|
كان سيترك فناربخشة ويعود للبرازيل ... لكن العرض (المغري) من الهلال جعله يفكر في الأمر!!| فهل سيلعب لأجل الشعار أم المآل ؟! . . . . . بسم الله الرحمن الرحيم السلام عليكم ورحمة الله وبركاته صباح \ مساء الخير ..!! \ / \ / \ كلنآ نسمع ونقرأ مايتداول هذه الأيام من مفاوضآت بين اليكس دي سوزا ونادي الهلآل السعودي .. (سواء كان هنالك نفي او إثبات للمفاوضات من قبل الإدارة) , لايهم ..!! المهم أن نطرح وجهة نظرنآ من خلآل جزئيات بسيطة قرءنآهآ أو سمعنآهآ , قد تعطي انطبآعاً غير جيد عن هذآ اللاعب , وقد نتنبأ من خلآلهآ عن امكآنية فشل تجربتـه مع الزعيـم .\\ \ / \ / مآ أقصـده هو مآيتم تدآوله في كآفة الأخبآر التي تتحدث عن خبر تعاقد الزعيم مع اللآعب , حيث دائما ماتتكرر جزئية : (على الرغم من أن اللاعب اراد التخلي عن الفريق التركي للعودة واختتام مسيرته في الدوري البرازيلي , لكن العرض الهلآلي "المغري" , جعله يفكر في إمكانية تأجيل قرار العودة وتحويل وجهته إلى الشرق الأوسط ) \\! \ / \ / \ بصـرآحه لآعب مثل هذآ وآضح جدآ أنه يبحث عن (تحويشة العمر) أو (الصفقة الأخيرة) , قبل الإعتزال , ولن يجد أرضا (أخصب) من الخليج كي يلهف كم مليون ويعود أدراجه ..!! مثل هؤلاء النوعية من اللاعبين بغض النظر عن الجانب المآدي , فهم حينمآ يتنقلون في ملآعب آوروبآ وآمريكآ طوآل 10 سنوآت أو أكثر , بالعقل (ماهو الإنجاز الذي يبحث عنه وهو على اعتاب الـ34 من العمر حينما يأتي الى ملآعب ودوريآت أقل شهرة من تلك التي كان يلعب بهآ طوآل مسيرته) .!! \ / \ / \ أعود لأقول : (لايهمني نفي أو اثبآت المفآوضآت , كل مايهمني هو التحذير مما قد يسمى "فشل" في حآل إتمام التعاقد مع هذآ اللاعب قبل أن "يطيح الفأس في الرأس" ) ..!! | \ / | آرآئكم تهمني .!:ba:! تحيآتي لكم :rose: |
والله ياخوي رأيي من رأيك اتمنى ان يكون خبر اهتمام الهلال بالتعاقد مع هذا الشايب غير صحيح لأنه لو كان صحيح ... راح يكون اكبر غلط ترتكبه ادارة النادي ... |
فلوس عبدالرحمن بن مساعد كثيره مايدري وين يوديها يا أخي أنت فريق سعودي جب أجانب على قدك المميزين ما يجون الا لجمع الاموال فقط بدل هدر الملايين المفروض يبني ويجدد معسكر الفئات السنيه ويبني لهم ملعب |
ماعليك الاداره الهلاليه تعرف كل شئ عن هذا الاعب وبصراحه ان كان قصده المال فهذا شئ يقهر وانا ارى انه كبير في السن ولن ينفع الهلالين اتمنى التعاقد مع غيره والسلاام عليكم |
والله ياخوي رأيي من رأيك اتمنى ان يكون خبر اهتمام الهلال بالتعاقد مع هذا الشايب غير صحيح لأنه لو كان صحيح ... راح يكون اكبر غلط ترتكبه ادارة النادي انا مع الاخ هلالي وافتخر في رااااايه |
اهم شي يجي ويعطينا من خبرة السنين ويجيب لنا بطولة اسيا اكيد ان الاعب جاي عشان الفلوس اجل لسواد عيونك |
يا الـ غالي تتوقع لاعب برازيلي من احد قاده البرازيل سابقا يجي يلعب للشعار ؟ يعني هل هو يعرف الهلال مثلا ؟ اكيد اي لاعب اي لاعب بيجي يلعب عشان الفلوس وهذا الشي مو عيب دام انه يبدع وترا ياسر جاء من اجل الفلوس وويلي وغيرهم كثار كثار جاؤوا من اجل الفلوس لانه الشيء الرئيسي والاهم من جهه لاعب كره القدم وخاصه الاجنبي منهم وهذا حق مشروع لهم فبالعقل لاعب مبدع يجي للدوري السعودي الفاشل بكل قوه من جميع النواحي ليه !! حبا في جونا ولا من الترفيه اللي عندنا ؟ اكييد عشاااااااان الفلوس ( اتمنى وصلت وجهه نظري ) استغرب بقوه مثل هذا الموضووع ! |
