الله اكبر

ماشاء الله عليك

هذي المواضيع اللي تفيد الهلال وتخرج مابداخل الجمهور المغلوب على امره والمتضايق من مستوى الهلال المتدني

ياعبدالرحمن بن مســاعد مثاليتك ودلالك للاعبين هو السبب الرئيسي لما نحن عليه من تخبطات

لو انك حملت اللاعبين مسئولية الخروج من كاس آسيـا لما رأيتهم بهذا المستوى المخجل

أســألك بالله ياطويل العمر من متى وحنا نلعب مع الحزم بالرياض ومانفوز إلا بالدقايق الأخيرة

الوضع سئ جدا جدا جدا مو حنا اللي نبي الصدارة بلا مستوى

لانضحك على انفسنا ونقول النتيجة اهم من المستوى ,,,,,, اي نعم ان النتيجة مهمة بشكل كبير ولكن بهالمستوى الهزيل وش تسوي قدام الأندية الكبيرة والمتمرسة
الله يســتر من النتائج امام الفرق الكبيرة

حسن العتيبي ضمن مركز الحراسة وصار يلعب بنظام العب العب لأن الكورة حقتنا ’’’’’كيف تبي حسن يتطور مستواه وهو عارف اصلا ان مافيه اي منافس له حتى وان جزمنا بوجود الشمري ع الدكة

المرشدي مدري وش اقول عليه ’’’’’صار يذكرني بالصقور لاعب النصر حتى بالمباراى الأخيرة يصلح الكرة العرضية كأنه مهاجم على بابنا

والله ذبحتا الفرج بخانة الظهير وصدقني ان هاللاعب بينتهي لو ظلمناه اكثر من كذا بالخانه

اسامة مستواه غريب وغريب جدا وفي مباراة الفتح ضحكت من القهر على اسامة في تخليصه للكرة من امام مهاجم الفتح وقلت الحمدلله مابنلعب امام نادي عندهم مهاجم سريع وقناص

الغنام وعادات كب العشـاء في المناطق الخلفية إلى متى ياكابتن عبداللطيف إلى متى

اما الوسط فحدث ولا حرج ولكن لاألوم الشلهوب فهو يلعب لوحده مع محترف برازيلي كنا نعده الأمهر ولكنه الان يتعالى على الفريق وعلى الكرة كأنه مجبور على اللعب مع الهلال
نيفيز ماتبينا حتى حنا مانبيك ولو أعرف برازيلي كتبتها لك

ويلي ودي احكي ولكني متأمل خيرا فيه

الجيزاني والجمعان والكعبي جبناهم لعيون جيرتس بغض النظر عن الجيزاني ولكن ياإدارة انتم عارفن ان جيرتس ماشي كيف تسمعون كلامه وهو يبي يروح
هل هذا كلام ,,,,,,,,,,,,,,,؟؟؟

كالديرون تعاقدنا معاه لأجل انه يعرف الدوري السعودي وكني أشوف كالدي اول مرة يجي للسعودية

يعني مدرب جا للسعودية وعارف الاندية تلعب قدام الحزم بالرياض بثلاث محاور خخخخخخخ ارحم عقولنا شوي ياشيخ

الشلهوب اتوقع مركزه المقبل حارس مرمى لأن محمد جرب كل الخانات وآخرتها ظهير وكل هذا مع السيد كالديرون
.... ومع كالديرون مش حتأدر تغمض عينيك ’’’’’’’’’ ياحبيبي

طيب نامي مخليه ع الدكة ليه تبيه يسوي لك سوبيا ..... ياخي اللاعب جاهز نزله يلعب وخلي الكوري يلعب ظهير دام انه يتقن اللعب كظهير ايسر وايمن

عندك ع الدكة حسن خيرات والدوسري كلهم قلوب دفاع تقوم بإحراج الغنام كمدافع ؟؟؟؟

اتوقع الهلال بيصير جمعية خيرية وأتوقع ان عندنا فلوس زيادة لأننا نشري اللاعبين ونخليهم بلا لعب ونعطيهم رواتب نهاية الشهر
وأتمنى ان يتعاقد معي الهلال عشان اريح ع الدكة واستلم راتب,,,,, يعني بالله ياإدارة الهلال عاجبكم الوضع بندر العنزي ويحيى الكعبي يستلمون رواتب وهم مايفيدون الفريق ’’’’’ ماهوب حسد ولكن ليه الخســارة

لو تصعد لاعبين من الشباب هم انفع لك بكثير من اللاعبين اللي جالسين يستلمون رواتب بدون اي اثر لوجودهم

والله العظيم اني لااأتكلم إلا من حرقة وغيرة على الهلال

لابد ان يعود هلالنا مرعبا للخصوم كما كان وإلا الخوف كل الخوف من المباريات المقبلة والقوية

الله يستر عليك يازعيم