسلمووووووووووووا