ارحموا عزيز قوم(ن) ذل ...ودعوا العتيبي حسن وشأنه
 

بسم الله الرحمن الرحيم

السلام عليكم يا أحلى وارقى جمهور :s2:
هذا أول موضوع اكتبه وفكرت أكتب اكثر من موضوع قبل كذا
لكن لم يحركني مثل موضوع هذا اليوم وهو من فجر داخلي هالكلمات الصادقة
التي سأسردها لكم بعد ان رأيت عيون حسن العتيبي في مباراة الفتح ليلة الأمس

{وايضا هو رد على فئة ولله الحمد بسيطة في جمهورنا اسمهم جمهور التطبيل المعروفين ب مع الخير يا شقراء
حيث رأيت مواضيع تتحدث عن تخاذل من لاعبين وبعضهم يجي يقيم اداء لاعبين دون حتى ادنى معرفة بماهية الكرة اصلاً}

فوالله العظيم ابتلينا بهذا الجمهور المطبل ولا اعرف متى نتخلص منهم
الحين العتيبي تتكلم عليه ورب البيت ويعرفوني كل الهلاليين اصحابي اني احب واعشق محمد الدعيع
لكن والله في اخر سنتين كنت كنت اشوف العتيبي في الحراسة افضل واضمن لأنه لسى مرن وصغير شوي ويبي الفرصة وايضا لا يقل عنه فهد الشمري هو حارس كبير ولديه قدرات عظيمه ايضا
بالنسبة لللمرشدي انا اتفق معااااكم هو مستواه نازل اما تتهم اللاعبين في ذمامهم وانهم متخاذلين فيا عزيزي متى صرت تقيم وضع لاعبين الهلال من شان تقول متخاذل او متعاون
وسلمان الفرج يلعب في غير مركزه وايضا نامي اللي مو عاجبينك كلهم يلعبون في غير مراكزهم أحدهم بالأصل وسط ايمن والاخر وسط ايسر
على العموم اتمنى ما يشوفون لاعبينا هالكلام اللي يصدر من جمهور التطبيل وليس الجمهور العاشق للكيان
ياخي تعلم الاحترام في نقدك بدون تجريح ودخول في ذمم ياخي حسن العتيبي كم له يلعب باالهلال وكم كان صابر وكم انقذ مرمانا
وبعدين حركته مع مهاجم التعاون والله العظيم ما عملها الا من حبه للهلال ولو كان فعلا احتك فيه كان من حقك تثير هالكلام وعلى فكرة اذا متابع للدوري الأسباني شفنا اكثر من لقطة مثل هذي صارت وكلها هدف الحارس او المدافع انه يحمي فريقه من تمثيل هاللاعب لكن لم تحتسب ضربة جزاء الا عندنا بدورينا

والله ياليت ياجمهورنا الكريم ما نشوف اي نقد حاقد وفيه تجريح لأحد من اللاعبين واحد يقولي ماجد(جل) والأخر سأعتزل تشجيعك يالزعيم حتى يذهب هؤلاء المتخاذلين (حسن والفرج والمرشدي)وثالث يقول الجيزاني لايستحق ارتداء فنيلة الهلال ولا النامي ولا البرقان ولا الفريدي
والله ما أحب اطول لكن والله العظيم يا حسن العتيبي امس وانا اشوفه قاعد يرتبك في الكورة اللي لعبها لمهاجم الفتح رقم 7(كبتنهم)
وحسيت في لحظتها خلاص بينفجر قهر من جمهور الهلال واللي يقراه بالصحف وحاس انه فيه كلام ونقد وتجريح صارخ باتجاهه
وشلون تبيهم يأدون مع هالتجريح

اااسف للاطالة ويا ليت يا جمهورنا الكريم تتركون العتيبي على الأقل بحاله شوي
وترحمونه من كلامكم شوي والحمدلله انه ما يتابع المنتدى ويشوف هالكتابات المسيئة له
دمتم بخير....,,, :ba:

اللهـ يووووووفقهـ

المشكلهـ غلطة الحااااااااااارس بقووووووووووول ....

ان شاء اللهـ يتعدل مستوووووواه ويرجع للافضل .......

كلام سليم وراااائع وجميل وحسن حارس كبير ويعطيك العافيه

حسن ياما اخذ افضل لاعب هلالي بكذا مباراة مو على غلطة نقوم الدنيا عليه

سر ياحسن وماعليك من الناقدين والله انك لاعب فنان وكبير وادائك ممتاز انت حامي العرين الهلالي بعد الله سر يا اسد فنحن خلفك

حسسن حتى لو يبدع مباراة المباراة الثانية مايحافظ على مستوااااه

مشكوور واهنيك ع الموضوع

ودي

مشكووور ومبروك التفعيل

ودي

اهنيك ع الموضوع

واتمنى من حسن عدم التهور والله يعينااا على ظغط الاعصاب

اتمنى اخوي قلت ياليت الجمهور يتركون الاعبين على الاقل بحالهم شوي

تكون كملت الموضوع صح كل يوم واحد نازل لنا سب في لاعب ماهو انتقد بعد

الله يعين هاللاعبين من بعض الاعضاء

كل الشكر لك على هالموضوع

الحقيقه..
انا لااتكلم في مثل هذه المواضيع.. ولااستطيع ان اتكلم..لان هناك من يكتب مقالات..اصفق له فيها ومن اعماق قلبي...

والسب والشتم في اللعبين.. لايزيد الاعب الاهم وغثا وعنا..وتفكير وخوف..

فاانا اوافقك الرأي واقول اتمنى مثل هذه الكتابه..في هذا المنتدى الراقي..

وترك كل من حولنا.. وان نقوم بالتصفيق.. والمؤازره..لنجوم الزعيم..

والله يبيض وجهك على المقآل..

الله يعطيكم العافية يا اعضاء منتدانا العزيز اللي قاموا بالرد على الموضوع

والله ما كتبته فعلا الا بعد ما شفت حسن متأثر بالضغط من تصاريح الجماهير والاعلاميين ضده

الله يوفق الزعيم يارب :yes: