21/12/2010, 10:34 AM
|
| زعيــم فعــال | | تاريخ التسجيل: 10/07/2005 المكان: قلب الهـــــــــــــــلال
مشاركات: 486
| |
|
صار الحادث قدامي....وعورني قلبي وتفاجاءت باللوحهNKD
الحمدلله على قضاءه وقدره...الله يرحمك ياصلاح رحمه واسعه
كنت متجها من منزلي بحي الشفاء الى حي الدار البيضاء عبر طريق فتح مكه.... وقبل اشارة الدار البيضاء
لاحظت ان الناس تركض وتتجمهر لحصول حادث مروري...انا يعلم الله لااقف عند الحوادث عادة لاكن مادري ليش هالمره نزلت.....
كانت السياره (هوندا) مقلوبه راس على عقب وقد قذفت صاحبها خارج السياره وعندما اقتربت منه قال لي احد الشباب احسن لاتحركه من مكانه...
ذهبنا للسياره وسحبناها عن الطريق ثم قاموا الشباب بتعديلها...
لاحظت وجود شالات هلاليه ...في السياره طبعا كان الحادث ليلة المباراه... واخذت الجوال من السياره..والله يااخوان ماعرفت لحظتها السياره لمن؟وماحرصت على الموضوع حتى...قلت اهم شي نسعف صاحب السياره...لانه بعد سقوطه كان ممدد على وجهه...وماعرفته
بعد مارجعت اسمعهم يقولون فيه نبض ..تفاءلنا خيرا ...جاءت سيارة الاسعاف نزل اول واحد فحص نبضه قال للثاني جب الجهاز (جهاز لفحص النبض واشارات الحياة)..وعند فحص نبضه قام ولحقت به فسألته قال ادعوله بالرحمه... صراحه والله صدمت كنت انظر اليه ولم اعرفه لان كان على وجهه دماء بعد ذلك تمت تغطيته رحمه الله...
اعطيت احد الشباب (جزاه الله خير) الجوال قلت شغلوه وشوفوا الارقام وحاولوا تبلغون اهله بطريقه مناسبه ولاتفجعونهم...
المهم سألت المسعف وش هذي اللي في يدك قال اثباتاته...قلت اشوف وش يقال له...وقتها كانت الصدمه!!!!
صلاح بن سعيد الغامدي
والله ماصدقت نفسي وعيوني اطالع الصوره والله هو صلاح...
لاحول الله ...انا لله وانا اليه راجعون
طمرت للسياره اتأكد من لوحتها الا هي نفس اللوحه....رحمتك يـــــارب
رجعت مسرع للشخص اللي معاه الجوال ...قلت وش سويت قال كلمت ابوه وجاي الحين...جاء ابوه واخوانه الله يكون في عونهم ويجبر كسرهم...وابوه الله يقويه كان صابر ومحتسب ومتماسك الله يعوضه خير هو اللي يهدي عياله....
هذا ماحدث ذلك المساء الاسود
الله يرحمك ياصلاح الخير
الله يرحمك ياصلاح الطيبه
الله يغفرك ماتقدم من ذنبك وما تأخر |
الوضع المتطور