مانبغاه مانبغاه لو بريال !! ياناس اليكس ( مهاجم ثاااااااااااااااااااااااني ) وحنا نبي مهاجم صندوق لمتى وحنا نقول نبي مهاجم هداف ؟؟ لو يجي اليكس يصير مثله مثل ويلي وسيول ورودريجو وليلو وبرونو وبقية الطقه نبي مهاجم صندوق ياعالم : ( |
اكيد ان الماده هدف اللاعب .. اجل ليش بيجي للهلال ( هذا ان صحت اخبار التفاوض معه لانها للان مجرد اشاعات بنظري ) عموما .. اعتقد ان الاداره ماعندها هواية صرف الفلوس على الفاضي والمليان خصوصا في ظل الازمات الماديه والتي تعاني منها اغلب الانديه.. اتمنى للهلال التوفيق وللاداره ايضا النجاح في عملية استقطاب الافضل |
:: هــذا اللي افكر فيه من اليوم الاعب جاي علشان الفلوس فقط فقط فقط يا ادرة الهلال نبي لاعب مثل رادوي يلعب للشعار اولآ ثم المادهـ وغير كذا عمرهـ كبير وليس مهاجم صريـح يعني مثلة مثل نيفيز ونيفيز اصغر بالعمر ولاعب كبير الله يكتب اللي فيه الخير للزعيم :rose: |
إقتباس:
إقتباس:
فرق أن تأتي بلاعب عمره بالكثير 28 وبمبلغ عليه الكلآم ... ولاعب كان مفكر في انهاء مسيرته في بلده وهو بعمر الـ33 وتأتي انت لتعرض عليه كم مليون , فيتراجع عن قرار العودة لبلاده تمهيدآ (لإعتزاله) من أجل الفلوس ..!! عرفت الفرق ياغآلي .!! |
منطق غريب ! يعني اللي خلى نيفيز ورادوي وويلي يتركون اوربا ونيفيز يترك البرازيل عشقم للهلال ؟؟؟؟؟ |
بصـرآحه لآعب مثل هذآ وآضح جدآ أنه يبحث عن (تحويشة العمر) أو (الصفقة الأخيرة) , قبل الإعتزال , ولن يجد أرضا (أخصب) من الخليج كي يلهف كم مليون ويعود أدراجه ..!! اتمنى عدم جلبه؟؟؟؟؟ |
إقتباس:
أول شيء كل ردك هذا يتكلم عن ماضي .. ليس قبل يوم او يومين .. بل قبل كم سنه خصوصا فيما يتعلق بـ (قادة البرازيل) ..!! ثانيا : تعاقدنا مع ياسر وهو لاعب محلي (يعني مافيه خسارة) , غير ذلك انه عاشق للهلال , واهم شيء انه لما دفعنا فيه كان عمرة لايتجاوز الـ 24 سنة .!! اما بخصوص ويلي , فهو أيضآ حينما تعاقدنا معه كان عمره 29 سنة , وكانت لدية امكانيات مفقودة في الهلآل مثل : إجادة اللعب على الأطراف والسرعة ..!! اما بخصوص اللاعب البرازيلي : مركزه يجيد اللعب فيه أكثر من لاعب هلآلي وأولهم يآسر ,أيضا هو لاعب كان يفكرفي انهاء مسيرته في بلده وهو بعمر الـ33 وتأتي انت لتعرض عليه كم مليون , فيتراجع عن قرار العودة لبلاده تمهيدآ (لإعتزاله) من أجل الفلوس ..!! عرفت الفرق ياغآلي .!! |
إقتباس:
ويلي ورادوي ونيفيز حينما تم جلبهم كانوا في عمر منآسب , في قمة النضج الكروي (24,27,29) سنه على التوالي ..!! وليسوا بعمر الـ33 , وكانوا يبحثون عن ختام مسيرة في بلد يقدم لهم كم مليون ..!! والدليل العروض اللي تنهال عليهم آلى الآن من فرق اوروبية رغم تواجدهم بالهلآل .!! على العكس تماما منهم لي يونج , لاعروض ولا آدآء مقنع في آخر المبآريآت بسبب كبر السن .!! |
| الوقت المعتمد في المنتدى بتوقيت جرينتش +3.
الوقت الان » 10:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd