|
حاجة الفريق لحارس وظهير أيسر لاتقل عن حاجته لمهاجم يإدارتنا العزيزة لايخفى على أي متابع لمباريات الفريق الأخيرة الحاجة الماسة لحارس مرمى وظهير أيسر متمكنين أكثر من حاجته لمهاجم خاصة في هذا الوقت فإذا كان كالديرون غير مقتنع بوجود محمد نامي في خانة الظهير الأيمن ليحل الكوري يسارا أو بوجود يحيى الكعبي فعليه أن يبلغ الإدارة بالبحث عن ظهير أيسر أما وجود سلمان الفرج في هذه الخانة فهو ظلم له وظلم للفريق فالفرج لاعب موهوب لكن ليس بهذا المركز ! أما بالنسبة للحراسة فاستمرار حسن العتيبي بهذا المستوى يشكل خطرا على الفريق فحسن كثرت هفواته وأخطاءه وأصبحت هجمات الفرق المقابلة تقلق كل متابع هلالي فالإدارة هذه الأيام مهتمة بالبحث عن مهاجم ولكن خانة الحراسة والظهير الأيسر لاتقل أهمية نأمل أن تكون فترة التوقف فرصة أمام الإدارة والجهاز الفني لعلاج كل مشاكل الفريق الفنية |
اتفق معك,, انا مستغرب اصرار الإدارة والمدرب والجمهور على إحضار مهاجم اجنبي.؟؟ مع العلم ان الفريق يعاني في قلب الدفاع وفي الظهير الايسر.؟ وخصوصا المرشدي وسلمان الفرج اللي اصبحو عالة على الفريق. واتمنى عدم الاعتماد على نامي مكان الفرج, لاننا نعرف نامي ونتذكر موسم ام صلال.؟ نبغى لاعب اجنبي بجوار هوساوي وظهير ايمن او ايسر مع ضرورة الابقاء على لي يونج. يعطيك العافية.. |
انا اشوف ان الهلال بحاجه الى حارس مرمى سعودي نضرا لاخطاء حسن العتيبي المتكرره والاهداف السهله اللي تتدخل في مرماااه |
انا مع ماذهبت اليه اتفق معك تماما بالتوفيق للاداره بجلب الافضل تشكراتي |
صدقني حبيبي متى ما كان هجومك ناري لن تتجرأ الفرق على مهاجمتك .. ومن الخطأ جلب لاعب اجنبي ويلعب ظهير خصوصا وانت عندك لاعب اجنبي يلعب ظهير .. الهجوم ولا غير الهجوم اذا اخطأ الدفاع في كره وسجل عليك هدف وانت عندك هجوم سيعوض ذلك الهدف اما اذا كان عندك دفاع قوي ومن خطأ تم تسجيل هدف في مرماك ولم تكن تمتلك هجوم قوي فمن سيعوض ذلك الهدف ؟!!.. الزعيم لا ينقصه سوى الهجووووم وياسر لوحده مشكله ( رقابه .. اصابه .. انخفاض المستوى .. عدم تركيز .. ) ياسر بشر ومعرض لمثل هذه الامور فاذا كان هناك بجانبه مهاجم سيعوض غياب ياسر في الاحوال اللي ذكرتها بين قوسين وسيضيف كذلك قوه ورعب للخصوووم ولسان حالهم يقول الحين ما قدرنا على ياسر لحاله تجيبون لنا واحد ثاني .. الاظهره من الممكن الاستعانه بلاعبين محليين اما مسألة التعاقد مه لاعب محترف وظهير وعندك لاعب اجنبي ظهير اعتقد صعبه وتقبل مروري وشكري |
الظهير موجود عندنا الزوري والحارس موجود العتيبي بس انتم لاتقسون عليه كلها خطأئيين بس عشاانه حارس قامت الدنيا وقعدت لو هو وسط مااحد قال شي. وعندنا حارس بديل بعد الشمري موجود احسن حارس بعد الدعيع بس يبي فرصه حنا بحاجة وسط ومهاجم بس .. تقبل مروري وشكرا على حرصك على الزعييم |
والله يا ناس العتيبي ممتاز ومن افضل حراس السعودية اصلا لو فكرت شوي وتاملت ما فيه حارس بالسعودية تقدر تقول يستحق يدفع فيه مبلغ قوي لانك اذا بغيت حارس ممتاز اكيد بتدفع فيه 10مليون وزيادة وهذي حرام تدفع على حارس ما هو فلته زي ما كان الدعيع والحين العتيبي فيه ميزة ربما هو يخطي بعض الاحيان لكن ايضا سوء الدفاع له دور يعني الدفاع مكشوف المرشدي سي جدا والفرج سي ايضا ولو ادخلت نامي كلنا نتذكر لما كان نامي فاتح شارع ستة مسارات بجهته كان طريق لمن يريد المرور وتذكر هدف الغرافة الي بالاشواط الاضافية والطريقة الغبية في الضغط على اللاعب,,,,,,,,,,, فالمشكلة بالنسبة للحارس باعتقادي انه افضل الحلول لانه على الاقل فيه ميزة ان يمسك الكورة وهو فيها احسن حارس في السعودية وبلا منازع يعني لما تتسدد على كورة يمسكها ما هو يردها وتعود وهذي مشكلة كبيرة وتذكر هدف ويلي الموسم الي راح في نهائي كاس ولي العهد في المعيوف تخيل لو حارس الهلال المعيوف (ووالله ان العتيبي حارس ممتاز لكن المشكلة ان كثير من الهلاليين لا يرى النعمة الي هو فيها بتشجيع الهلال والا من الظلم ان العتيبي لا يظم للمنتخب),اما الظهير فاتمنى انه يكون اجتماع شرفي لايجاد طريقة لاحضار الغامدي لانه نسخه طبق الاصل من لي يونج فقط يحتاج تمارين لزيادة القوة الجسمانية عنده وايضا تطوير المستوى الفني والا هو ظهير موهوب وربما هو افضل المواهب الي طالعة الحين ويمكن تدفع فيه مبلغ محترم حتى لو وصل لـ15 مليون لانه صغير في السن وباين انه يملك موهبة,,,,,,,,,,,,,,,,,,, |
حارس المرمى ... اهم بكثير من خانه الظهير .. |
العتيبي لايستحق الفانيله الزرقاء فالشمري كفء الفرج مظلوم بالخانه ط نبي وليد عبدالربه |
الشششمري ؟ اشهيل ؟ سلمان الفرج ؟ |
كلامك صحيح وان كانت الاولوية الى ترميم الدفاع اكثر فالحراسة رغم انخفاض مستوى حسين لكنه ثقة وممكن يتحسن لكن الدفاع ارى انه الظهير الايسر نحتاج لاعب خلال الانتقالات .. كما هي حاجتنا لمهاجم |
معلي اخوي العتيبي رغم اخطائه الا انه مبدع وبعدين عندك الشمري احتياط ليش تجيب حارس ومن ناحية الظهير يبقى لي يونق مكانه ويزج بالكعبي ظهير ايسر اللي مدري ليش الهلال متعاقدين معه وللحين ماشفناه تقبل مروري |
العتيبي تعبنا وحنا ننتقده ملينا بس ماحولك احد يسمع |
تتكلم وكنك ماتدري ان اكثر اهداف الهلال من الوسط ان عندنا واحد اسمه فهد الشمري بس محد يعطيه فرصة شف نجوم الهلال موزعين في الاندية فهد المبارك والصويلح والعنبر الخ وجايبين الجيزاني والمحياني وفيصل الجمعان اتمن الهلال يبيع عقود بعض المهاجمين ويرجع الي يستحقون البقاء قي الزعيم مثل : المحياني والصويلح تقبل مروري |
إقتباس:
اخي الكريم اتفق معك في كل شيء بالتوووووفيق للزعيم |
| الوقت المعتمد في المنتدى بتوقيت جرينتش +3.
الوقت الان » 03:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd