نادي الهلال السعودي - شبكة الزعيم - الموقع الرسمي - الحذر يادفاع الزعيم من المهاجم( ميجين ميملي) تراه( خطير) .. و(المرشدي) وينك؟ طولت الغيبه ونبيها فوز اليوم قبل اجازة اربعين يوم$$

بسم الله الرحمن الرحيم

حبيت اليوم اتكلم عن مباراتنا مع الفيصلي الي بنقابله قبل يوقف الدوري.

فريق الفيصلي فريق منظم وخطير وفريق لايعرف اليأس وممكن يسجل في اي وقت

طبعا تعرفون مهاجم الفيصلي الاعب الاجنبي الالماني( مجين ميميلي)

والي مايعرفه يسأل دفاع الاتحاد او بمعنا اصح يشوف مباراة الاتحاد والفيصلي

الي انتهت3/3 ويشوف وش سوى في دفاع الاتحاد تكر، والمولد،والمنتشري

وكيف اخترقهم وطبعا سجل هاترك

الي ابي اقوله يجب على دفاع الهلال الحذر من هاذا الاعب ومراقبته

وترا رجله تعرف طريق الباب ولا يمزح وعليه شوت مو طبيعي .

والله اني اتمنى الاداره تحطه تحت المجهر وتتعاقد معه.

المهم الي الاحضه ان الدفاع عندنا صاير في فتور مو طبيعي ونزول في المستوى

وخاصه الاعب( المرشدي )مدري وش صاير فيه خاصة هالموسم صاير يجيب

العيد في كور مدري كيف. خاصه المباراة السابقه الي مع الفتح كورتين بالراس

في اتجاه الباب حقنا بس ربي ستر والحين معه ابو كلبشه بيتكل عليه في هفواته

في الدفاع ياليت المرشدي يرجع لمستواه ايام كاس الخليج ( واندامت لك مادامت لغيرك )

وانت متكل ان مافيه لاعب بديل لك في الاحتياط بس صدقني راح تشوف نفسك

اذا ماحسنت مستواك والفرصه قدامك. وبجانبك ابو كلبشه افضل لاعب اسيوي استفيد منه وتفوق عليه

ولازم تعرف انك تلعب في اكبر نادي اسيوي .هاذي نصيحة محب لك.

ارجع لموضوع المباراة مع الفيصلي نبيها اليوم ختام مسك ونفوز قبل توقف الدوري

خاصه ان الفرق الي تنافسنا تعادلت واذا فزنا اليوم نوسع فارق النقاط

وترى الفرصه ماتجي الى مره وحده بس ارجو من لعيبة الزعيم احترام الخصم

وعلى فكره ترى فريق الفيصلي يكون حماسي لا صار فيه جماهير والدليل مباراة

الاتحاد والي لعب بين جماهيره . واليوم حنا نلعب على ارضهم الله يستر

وكلي ثقه اليوم ان لعيبة الزعيم بيفرحونا بنتيجه ومستوى.

بس اهم شي يحترمون الخصم.

ودمتم زعماء