|
سمو الأمير..الدعوى مو مكيف خربان الدعوى أكبر وأكبر وأكبر وأكبر عزيزي سمو الامير عبدالرحمن وأخيراً ياسمو الأمير جبت سيرة الفئات السنيه التي نعرف أنها لاتعنيك ولاتعني مجلس ادارتك.. ولكنك في الاخير رئيس نادي الهلال وليس رئيس الفريق الاول.. بعد مباراة الهلال والفتح سُألت من القنوات الفضائيه عن وضع الفئات السنيه الان.. فأخبرتنا بارك الله فيك أن القضية كانت مكيف خربان في المعسكر ولو ان المشرف على فئة الشباب تصرف وأسكن اللاعبين في فندق او شقق مفروشه لانتهت القصة.. فهل سألت نفسك ياسمو الامير كيف يتصرف المشرف ويسكن اللاعبين في فندق ومن اين له المال؟ هل تعلم ياسمو الامير أن المدربين والطاقم التدريبي لم يستلموا رواتبهم منذ اشهر؟؟! هل تعلم ياسمو الامير أن اللاعبين لم يستلموا اي مكافأة ماليه من الادارة المشرفه الا ما تأتي من الاستاذ حسن الناقور في بعض المباريات المهمه وعندها يكافئهم ب300 ريال ثمن الفوز ! سمو الامير المسألة ليست مسألة مكيف خربان المسألة أن الفئات السنيه تلعب بسمعة الهلال ويدفعون ثمن النتائج بذنب لم يقترفوه!! هل تعلم ياسمو الأمير أن الاكل المقدم لهم يحتوي على صرصار واسأل المدافع الذي وجده في صحنه!! هل قمت بجولة الى المطبخ المعد لأكلهم وشفت بكلتا عينيك المطبخ المخصص لهم وشفت من يطبخ لهم ذاك الهندي الذي لو وضعته مشرف على اكل البهائم لما وثقت فيه من قذارته!! هل تعلم ياسمو الامير ان اللاعب اذا انصاب في الفئات السنيه فحده الطب الرياضي وعلاجهم الطبيعي اما من يحتاج الى عملية جراحيه فعليه ان يكون ولد اغنياء حتى يستطيع ان يعمل العملية على حسابه الخاص!! واسأل عن المدافع الذي اتم عمليته على حسابه الخاص وكلما ذهب لمطالبة النادي بالعملية قيل له اصبر بكرى بعد اسبوع والان اتم السنه وحقه خلف الله عليه!! هل تعلم ياسمو الامير ان الاحذيه تجلب على حساب اللاعب والاطقم الرياضيه لها اكثر من سنتين !! هل تعلم ياسمو الامير أن الكادر التدريبي ليس لهم اي بصمه على اللاعبين ولالهم اي تكتيك ولاخطه وسبب اشرافهم انهم اجانب ويتحملون تأخر الرواتب!! هل تعلم ياسمو الامير أن لاعبين سوف يغادرون النادي للنوادي مجاوره والسبب انهم يقدرون موهبتهم!! سمو الامير ماكتب اعلاه انا مسئول امام الله ثم امامكم ووالله الذي لااله الا هو ليس لي مصلحه في تقصي الحقائق الا لمصلحة النادي... نحن لاننتقد الامير بندر بن محمد فلايختلف على انه قدم للهلال الكثير..ولكن ننتقد الواقع والعمل في الفئات السنيه اللاعبين امانه في اعناقكم... اما امساك بمعروف او تسريح بإحسان اسأل الله بمنه وكرمه وجوده أن يصلح حال اخواننا في الفئات السنيه اللهم كن لهم ناصراً ومعينا اللهم اطعم جائعهم واشفي مصابهم |
باذن الله بعد هذه المشكله يلتفتون للفئات السنيه |
الفئات السنية في الهلال في تدهور مستمر |
الله يعطيك العافيه على كلامك اللي نحتاجه في هذا الوقت.. الموضوع الفئات السنيه والاولمبي .. يعني الوضع يخووووووووووووف. اسف يامن توليت امر الهلال سواء رئيس او عضو شرف او عضو ادارة او مدرب او مشرف او لاعب او جمهور اسف اسف من لايستطيع ان يخدم الهلال فلا يحرج نفسه.. يمكن اسلوبي مش ولا بد لكن ..! انا احب الهلال |
راح باذن الله تحل دام شبيه الريح موجود اخوي عندك اداره واعيه ومن اكفء الادارات على مستوى الانديه الاخرى فا ارجوا الا يكبر الموضوع( مثل ماقال سامي الهلال ماده دسمه للاعلام ) ارجوا اغلاق النقاش في الموضوع وندع الامير عبدالرحمن يحل المشكله باسلوبه الخاصه تقبل تحياتي |
ليتني اشوف هالموضوع اول موضوع مثبت بالشبكه وليتني اشوف المكيف الخبران عشان اوريه شغله ,, ماتستحي تخترب وانت مكيف بالهلال عيب عليك يجب عليك يا ذا المكيف ان تقدر العمل الذي يقوم به سمو الامير بندر ,,, واعيباه عليك ,, لاعاد تعودها رحمك الله ياسمو الامير عبدالله بن سعد ,, فانت صانع الهلال الذي جنا ثماره غيرك ولكنهم لم يزرعوا ليجني غيرهم فانت احببت الهلال وهم احبوا الظهور فقط وهتافات الجماهير لهم 4 سنوات ثم يذهب وياتي غيره من عشاق الهتافات تحياتي لك |
حسب ما فهمت من كلام الامير عبدالرحمن ان الفئات السنية مسؤل عنهم الامير بندر بن محمد وكان هذا الشيء متفق عليه وان ادارة الامير عبدالرحمن مسؤلة عن الفريق الاول فقط يعني الامر فيه لبس |
اخوي ارسل مقالك ذا على ايميل النادي عل و عسى احد يلتفت للوضع ويكون تدخل من الادارة خاصة ان ىئيس النادي بيلتقي الامير بندر و من كلامه واضح ان ما عنده خلفية عن اللي صاير |
المفروض ما فيه احد مختص بالفئات السنيه ولافيه احد له اختصاص بالفريق الاول كلها تحت مسوؤليه رئيس النادي وهو من يتحمل كل شي الامير بندر بن محمد ماقصر قدم الكثير بس عندما يتوقف يعتذر من اجل ان يترك سمو الامير عبدالرحمن ان يشوف شغله مع الفئات السنيه لانه ماراح يقدم شي حتى يقول بندر بن محمد مالي دخل بالفئات السنية حسسب معلوماتي الفئات السنية من عشرون شهر ما استلموا مكافئات ثلاث بطولات غير الفوز في كذا مباراة حنا لانتظر بطولات من الفئات السنية بل ننتظر لاعبين يصعدون كل سنه الى الفريق الاول وتصبح الفئات السنية ولاده للفريق الاول تحياااتي |
إن شاء الله الإدارة بتعتني بهالشيء اعتناء كبير بإذن الله وهذا عشمنا فيها |
الهلالاب زعيــم فعــال انا لو بيدي غيرت اسمك من الهلالاب..الى ..الهلاااااااااااااااالي الغيور...وبيض الله وجهك على كل حرف وكل كلمه سطرتها في هذا المقال..... اذا هذا هو وضع الفئات السنيه ....فكيف لنا ان نطالب بالانتاجيه....نص لعيبه الهلال السابقين والحاليين مرو على الفرق السنيه..وان لم تتدارك الاداره الفئات السنيه فانهم سوف يواجهون مصاعب يصعب عليهم تفاديها في حينها... ادعوا الله جل جلااااله ان يوفق رئيس النادي وكل الهلاليييييييييييين...تحياااااتي |
والله حرام اللاعبين صاروا محبطين لاااازم التدخل بسرعه بأسم الهلال وان شاءالله شبيه الريح بعدل الوضع |
يجب الاعتناء فيهم .. فهم مستقبل الهلال .... ودي |
اذا الامير بندر بن محمد مشغووووووووووول عن الفئات السنية يتركها لغيرة ويحفظـــ تاريخه اللي كان مع الهلال سابقاً وفكونا من ترديد تاريخ الرئيس الذهبي لان لك زمان دولة ورجال |
إقتباس:
