|
قال ايش قال نبغى مهاجم بس !! تصدرت العناوين سواء كان هنا بالمنتدى او حتى الصحف المحليه ان الهلال يبحث عن مهاجم وبات هالامر جليا وواقعا عندما تحدث فيه شبيه الريح ولكن !! هل الهلال محتاج مهاجم بس ام ينقصه بعض الخانات يجب تدعيمها انا اقولها وبالفم المليان الهلال يحتاج الى قلب دفاع محترف لان للاسف مافيه قلوب دفاع عندنا هنا بالدوري عليهم الكلام الكل شاف المرشدي والابداعات اللي بالراس لدرجة اني شكيت هو يلعب قلب دفاع ام مهاجم للفتح جماهير الهلال ماقصرت مع المرشدي وانا منهم اتحدى اي احد يجيب لي مشاركه جرحت فيها للاعب .. لازم يكون عندنا شعار كجمهور الهلال اننا زي مانوقف مع اللاعب بنفس الوقت اننا مانجامل احد على حساب هلالنا يجب على ادارة الهلال ان تعيد النظر في الانتقالات الشتويه وعدم التركيز فقط على مهاجم لان الكل عارف ان المدافع بغلط واحد يضيعلك بطوله المخططات اللي رسمته في بالي : المخطط الاول : ذهاب ولهامسون ونفيز واحظار مدافع ومهاجم المخطط الثاني : ذهاب نيفز ولي يونق << هذا يكون في حالة احظار عبدالله شهيل .. وجلب مدافع آسيوي ومهاجم متمكن لو تلاحظون الاحتماليين فيهم عامليين مشتركين العامل الاول ذهاب نيفيز لانه بصراحه واضح انه عينه على البرازيل وصار مايبي يلعب ولايبي يبدع عشان الاداره ماتخليه العامل الثاني اللي هو بقاء رادوي << مايحتاج افسر في النهايه انا من النادر اني اكتب مواضيع لكن هالموضوع لازم ينشافله حل وقلت لازم انبه الاعضاء والاداره عليه |
يامال العافيه ياإدارتنا العزيزه عساكم ع القوه |
بالتوفييييق لزعيمنا انشالله ويعطيك العافية على الموضوع |
بصراحه الهلال محتااااااااااااااااااااااااج مهاجم زي الناس مو الاعب يبدع في مباراه وعشره مباريات يختفي مشكورررررررر أخووووووي |
والله حالة الهجوم عندنا صعب جداً .. ياسر ما يقدر يسحب الدفاع كلهم .. |
نبي مهاجم يخلص النتيجة وبالاخص قدام الفرق اللي تتكتل زي مباراتي الحزم والفتح هذا مانبحث عنه عشان نرتاح |
اخوي انا ملاحظ انه المرشدي ابدع يوم نزل هوساوي لانهم متفاهمين مع بعض سنتين وهم يلعبو مع بعض من نزل هوساوي لدفاع صار صلب لكن نقطة الضعف طول المباراة بالهلال هو الفرج لدرجة ان الشلهوب قام يغطي خانته ولاتنسى انه اقل فريق بالدوري ولج عليه الاهداف هو الهلال |
المشكلة لو المرشدي يبي يطق الكورة على مرمى الفتح زي ما طقها على مرمى الهلال ما قدر مدافع بطيء و ((((فاهي))) صراحة كان هوساوي يغطي غلطاته وما لاحظنا يوم اصاب هوساوي طلع على حقيقته الله يرحم هلالنا بس |
ياسر ولاغيرهـ بكل تأكيد لاكن الهلال بحاجة مهاجم بجنب القناص الكبير .. قائد الكتيبه الزرقاء ’’ |
لا تستعجل في كتابة المواضيع هذا نيفيز سجل هدف من لاشيء يعني سجل هدف غير متوقع من خارج منطقة الثمان طعش 5 اهداف هذا الموسم من 9 مباريات ياليت ما يروح لانه فعلاُ نجم ولو مو نجم كان ما تزاحمة عليه الاندية البرازيلية والمنتخب والفرق الاوربية اما المرشدي مبدع لكن فعلاً اخطئ قدام الفتح وان شاء الله يصحح خطاه والهلال محتاج مهاجم يساند القناص وليس مدافع تحيآتي لك |
اول شي مبرووووك الفوز اللي ما بغا يجي هههه ثاني شي اتمنى ذهاب نيفيز وجلب مهاجم اجنبي هداف وجلب اللاعب عبدالله شهيل وقلب دفاع فقط 3 لاعبين هداف وظهير وقلب دفاع هذي اهم الخانات اللي يحتاجها الهلال |
انا من رائيي ان الهلال يبقي على الاجاانب الى نهاايه الموووسم<<<<ودكم تلخوون صح ويلي في آخر مبارااتين لعب كويس ونيفيز ماعليه كلام ولي يونغ اللي يطالب رحيله شخص مايفهم حتى وان جاء شهيل ترا ماعندنا ظهير ايسر(خصوصا الزوري مصاب) رادوي اللي بيطالب برحيله بفقع وجهه<<<يعني اني هذآ رائيي وووبس مشكوور خيوووو تحــــــــيـــــآآآآآآآتي.... |
مشكور ع الموضوع اناشوف الهلال مايحتاج قلب دفاع لانه في الوقت الحالي اصابات كثيره في خط الدفاع يكفيك الموسم الي راح الهلال افضل دفاع والي قبله ع مااعتقد هذي وجهة نضري تحياتي |
أختلف معك صرآحه الهلال يحتاج إلى مهاجم يعرف طريق المرمى صح وصانع لعب مميز هذا اللي يحتاج الهلال والأدارة إن شاء الله ما تقصر في إحضار الأجانب |
إقتباس:
يالغالي المشكله موب في التفاهم لان الاخطاء اللي غلطها المرشدي في الشوط الاول مالها دخل بالتفاهم الفرج انا من وجهة نظري انه بدع اليوم ولاتنسون انه يلعب بغير مكانه .. البلا من اللي يلعب في مكانه وجايب العيد |
| الوقت المعتمد في المنتدى بتوقيت جرينتش +3.
الوقت الان » 10:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd