لاعبين بامكانهم صناعة تاريخ كبير لانفسهم
 

عندنا لاعبين بامكانهم صناعة تاريخ كبـــيــــر لانفسهم


الاول : احمد الفريدي

واحد يقول لي بارد او مستهتر!!

الفريدي موضوعه مو استهتار... شخصية اللاعب هذا كذا!!


بمعنى : الفريدي (كشخص) تفكيره صح (بطئ)! لكن ذكي جداً (ومتأكد ان معدل ذكاؤه IQ فوق 130 على الاقل يعني شخص فيه (لحسة) عبقريه )...

الفريدي كلنا نعرف انه يحب اللعب (الرايق) اللي بدون ضغوطات... لما يكون تحت ضغط ويستلم الكورة تجي في راسه 20 فكرة مع بعض ولازم يختار احسن فكره في اسرع وقت وهذا اللي يسبب تاخير في التصرف.... اتا اعرف اشخاص بنفس الطريقة مايلعبون كورة لكن في المواقف اللي فيها تصرف سريع ليسوا جيدين وهذي ترجع لاسباب نفسيه وممكن الشخص يتجاوزها.

الحين المشكله ان كرة القدم تحتاج تفكير سريع!!


عشان كذا انصح الفريدي بانه يلعب الكورة بسرعه و( كيفما اتفق) لأني مـتأكد انه راح يلعبها بطريقه رائـــــعه لأنه شخص (مخه نظيف).. شوية تركيز بس ويرجع افضل من أي وقت مضى.... بالاضافه الى دعم الجمهور اللي حتى لو زعل عليه ما يبغى يخسره... بس باقولكم شي.. اللاعب مشكلته الضغوطات.. نقوم نضغط عليه زياده عشان يرجع لمستواه؟! ماينفع !!


وانا وجهة نظري الشخصية..... احمد الفريدي اكثر لاعب في المملكه (حالياً) يستاهل يلبس رقم 15 في نادي الهلال.. لانه فعلاً يحتاج شوية تحضير وتركيز و (حافز) و راح يصنع لنفسه اسم كبير وتاريخ زي ما صنع الفيلسوف (الكبير) الثنيان اسم كبير لنفسه


وانا متأكد وواثق في قدراتك يا كبير يامبدع يا فريدي وراح انتظر صناعتك للتاريخ في اقرب وقت.

**********************************************************************************************
s13s s13s s13s s13s s13s s13s s13s s13s

الثاني : تياقو نيفيز


بالنسبة لنيفيز.........


لاعب مؤثر ومن النوع اللي يخلص لك مباراة... واحنا في حاجة لاعب بهذي المواصفات..

لكن الرجل حلمه منتخب البرازيل... في نفس الوقت النادي دافع فيه مبلغ كبير...


يعني لو قلنا له روح نخسر فلوس ولو خليناه كأننا (نسرق) منه حلمه او نمنعه من تحقيقه

فرصة تياقو في كوبا امريكا... و كوبا امريكا باقي لها 7شهور بس... افضل شي من وجهة نظري اننا نمدد عقده و نعيره لاي فريق في البرازيل


صدقوني راح يلعب بشكل حلو عشان يحقق حلمه ويختاروه في المنتخب خصوصاً انه تحت اعين المدرب مانو مينزيس.... بعدها لكل حادث حديث يا اللاعب يرجع لنا مرتاح و (مطلع اللي في راسه) وشايل لنا الجميل لانا خليناه يروح او اننا نبيعه بسعر عالي لانه لاعب دولي مثل المنتخب البرازيلي الاول!!


ملاحظة: لما تعاقدنا مع نيفيز وكان فيه منافسه من الاتحاد عليه.. من الاسباب الرئيسيه اللي خلتنا نكسب اللاعب اننا وقعنا معه واعرناه لفلومنيزي.. حتى اعلن الامير عبدالرحمن بن مساعد وقتها انه اللاعب كان لازم يروح البرازيل لاسباب شخصيه واحنا باعارته لفلومنيزي كسبنا ثقة اللاعب وقدرنا ظروفه اكثر من الفرق الثانيه.. عشان كذا وقع مع الهلال!

فــخلوا اللاعب يروح يصنع لنفسه تاريخ ويرجع!!


الخلاصه: اللاعبين هذولي عندهم: 1- الرغبه. 2- الامكانيات. انهم يصنعوا تاريخ شخصي كبير... لو تفهمنا موقفهم ودعمناهم بكل صدق وثقة في امكانياتهم... في الاخير احنا الكسبانين




هذا مالدي.. والتوفيق من الله والخطأ من نفسي والشيطان

و اتمنى كل التوفيق للزعيم
**********************************************************************************************
s13s s13s s13s s13s s13s s13s s13s s13s

يعطيك العافيه

وتقبل تحياتي

احترمك اخوي .. واحترم موضوعك ..



لكن بعض النقاط اللي ذكرتها في الفريدي .. اختلف معاك فيها .. اعتقد انه اقل من توقعاتك وآتمنى إن كلامي غلط .. لكن هذا الواقع المر .. اللي علينا ان نتجرعه عاجلاً ام آجلاً .. للأسف

يعطيك الف عافيه
والفريدي لو راح لنادى منافس فيه جمهور فاهم كوره راح يلعب فينا لعب
وتقبل مروري

باختصار الفريدي يصلح ورقة رابحه

لك وجهت نظر ونحترمها ,


.

مشكووور اخوي على الموضوع

ثااااااااااانكس
خيو والله يعطيك الف عااااااافيه
ياااااارب

الله يعطيك العافيه


موضوعك رائع

احترم رأيك وكلامك منطقي جداا ,,,

الفريدي ونيفيز وجميع لاعبين الزعيم هم نجوم ولكل منهم استايل خاص يميزه عن غيره ,,,

الفريدي فنان

بس يعيبه البطء

مشكور

مبروك الصدارة يازعيم راحة للي يستحقها
وداعا نيفيز

مشكور يالحبيب على الأبداع

الحين سمعنا ان نيفيز اعير سنه وهذي خطوه ممتازة وان شاء الله يرجع احسن من اول

باقي الفريدي بس يشتغل على نفسه شويه وان شاء الله انه ماراح يخيب ظني فيه


اشكركم عالمروووور واقدر اراؤكم

كلامك سليم وانا متأكد وواثق في قدراتك يا كبير يامبدع يا فريدي وراح انتظر صناعتك للتاريخ في اقرب وقت.