صراحة ما ادري هل السبب مني , او مني
كل ما نمت يبدع المانيو , وش ذا الحظ!
ما فاتتني هالموسم الا مباراتين , سندرلاند وبلاكبيرن ام سبعة!

عشان كذا اي مانشستراوي غيور على ناديه لازم يوصل لي وانواع الحبوب المنومة قبل اي مباراة خخخخخخخخخخخخخخخخ

ردي بالرابطه يخص مباراة مانشستر

الف الف مبروك الفوز ياشباب , المباراه اليوم كانت ممتعه لأبعد درجه ممكن وخصوصا
الشوط الاول , اذكر اني شفت الاستحواذ بعد عشر دقائق بالـ 70 لمانشستر او اكثر الفريق
اليوم كامل كانوا ابطال وخصوصاً اندرسون هاللاعب له كم مباراه يقدم مستويات مميزه
وحلوه قتاليته عالكوره واحتفاظه فيها اكثر شي يعجبني فيه لكن ينقصه التسجيل فقط اليوم
فيه كوره شاتها لكن المدافع ردها , كان بأمكانه يسدد الكوره افضل من كذا لكن ان شاء
الله يتعلم من اخطائه في المباريات القادمه , لكن مثل ماقلت يبقى نجم الشهر بالنسبه لي
بالنسبه للتبديلات : كانت صحيحه وكلها موفقه



اللي قاعد يسويه فيرغي مع بربا اعجبني صراحه , هاللاعب ماينفع معه الا انه
يلعب مباراه ويريح له مباراه لأن مسألة الابداع المتواصل موب من صفات بربا
عنده ابداع بس متقطع فلذلك علشان تحافظ عليه , خله يريح كم مباراه
عالعموم بربا تغير كثير عن الموسم الماضي , ابرز عيوبه الموسم الماضي هي
الفلسفه قدام الباب لكن هالموسم مافيه غير جلد عنده




رجعتك للتسجيل عندي اهم من اللي المستويات الحلوه اللي تقدمها لأن مثل ماقلت قبل
بربا صعب الاعتماد عليه في كل المباريات , الاعتماد كله على روني فلذلك لازم
يشوف لنفسه حل ويسجل , خصوصاً بالفرص السهله اللي تجيه ولا يستغلها العام
الماضي وقبله قدم روني كان يُضرب فيها المثل بقوتها هالموسم مدري ايش اللي
حاصل معه !! عالعموم قلتها مستوياته بطله لكن التسجيل مهم جداً




الشيخ توم سجل هدف الفوز اليوم لـ ويجان , الهدف حلو , بصراحه هاللاعب
من الجوله الامريكيه وانا خاق معه اتمنى مايفرط فيه السير


. . . . . . . . . . . . .

بالنسبه لمباراه السيتي للأسف ماتابعتها لكن مبروك ياحاتم
ومبروك لكل عشاق السيتي , عندي استفسار الهدف
الثالث يُحسب لتيفير ولا !!


بالنسبه لمباراة توتنهام والفيلا : مباراة كانت ممتعه لكن
الطرد افقد المباراه بعض متعتها , لأن بعدها شفنا السبيرز
كيف دافعوا خوفاً من النقص , عموماً من وجهة نظري ان
الحكم لم يوفق اليوم وكان يوزع كروت بالمجان خصوصاً
على لاعبي توتنهام الفيلا الشوط الثاني كان ينقصه لاعب
يترجم الفرص السهله الى اهداف عموماً مبروك لـ
فتى بريده الفوز وهاردلك لكل عشاق الفيلا او محبين هالفريق
مثلي

عوافي رابطة الارسنال عالتقديم المميز
ولي باك ان شاء الله بعد ديربي لندن بكره