السلام عليكم ورحمة الله وبركاته
يا جمهور الزعيم
جيتك بكلمه كنها صعقة الويل ** ان قلت تكفا لاتهـاون بتكفـا
تكفا تراها كلمةً تقطم الحيـل ** لابالله الا تنسف الحيـل نسفـا
تكفا ترا تكفا لها هدرة السيـل ** في صدر حراً ينتف الطيب نتفـا
تكفا ترا تكفا لها تسرج الخيـل ** ان كان لك في مجمع الخيل عسفا
تكفا تراني من قروماً مشاكيـل ** حماية الساقه بسيـفاً وشلفـا
تكفا وتكفا ماتسـاق لمهابيـل ** تكفا تخلّي القرم لاشٍ وهطفـا
تكفا ترى تكفا تهزّ الرجاجيـل ** لولا ظروف الوقت ماقلت تكفا
تكفى يا جمهور الزعيم في الرياض تملأون الملعب عن بكرة ابيه
مباراة الفتح هي مباراة الدوري واللحفاظ على اللقب نبيها هالمرة عندنا للمرة الثانيه على التوالي مانبي احد ياخذه منا
لا تنسون خروجنا من الآسيوية وتغيير المدرب والأصابات والأخطاء التحكيمية ضدنا والكثيرين الذين احتفلو بخروج الزعيم وهروب مدربنا ( الداهية جيريتس ) واستقالة رئيسنا كل هذه الظروف جعلت الكثيرين يتفائلون بتدهور الزعيم وانه سيتلقى العديد من الخسائر وانه لن تقوم له قائمة ومررنا نحن المساكين بأيام وليالي الله لا يعيدها
أحسن مافي الخروج من الأسيوية ان الظغوط خفت عن الزعيم واحس انه احنا قاعدين نلعب ونستمتع بدون ظغوط اعلامية والسبب ان الأخوة الأعداء نزلو مافي صدورهم وكذلك هم مشغولين بحال فرقهم التي لا تسرهم يستاهلون ماجاهم عشان ثاني مرة يتركونا في حالنا .
تكفون يا رياجيل نبغي نرد عليهم بلقب الدوري تكفون لا تتركون الزعيم يسير وحده
يا ليتني من سكان الرياض ياليت ظروفي تسمح كان اكون اول الحاظرين
وفي نفس الوقت خايف احظر المباراة وينهزم الهلال 
مثل مباراة ذوب اهان الله لا يعيدها ليلة متشائم جدا بعد الي صار لي في تلك المباراة تحياتي
يا ليتني من سكان الرياض ... يا جمهور الزعيم ( جيتك بكلمه كنها صعقة الويل ** ان قلت تكفا لاتهـاون بتكفـا ) مباراة الفتح هي مياراة الحفاظ على اللقب 
الوضع المتطور