لا ارجو الا ندع النقاش في هذا الموضوع ولا ندع الامير يحل المشكله باسلوبه الخاص انت كمشجع لك دور الناقد الحريص على مصلحت ناديك وان كنت تضن ان المشكله جات من هذي المباراة فانت غلطان المشكله للي يفهم كوره مشكله متسلسله لان الفريق الالمبي عندك هو نتاج الفئات السنية يعني الشغل خربان من سنين من يوم كانوا هاللاعبين في الناشئين ,, سلام الله على الامير خالد بن عبدالله بن عبدالعزيز هذاك اللي سوا الاكاديمية وجاب اكفأ الخبراء العالميين شوف لعب الاهلي وشوف لعب غيرهم وتعرف تحياتي لك |
ياخي والله خذت ضجه كبيره صراحه مع الاسف اعلام سئ يبحث عن السلبيات للانديه |
رب ضارة نافعه .. وصدقوني الامير عبدالرحمن والامير بندر بن محمد شغلهم الشاغل الرقي بنادينا .. ولكن لي عتب ماكان بودي ان تنشر مواضيع عن تلك المشكله وكان من باب اولى ان تتوجه بما لديك من ملاحظات مقرونة بدلائل لأدارة نادينا وكلي ثقة بأنهم سوف يتصرفون التصرف اللائق حيال تلك النقاط التي ذكرتها .. اكرر واتمنى ان لا نستعرض ما يدور في اروقة نادينا على الملأ هذا ان كان ماذكرته حقيقه .. كما اتمنى ان كان ماذكرته حقيقه ان لا تتأخر في عرض تلك النقاط على المعنيين في النادي دون اللجوء للكتابة في المنتدى . والله المستعان . |
أن شاء الله تنحل مشاكل الفئات السنية |
لا استطيع ان اعلق على ما اقسمت عليه ولكن سوف ترى ما يسرك باذن الله وانا واثق من ذلك |
يجب الاعتناء فيهم .. فهم مستقبل الهلال . |
حسب ما فهمت من كلام الامير عبدالرحمن ان الفئات السنية مسؤل عنهم الامير بندر بن محمد وكان هذا الشيء متفق عليه وان ادارة الامير عبدالرحمن مسؤلة عن الفريق الاول فقط يعني الامر فيه لبس |
والله نقوول ان شاء الله يتعدل الحااال |
ادعوا الله جل جلااااله ان يوفق رئيس النادي وكل الهلاليييييييييييين |
إقتباس:
كلام سليم:alzaeem::alzaeem: |
من كلامك ومن تاريخ تسجيلك في الشبكة يتبين أنك من أبناء الزعيم المخلصين والقريبين من النادي لانك ذكرت تفاصيل دقيقة عن اوضاع اللاعبين ومعسكرهم بس ليه ما ناصحت الامير على ايميله منذ فترة اشكر لك غيرتك وان شاء الله تزين الامور |
الله يسامح بندر بن محمد ما كان هذا العشم فيك . تحياتي |
كل الشكر لكم جميعا على كلامكم الطيب ماقصرتوا |
انا للامانه لاول مره ارى مستوى لاعبين الفئات السنيه و يمثلون الهلال و اكاد ابصم بانهم يفقهون اي شي سوى كرة القدم ولكم في الألمبي مثل فا هل يعقل ان يكون بديل ياسر القحطاني اللاعب عبدالإله ابراهيم او بدل اسامه هوساوي يكون عبدالرحمن السعيد يا اخوان الموضوع مو موضوع مكيف ولا معسكر تعبان الموضوع متى يكون هناك فريق عمل متكامل لا يعرف ( للواسطه ) طريق يوجد لاعبين والله في الحواري افضل من لاعبين الاندية بمليون مره المهم انا لااريد الإطاله و نتمنى ان يكون مستقبل الهلال افضل من هذا . |
إقتباس:
وجهه نظرك احترمها واحطها فوق راسي تقدير لك هل سئالت لماذا طلبت ترك الموضوع الجواب ماكل صغيره او كبيره نبحث ونفتح ملفات قديمه وجديده والسبب اولا عدم التاثير على تركيز الاداره في هذا الوقت من الدوري و هلالنا في الصداره ويزاحم من قبل الغير عليها ( تشتيت الفكر مشكله ) وهو غاية الحساد او المحاربين لناديين خاصه اعلام الغير وانت تعرف من اقصد....... لماذا لا ندع شبيه الريح يحلها بالطرق المناسبه اليست الثقه فيه كبيره مع ادارته ...الان هو يعلم بالمشكله اعطيه فرصه بعدين نطالبه ما المشكله في ذالك وهو طلب ذلك عبر تصريحه صحيح انه لايوجد اهتمام في الفئات السنيه بحجم المطلوب لكن راح يتدارك الامر باسرع مايمكن اما بالنسبه للاهلي لن اتطرق له لانه ليس من شاني و ليس من اهتمامي والدليل كيف مستوى في الدوري وهو مدعوم من الفئات السنيه شكرا لك اخوي رعد الصوت وهذا ان دل دل على حبك لهذا الكيان الشامخ وهو حب كل عاشق للزعيم تقبل وجهه النظر وتقبل تحياتي لك ولجميع الزعماء في ارجاء المعموره اخوك denger |
الله يعين مشكله بسيطه وتعدي على خير ان شاءلله |
الهلال فريق كبير واسم عالمي مرموق واصبح يقارع الفرق الاوربيه من حيث التنظيم والمدربين واللاعبين الكبار لكن ياليت تشوفون فرق اوربا كيف يهتمون بقطاع الشباب والناشئين شف البارشا كيف كل سنه يهتم باللاعبين الصغار واذا مانجحوا مع الفريق الاول باعوهم باثمان رائعه تعود للنادي اما اللي يصير في الهلال يضر بسمعة الهلال وبسمعة الادارة .. اتصل علي زميل لي بالكويت يقول : بالله هذا نادي اسمه نادي القرن والزعيم وماادري ايش يقول شفت صور معسكر درجة الشباب بصراحه يوم شفت الوضع استحيت وصدمت صدمه قويه قويه قويه.. ياليت تتكاتف الايدي وانقاذ مايمكن انقاذه فالاجهزه الفنيه والادارية رائعه جدا لكن ينقص الهلال الاستقرار الرئاسي ودفع الرواتب المتأخره جدا .. |
أخوي راعد الصوت كتبت فأبدعت ولكن للأسف ما أحد يمك يعني شبكة مثل شبكة الزعيم يطلع عليها المهتمين بالشأن الهلال ولى يستطيع المشرفين تثبيت مثل موضوعك فقط لمجرد أنك غير معرف لهم يا أخي سحقاً لهذه الواسطة التي دمرت كل شيء الفئات السنية والفريق الأول والنادي يسير للهاوية بسبب المجاملات والمحسوبيات والواسطه يعني كلام ابن مساعد غريب يمى العيب على بندر بن محمد طيب أنت رئيس النادي ولست رئيس الفريق الأول نبي نفهم وش البوزيشون لطويل العمر طيب ورى ما تحول نقاط موبايلي لدعم الفئات السنية ليش ما تستقطب إستثمارات لدعم الفئات السنية يعني موبايلي شريك فقط لدعم الفريق الأول نبي نفهم |
الحمد لله على كل حال بالتوفيق للزعيم |
واضح ان السالفه مدفونه واصبح الامر لا يطاق فتفجرت بسبب خراب مكيف.. وشي مؤسف اللي يحدث .. استغل بها اعلام الجار والهدف واضح التأثير على مستويات الفريق الاول فنياً وادراياً والتأثير على الجمهور . بإذن الله ستعالج وحسبنا الله ونعم الوكيل . |
مادري وشوله المكيف والدنيا برد ..؟ يعني بتقولي المكيف حاار والله ماتركب ياطويل العمر !! والامير بندر محمد صحيح ماقصر الفترة اللي راحت لكن في الوقت الحالي اهمل ولازم كلاً يعترف بخطاه عموما اعتقد ان الموضوع مقدور عليه وبينحل في اول جلسة بينهم ..؟ |
الحل الوحيد هو وضع حسن الناقور مكآن بندر بن محمد |
كلاااام سليييييييييييييييييييم وحنا الفئات السنية سااحبين عللييهمم مشكوور |
جزاكم الله خير جميعا وفقكم الله الى الخير |
الله يستر على مستقبل الهلال والله انه الفئات السنيه في تدهور مرره خطير !! الله يكتب اللي به الخير للهلال |
| الوقت المعتمد في المنتدى بتوقيت جرينتش +3.
الوقت الان » 10:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd