|
ترى مهوب عيب الواحد ( يلطش ) موضوع يعتقد بأنه سيفيد الأعضاء عنوان موضوعي هو مقدمه لـ ( سرقة موضوع ) وطرحه بين أياديكم المباركه :yes: وإحتياطاً وعلشان مااحد يشغلني بكلمة ( للصيد يابو .. ) أو ( مكانه الصيد ) او ( موضوع حلو بس للصيد ) او ( لصيد الأنترنت لاهنت ) ومن هالكلام .. حبيت اختصر عليكم ,,, يمكن يكون مكرر .. او ملطوووش .. او منقول .. لكن صدقوني الفكره من راسي .. حبيت أنقل لكم بيت قصة مشهورة ,,, نحفظ الشطر الأول من البيت ولانعرف الباقي ... :yes: علماً إني سألت كم واحد إذا يعرف تكملة البيت او معرفة القصة .. وللأسف ماحد عرفها من اللى سألتهم .. البيت من القصيده يقول : لاصرت بالصمان والقيظ حاديك ... أيا حسين الدل وأيـا المطيـة هذا بيت قاله شايب لولده ... وهو كان إختيار مابين المراءه الحسناء او المطيه ( الناقه ) لكن الإختيار كان مابينهن وهو بالصمان مع شدة الحر والعطش .. والقصة كما يلى : علماً إن الفكره موجوده بس لقيت واجد ناس كاتبين القصه عاد سويت ( نسخ ) ولصق .. وشولة التعب :razz: كان فيه رجل طاعن في السن .. وله ابن واحد .. وكانت الأم ترغب في تزوجيه من إحدى قريباتها .. ولكن الابن له نظرة أخرى .. وفي يوم من الأيام وقعت عينه على بنت من بنات الحي .. وقد تعلق قلبه بها .. وذهب إلى أهلها ليطلبها منهم .. ولكنهم طلبوا مهرها ناقة أبيه .. فرجع الولد إلى أبيه وقال : وقال إن كنت ترغب في تزويجي فأنا أريد ابنة فلان وقد طلبوا مني مهراً لها ناقتك .. وكانت هذه الناقة هي مصدر رزقهم حيث يجلبون عليها الماء والحطب ويرحلون عليها ويشربون حليبها فرفض الأب ولكن الولد أصر عليها.......ففكر الأب في حيله يصرف الولد عن هذه البنت .. وقال الأب : غداً سوف نذهب للصيد في الصحراء .. ومن ثم نفكر في الأمر وفي الصباح الباكر .. ذهبوا إلى الصمّان ووصلوا منتصف النهار .. وكان الحر شديد .. والصحراء قاحلة .. ولا يوجد أي حياة في الصحراء .. أراحوا الناقة .. وأمر الأب ولده أن يذهب إلى الجهة الشمالية .. وهو سيتجه إلى الجهة الجنوبية .. ومن رأى منهم صيداً .. ينادي الأخر ذهب الولد وأختفى عن أنظار أبيه .. رجع الأب إلى الناقة .. وفك قيدها وأطلقها .. وهو يعرف أنها ستذهب إلى البيت .. وكانت محملة بالزاد والماء وصار الاثنان بدون أي مؤونة .. وأخذ يتخبطان في الصحراء .. ويبحثان عن من ينقذهم .. ولم يجدوا أحداً و أثناء ذلك كان الوالد يردد هذا البيت لاصرت بالصمان والقيظ حاديك ... أيا حسين الدل وأيـا المطيـة ليثبت أهمية الناقه ولا بديل لها وبعد أن اظلم عليهم الليل .. شاهدوا نوراً من بعيد .. فذهبا إليه .. واستنجدا به .. فأكرمهم .. وقدم لهم الماء والزاد و الراحة .. وفي صباح اليوم التالي .. جهز لهم ناقة .. ورحلوا إلى ديارهم .. ومازال الوالد يردد البيت السابق وفي هذا الوقت(تنبه الإبن لهذا)و رد عليه الولد بكل أدب بهذه الأبيات الله كريم ولا ..ومر بالتهاليـك ...... ولا... ومر بفراق صافي الثنيـه لا صرت بيام الرخاء عند أهاليك ......حبة حسين الدل تسـوا المطيـه وهو صادق :yes: يعني يقول لأبوه لاصرنا بعز الحر وضايعين وميتين عطش لاتخيرني بين المره الزينه والناقه .. أكيد بختار الناقه لأني بختار الحياة خصوصاً وهو يشوف الموت .. لكن لاصار بين أهله وشبعان أكيد حبه من المره اللى يحبها تسوي ألف ناقه .. شي طبيعي :yes: الحب عذااب :d نعود للقصه علشان نختمها .. ولما سمع الوالد من الولد هذه الأبيات حنّ عليه وأعطاه طلبه .. وزوجه البنت الله ياجره :ba1: أخوكم الصغير ابو طلال :rose: القصه القادمه ( أصفر مع أصفر .. ليت محسن يشوفه ) لمحسن الهزاني :ba1: |
السسسلام عليكم ورحمة الله وبركاته للصيد :s4s: .. شششوكرا لكـ ع النقل :rose: .. واضافة بعض النقاط :rose::rose: <== عدلت الرد لاني لما قريته مره ثانيه مالقيتكـ اضفت ولا نقطه :s5s::s2::s2: وبانتظار موضوعكـ القادم :s3s::s3s: .. اختكم .. ميمي |
|
الله يعطيك العافيه أبو طـلال وعساك ع القــوة |
. سسلآمو عليكم .. [ للصيد يبو :D ] يعطيك الف عافيه بسس سيناريو القصه ما اعحبني كنت اتوقع يكون فيها دراما s121s .. لكن يالله اهم شيء انه اخذ المزيونه بالاخير :s2: . بـ انتظآر الموضوع القآدم :s5s::smilie47: * :rose: |
قديييييييييييييييييييييييييييييييييييييييييييييم:d:d يعني مصلح ذكي كاتب مقدمة عصماء لأجل يبقى الموضوع بالمجلس العام:d:d ياخي تحزني:cry: ودك تصير كاتب مثلنا و ما تعرف:cry: واذا استبسلت و اجتهدت سرقة موضوع و غيرت كم جملة :cry: وين الاعضاء (الي ) ما يتركون موضوع منقول الا و يدخلون ويكتبون للصيد ..!!! وينهم عن هذا الموضوع ؟؟؟ ولا ردودهم بس على الجدد!!!:naughty: يعني معناها انهم غير صادقين في ردودهم ويفرقون بين ناس و ناس:yes: للصيد و ياخي ياليت تحترم قوانين المجلس العام و تنقل مواضيعك بنفسك ...:to: |
^^ مرسال كفو عليك به ض1 ض1 .. انا عن نفسي سويت تبليغ ض1 .. اختكم .. ميمي |
السلام عليكم يآهلا وغلا أبو طلال .!! حيآك وبيآك .!! لكن يآ أخي هذآ وأنت الكبير العآقل الفآهم .!؟ مآيخفى عليك أنه الموضوع منقول .!؟ ليش تنتظر .!؟ أحد ينقله لك .!؟ يعني أضفت كم كلمة .!؟ مآعليش لكن القآنون على الجميع .!! للصيد يالحبيب .!! وآسفين على الأزعآج .!! |
^^ وش فيكم ع الرجال .. والحق يقال اول مره اسمع هـ القصه واعجبتني حيـل .. رد الولد جمييل جدن بس كسر خاطري الابو يعني يتخلى عن ناقته عشآن وليده .. يرحم الحال تخلوا عن كل شي عشآن عيآلهم عسآهم يبرون فيهم اذا كبروا .. شكرا ابو طلال قصه من ناحيتي مؤثره وجميله رغم قصرهآ :yes::rose: .. |
أهلآ وسهلآ بآأخي الصغير ,, مآرآح أقولك للصيد ,, لأجتهآدك وزيآدتك علية ,,^_* نرجع للمحتوى الموضوع ,, بصرآحة الولد ذكي ,, أختآر النآقة ليعيش وفي النهآية ظفر بالثنتين ,,(الناقة _المرأة ) شكرا لك ,, دمت بحفظ الرحمن ,, |
الله يخليك يابو طلال صراحه اول مره تمر علي هالقصه مع اني ولد اكثر واحد يروي سوالف قديمه :s5s: اسمع بالبيت دائماً .. لكن ماعرف وش سالفته .. وجزاء الوالدين للجنه محد يلحق جزاهم ، وياكبر رحمتهم والا اجل يترك مكسب رزقه ويعطيه ولده هالخروف :s2: هذا اللي بقى الف شكر ع الموضوع :smilie47: بعدين شكثر فيه ناااس حاقدين عليك ليه مدري؟ :s2: استغفر الله اول مره اشوف واحد يحدث الناس بالطيبة والدين ومدري ايش ويجي يتلكك :to: ولا جايبين طبلونهم :s2: ياحليلكم تضحكون :laugh: روح يبو طلال والئلب داعيلك يابعدهم :smilie47: انشهد انك افدتنا بهالنقله المتميزه اللي زدتها حلا بتعليقاتك ومقدمتك :smilie47: |
لاصرت بالصمان والقيظ حاديك ... أيا حسين الدل وأيـا المطيـة \\ دايم اسمع بهالبيت بس ما أدري وش قصته \\ قصة حلوة و ياحليل الابو ما بخل فيها على وليده :yes: و ياليتك تخلي كل اسبوع قصة :d شكرا ابو طلال :rose: |
أعتقد أن هالموضوع فرصة رائعة للمشرفين للرد على كل من يدعي أن إشراف الشبكة و المجلس بالأخص يمشي بالواسطات s121s:naughty: عاد إذا بقى الموضوع هذي والله المصيبة :s5s: |
عيب عليكم هذا وأنتم الكبار >< تتهاوشون >< بارك الله فيك ياميمي بلغي عنهم كلهم ض1 |
ابو طلال يابعد راسي لايهمونك ! مايصدقون يشوفون يوزرك وينطون كـ أنـهم ...... :D الله يعطيك العافية يابعدي |
| الوقت المعتمد في المنتدى بتوقيت جرينتش +3.
الوقت الان » 01:12 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd