نادي الهلال السعودي - شبكة الزعيم - الموقع الرسمي - الخطأ الكبير اللي أخرجنا من الآسيوية يتكرر مرة أخرى + أنصفوووه هداكم الله + 3 - 5

بسم الله الرحمن الرحيم

نواف الهلالي يعود لكم من جديد < يا كثرك :tv:

ألف مبروك على الفوز في الشوط الثاني في مباراة امبارح :d

طبعا نقطة التحول في المباراة التبديلات ..! بعض الشباب يعتقد إن المدرب في الشوط الثاني

رجع على 4 5 1 وهذا خطأ .. المدرب أخرج الجيزاني وخلى ويلي مهاجم مكانه

ولعب بالخطه اللي كنا نتمناها من زمان وهي 3 - 5 - 2 ..!

هذي الخطه هي أفضل طريقة لخلخلة التكتلات الدفاعية اللي كانت سبب هزيمتنا

وخروجنا من الكثير من البطولات :cry: لكن ما جاء ولا مدرب في الفترة الأخيرة وطبق الخطة هذي

إلا كالدي أمس ونجح 100% :yes: ومع كل أخطاء كالديرون واللاعبين اللي غير مراكزهم وغيرها

إلا أنه يثبت لنا مباراة بعد أخرى إنه قارئ جيد للمباراة بعكس سَلَفه اللي كان يكتفي بالتفرج

أو يبدل تبديل يضرنا ما ينفعنا .. وشفنا أيضا بعض توجيهاته الجميله مثل أن ياسر أصبح

يستلم الكره ويسدد مباشرة من دون أي فلسفه :yes:

على العموم أتمنى إن اللاعبين يتعودون جيدا على هالخطه حتى يطبقونها إذا واجهنا فريق

متكوكع في ملعبه < أعرب :razz:

( الخطأ الكبير اللي أخرجنا من الآسيوية يتكرر مرة أخرى )

http://www2.0zz0.com/2010/12/20/11/758166980.jpg

بعد الخروج من البطولة الآسيوية قبل موسمين تحدث شبيه الريح عن أنه سوف يغير نهجه

وطريقته مع اللاعبين فليس هناك دلع ومكافئات وغيره .. اللي يبي يلعب يلعب لشعار الهلال :ba:

ولكن لما جاء الحسم في البطولة الماضية رجعنا على ما كنا عليه من المكافئات والدلع وتبرير أخطاء اللاعبين ..!

حتى إن الفريق عاد مهزوم من إيران ونشوف تبادل الضحكات بالطائرة اللي كانت أول بوادر الخروج من آسيا

ثم يصرح شبيه الريح ويقول اللاعبين ما قصروا قدّموا اللي عليهم !!!!

وخرج الفريق من الآسيوية وتكلم كثير من الجماهير والعشاق وكتّاب الهلال المخضرمين عن طريقة تعامل

إدارة الهلال مع اللاعبين اللي كانت من أكبر أسباب الخروج من البطولة ..

والعبد الفقير أيضا كتب موضوع مطوّل عن أسباب الخروج وذكرت أن من الأسباب الرئيسية هذا الأمر :

إقتباس:

هل الفريقين الكوري والإيراني أقوى من الهلال عناصريا ؟!
الجواب طبعا لا ..! إذا وش اللي فرق .. الروح والحماس ..!!
التنظير سهل وكلنا نقدر نتكلم ونقول يا لاعبين صيروا متحمسين والعبوا بروح لكن وش سوت الإدارة فعليا
حتى تدفع اللاعبين للروح والحماس ..!
باختصار شديد هناك أسلوبين لا ثالث لهما ( الترغيب والترهيب )
إدارتنا ما طبقت إلا الأسلوب الأول وشاهدنا أنه لم ينجح في عدة مباريات سابقة
إذا لابد من الانتقال للأسلوب الثاني ..!
وإذا بغيتوا الصدق فالأسلوب الثاني كان هو الأجدى والأنفع واسألوا الأمير بندر بن محمد
وش كان يقولهم بغرفة الملابس
واسألوا بعد الأمير نواف بن محمد .. لذلك اسمحوا لي أقول إن الإدارة خانتها الخبرة في التعامل
مع اللاعبين في هذه المباراة ..!!

الأمير نواف بن محمد صرّح بعد مباراة الغرافة وقال : لا بد من الإدارة أن تقف بحزم مع اللاعبين أي بالعتاب والعقاب ..!

ولو نظرنا للواقع فهذا هو الأسلوب اللي نجح مع الأمير بندر بن محمد :ba1: وأحرز معه البطولة الآسيوية

وهو الأسلوب أيضا اللي نجح قبله مع الأمير عبد الله بن سعد رحمه الله :ba1: وغيرهم من رؤساء الهلال ..!

لكن من يوم أن بدأ أسلوب الدلع والمكافئات وبحث الأعذار للاعبين ونحن نشاهد في الملعب ما يفقع المرارة

من الاستهتار واللامبالاة والتفرج والاتكالية وانعدام الروح والحماس وعدم التركيز في كثير من المباريات

لأن اللاعب يلعب وهو يعلم إنه إن فاز فسوف يكافأ وإن خسر فسوف يطبطب عليه ويبحث له عن عذر وربما يعطى مكافأة فوز أيضا :confused:

الآن شبيه الريح يكرر نفس الخطأ تماما بحذافيره عندما صرّح بعد مباراة الفتح وقال :

( بكل صراحه وأمانه لو إنتهت المباراة هذه بالتعادل لن أكون مستاء من الفريق لأنكم شاهدتم كم فرصه أهدرت قبل الهدف الأول )

سبحان الله !! يعني يا شبيه الريح بدل ما تكون الفرص الضائعة تستحق العتاب للاعبين تحسبها إنها تسجل لصالح اللاعبين !!!!

طيب تبي تشوف نتيجة تصريحك !!! شف مباراة أمس !!!

أخطاء بالجملة !! مجهود ضعيف !! اتكالية !! ضعف في التركيز !! في المقابل لو كان اللاعب يعرف إنه إذا لم يقدم المأمول

سوف يعاقب أقسم بالله إن تلقاه مركز وباذل جهده كل المباراة خوفا من أن يخطئ ويعاقب !!!

إلى متى يا شبيه الريح وأنتم تكررون نفس الأخطاء وتعيدون نفس السيناريو وتجعل طبية قلبك وسماحتك :smilie47: هي اللي تحكم دائما ..!

حنا ما نقول والله انزل عليهم بالعقال :to: وإلا جب عصا وقل افتح يدك يالمرشدي :to:

ولا نقول سو مثل ما يسوي بندر أو عبد الله بن سعد في غرفة الملابس وأنت أدرى وش يسوون ..!!

حنا نقول طبق عليهم مبدأ العقوبة اللي تضبطهم ولا تضر الفريق وهي الخصم من الراتب إضافة إلى إعلان ذلك للجمهور

حتى إذا كان اللاعب مطنوخ :s5s: ولا همه إنك خصمت من راتبه يبي يهمه إن يقرأ الجمهور إنه معاقب :yes:

واستمر على الطريقة هذي بعد كل مباراة .. اللي يقصر فالخصم ينتظره حتى يجي آخر الشهر وإلى ما بقى له إلا 13 ريال وفكّه بعد ريالات :d

وبعدها راح تشوف الحماس اللي تفتقده وراح تشوف التركيز أمام المرمى وراح تشوف التركيز في الدفاع

أما إذا كنت تبي تستمر على كذا فأبشر بنسخة كربونية من الأخطاء السابقة :cry:

( أنصفوووه هداكم الله )

http:///photo/2009/6/3/09/wyw3fygvw.jpg/jpg

للأسف الشديد وأنا أقول للأسف الشديد إن كثير من الأعضاء ينقسم اللاعبين عنده إلى قسمين :

قسم يبحث له عن أي لقطة جميله سوّاها حتى يجي يرفّع فيه ويطبل له !!

وقسم يبحث له عن أي زلة حتى يهاجمه وينتقده .. ولو ما وجد عليه أي زله اكتفى بالسكوت ولم يثني على ما قدّم :confused:

أقرب مثال مباراة أمس مثلا .. نيفيز كان من أسوأ اللاعبين في المباراة جميع تمريراته خطأ

أناني وغير متعاون مع زملاؤه وتسديدات أي كلام لكن عشانه سجل هدف الآن هو من أكثر اللاعبين حصول على أصوات في التصويت ..!

في المقابل المباراة الماضية .. الفريدي كان أفضل لاعب إلى جانب ويلي ومع ذلك لما تجي هنا تلقى الشباب

تركوا كل المستوى الجميل اللي سواه وكل المهارات وكل الكور اللي صنعها وراحوا يتكلمون عن فرصه ضيعها :confused:

ليش كذا ..!! ليه ما يقاس كل اللاعبين بمقياس واحد فيقال للمحسن أحسنت وللمسيء أسأت :sick:

أتمنى من الجمهور اللي يدعي أنه يحب الهلال فعلا ويعشق الهلال فعلا أن يترك عنه العاطفة دائما عندما يتكلم ويتكلم بإنصاف ..!

النجم الكبير أحمد الفريدي :smilie47: الآن يعتبر أفضل من يقدم مستويات في وسط الهلال ومن أفضل لاعبي الوسط في المملكة

وهو أفضل لاعب وسط شاب تحت 25 سنة .. يعني هو مستقبل الهلال الأول ومستقبل الكره السعودية ..

إذا كان عنده أخطاء من برود أو ما شابه لا مانع من انتقاده .. أما أن نترك كل ما يفعل ونركز ونعيد كل شوي هالخطأ

فهذا بعيد كل البعد عن الإنصاف والحياد ..!

غير كذا أحمد الفريدي عنده ميزة تكاد تكون شبه معدومه في الهلال ونادرة جدا في المملكة

وهي الثقة الكبيرة بالنفس وعدم الخوف والارتباك في المباريات الكبيرة .. يعني لما تجي مباراة

فيها ضغط نفسي وجماهيري تلقى كل اللاعبين خائفين ومرتبكين ويجي أحمد بكل برود وثقه ويلعب بمستوى كبير

ولا كأنه فيه أي ضغط .. عشان كذا تلقاه دائما يتميز في مباريات الاتحاد والنصر ومباريات خروج المغلوب ..

هذا غير المميزات الفنية اللي عنده مثل المهارة الفردية العالية وقدرته على السيطرة على الكره

بحيث إنه صعب قطعها منه إضافة إلى أنه أفضل من يقطع الكره في الهلال من دون خطأ مع عزيز ورادوي

لذلك فـ الفريدي عملة نادرة ولاعب مهم يجب دعمه كل الدعم والوقوف معه أكثر من الوقوف مع أي لاعب أجنبي آخر :yes:

http://www.up-king.com/almaciat/93jd...dhujpr20op.gif

للأمااااام أيها الفريدي :smilie47:

المعذرة على الإطالة يا شباب .. تحياتي ،،،

قبل لا تروحون خوذوا ذا الخبر
يقولك تم تغيير اسم النادي من : الاتحاد .. إلى : أبو نقطه :d