ستكـون سابقه تاريخيه لكم يازعماء + قصة صلاح الغامدي وعبدالعزيز الدوسري والكت كـات الألـمـاني
 

ببب بسم الله الرحمن الرحيم هذي فكرهـ بسيطة راح تخدم نادينا كثير ان شاءالله تعالى طبعا كلكم تعرفون ان عدد مشتركي باقة الموج الأزرق وصل لـ اكثر من 360 ألف مشتركـ حسب كلام اخوي الليل

الأزرق وحسب مصادر كثيرهـ ذكرت هذا الشيء .. يعني باقي عدد قليل اللي هـو 40 ألف وبعدها تكون موبايلي

ملزمه بدفع مبلغ عشرين مليون ريال للنادي .. أتوقع هالمبلغ الضخم جدا راح يكون أكبر دعم من جمهور لنـاديه

في السعوديه ودول الخليج والدول العربيه وبيكون أنجاز وسبق رائع لجمهور الهلال .. وبيكون جمهور الهلال

مضرب مثل كالعادهـ في دعم النـادي سواء في الملاعب أو خـارج الملاعب .. صدقوني حتى أعضاء شرف النادي

الكبـار والكبيـر الله سبحانه مايقدرون الوقت الحالي يدعمون النادي بمبلغ عشرين مليـون .. رسـالتي لكم يـاجمهور

نـادي القـرن الاسيـوي يـاليت كل واحد مننـا ( اللي يقدر على هالشي طبعا ) يروح لأقرب فرع لموبايلي ويستخرج

له شريحه الموج الأزرق .. بعض النـاس بتقول عندي شريحه مـا أحتاج لها .. أقول لهم انت يمكن ماتحتاج لها بس

هلالكـ وعشقكـ الاول والاخير يحتاج لها وبتخدمه كثير باذن الله .. غير كذا ترى مميزاتها كثيرهـ ورائعه جـدا ..

يعني حتى أسعار دقيقه المكالمات رخيـصه مرهـ وغير مكلـفه .. وفيـه شي ثاني بعـد يخلي الواحد يتحمس

ويستخرج له الشريحه اللي هو بعد أن قامت موبايلي بخدمه لنادي وجمهور الهلال اللي هـي مقدرهـ الجمهور أنـه

يدعم ناديه عن طريق الاستفادهـ من برنامج نقاطي وتقدر تحول نقاطكـ لفلوس للنادي .. وترى باقة الموج بعد كل

فوز للفريق الأول أو الأولمبي يصير عندكـ 100 نقطه للمفوتر و50 نقطـه لمسبقه الدفـع هذا غيـر الأشيـاء

الثانيه اللي تزيد نقاطكـ وبعدين تقدر تستفيد منها وتحول كمبالغ مالية للنـادي والعشق الكبير .. أتـمنى تتفاعلون

مع ناديكم فهلالكم بحاجتكم وأنـت كعادتكم أهل الوفاء ياجمهور الزعيـم ويـاليت كل واحد يحمـس أخويـاهـ وأقاربه

الهلالين ونسوي حمله عشان نوصل عدد المشتركين لـ 400 ألف وياخذ نادينـا العشـرين مليـون :naughty:



وقـفة وفـاء لصلاح الغـامدي

طبعـأ أخـوكم كـاتب الكلام كـان من أقرب النـاس لـه عـايشته فترهـ عـن قرب وكـان نعـم الصاحب والرجل الوفـي ..

ويعلـم الله أنـي ماشفت منه الا كل خيـر .. رجـل أخلاقه طيبـه ودمـه عسـل وكريم ويحب الخيـر للنـاس قبل نفسه

ومحافظ على صلاته ولله الحمـد .. وكان هلالي مخلص عشق هذا الكيـان من قلب وحبـه حــب كبيـر جدا .. والله مع

أنه من سكان المنطقه الشرقيـه بس مامنعه هذا الشيء أنـه يحضر أكثر مباريات الهلال خاصه الموسم اللي راح

وهذا المـوسم وفيه كثيـر مباريات كان يحضر من الشرقيه للرياض ويرجع بعد المباراهـ مباشرهـ للشرقيه عشان

دوامه .. وأنـا حضرت معه أربع مباريات هذا المـوسم وكـان الله يرحمه هـو اللي يشجعني على الحضـور وكل مرهـ

من هالمباريات الأربع كان يشتري تذكرتين منـصة وحدهـ له ووحدهـ لـي ويفاجئني كل مرهـ بـأنه أشترى التذاكر

وخلص ودفع حسابه وكـأن يرفض ياخذ مني أي مبلغ مـالي حتى قيمـة التذاكر يرفض بشدهـ ياخذها منـي .. حتـى

مرهـ قلت له انا ماحب أكلف على أحـد وأنت تكلف على نفسكـ كثير بتذاكر المنصة والله بغى يزعل مني وقالي مابي

أسمع منكـ هالكلام مرهـ ثانيه .. رحمكـ الله يـ أطيـب قلـب وأنقـى رجـل .. الرجل هذا كان له مع نجمنا عبدالعزيز

الدوسري قصـة عشق كبيرهـ حتى أنـه قال مرهـ أنـه بعد يوسف الثنيان تـركـ الهلال فترهـ وابتعد عنـه والسبب

اللي خلاهـ يرجع للهلال ومتابعته هـو عبدالعزيز الدوسـري .. له حكايه روعه مع عبدالعزيز قبل وفاته بـ أيـام ..

كـانكم تذكرون بدايه هذا الموسم ووقت رجوع الفريق من معسكرهـ احترقت الطائرهـ اللي فيها أغراض اللاعبين

وكان من ضمن الأغراض كـرتون كـت كـأت لعبدالعزيز الدوسري شراهـ من ألمـانيـا وكان من ضمن الأشـياء اللي

احتـرقت .. وصلاح درى عن السالفه وهـو الله يرحمه سافر لأوروبا ومن ضمن الدول اللي راح لها ألمـانيا وكانت

هذي السفرهـ قبل وفاتهـ بـفترهـ قليله يوم رجع من السفر الله يرحمه عاش تقريبا خمس أيـام وبعدها انتقل لرحمة

الله تعالى .. أذكر قبل يسافر بيوم واحد قابلته وطلعت معـه وقالي والله وباذن الله اذا رحت لألمانيا بشتري لعبدالعزيز

الدوسري كراتين كـت كـأت من ألمـانيا واذا رجعـت قابلته وأعطيته أيـاهـ .. ويوم رجع الله يرحمه قابل عبدالعزيز

الدوسري يوم الجمعه اللي قبل مباراهـ الفتح بيوميـن وكان معـه غرض له وأتوقع انه هو الكـت كـات .. كـنت ناوي

أقوله جبت الكـت كات لعبدالعزيز ولا لا بس توفى الله يرحمه قبل أسـأله .. أتـمنى منكم يـ أهل الوفاء ان ماتنسون

اخوكم صلاح الغامدي اللي يحتاج لكم بشدهـ ويحتاج لدعاكم واللي يقدر يتصدق لـه يـاليت والله يجزاكم كل خير ..

ورحمكـ الله يـ أغلى انسان صلاح سعيـد الغـامدي وجمعنا الله بكـ في جنات الخلد يارب العالمين ..


تقبلوا تحيـاتي أخـوكم : عبـدالعـزيز :wub:

وعلـى دروب الخيـر نلتـقي بـاذن الله :alzaeem:

أتـمنى من المشرفيـن الكرام الموافقه على الموضوع ومشكورين وجزاكم الله خيـر .. وشكرا مقدما لكـل اللي بيمر ويشاهد ويعلق ع الموضوع

كبير الهلاليين شكـرا على الموافقه ..
وجزاكـ ربي الفردوس أنت والمشرفين الكرام ..

الله يرحمة
ويسكنه فسيح جناته
ان لله واليه راجعون

والله ونعم الـرجل والأخ والصديق


اسال الله في هذا اليوم المبارك ان يسكنه الجنة وان يجعل قبره روضة من رياض الجنة وأن يجعل داره جنات النعيم يارب العالمين لآ تنسون صلآح الرجل الطيب الخلوق من دعوآتكم الله يجزاكم خير الجزاء


.. ألف شكر لكـ هلآلي

الله يرحم ـه ويسكنه فسيح جنآت


يع ـطيك الع ـآفيه اخوي

اللهم اغفر له وارحمه ووسع نزله ونقه من الذنوب والمعاصي كما ينقى الثوب الابيض من الدنس

الله يرحمك ياصلاح وينور لك قبرك ويتجاوز عنك

الله يعطيك العافيه اخوي هلالي ،،

الله يرحم صـلاح ويسكنه فسيح جناته ،،

والله يجمعنآ به مع الحبيب المختار يارب ،،

آحترامي ،،