مثاليتك يا عبد الرحمن بن مساعد قتلتنا .. قتلتنا .. قتلتنا ..!!
السلام عليكم ورحمة الله وبركاته ..
في البداية أبارك لكم الانتصار الصعب على الحزم .. ولا جديد تخبطات كالديرون مستمرة !!
المهم .. ما أحد يشك في نجاح الأمير عبد الرحمن بن مساعد مع الهلال .. وما فيه أحد ينكر جهوده ..
لكن مع الأسف الأمير عبد الرحمن بن مساعد .. مثااالي بشكل زايد .. إنسان صريح وواضح بوسط غامض ..
أكبر مشاكلنا في السنوات الأخيرة هي الظهير .. والآن سنحت لنا الفرصة لاقتناص ظهير مميز ( الشهيل ) ..
واليوم تطالعنا الصحف إن الإدارة الهلالية ما راح تفاوض اللاعب .. راح تفاوض الشباب ..!!!!!
يعني إذا سمح لنا البلطان أخذناه .. وإذا رفض طلعنا منها !! .. لا والمصيبة هي أنهم يتمنون الشباب يجدد له ..
يا أخي عيـــب والله عيب .. يا أبو فيصل أنت في الهلال .. والمصالح لا نريدها أن تكون على حساب الهلال ..
واضح جداً إن الشهيل يبي صفقة قوية يستفيد منها - وهذا حقه - .. وواضح أيضاً إنه يبي نادي غير الشباب ..!!
وواضح جداً إنه يبي نادي جماهيري وإعلامي ليستفيد من ناحية الشهرة .. وتكبر جماهيريته ..
وواضح جداً إن يبي الهلال .. وهذا ما أكده أحد الأعضاء .. قولوا بربكم وش راح يصير له بعد كلام الهلاليين ..!
إحباااااااااااااااااااااط والله إحبااااااااااااااااااااااط .. اللاعب طبيعي راح يجيه إحباط من هذا .. والله قهر ..!!
يعني راح يقبل عرض النصر بسهولة كبيييييرة .. أو الإتحاد .. أو يجدد للشباب على أقل تقدييييير ..!!
على فكرة هذي مو أول مرة نتضرر من تصاريح أبو فيصل المثالية !!!! .. أعطيكم بعض الأمثلة ..
مرة صرح أبو فيصل وقال إن جماهيرية الهلال هي الأكبر لكن جماهير النصر تدعم فريقها طوال الموسم !!
ليش يا أبو فيصل ؟! .. أنت مو عارف إن جماهير الهلال هي الأكثر حضوراً في جميع مبارايات الموسم ؟!..
مو عارف إن جماهير الهلال تتفوق على جماهير النصر والإتحاد في كل ملاعب المملكة دائماً والإحصائيات المعلنة خير شاهد ..
وعبد الرحمن القحطاني رفض النصر مرات كثيرة طمعاً في الهلال .. إلى درجة إنه قفل جواله - على حسب كلام النصراويين - ..!!
قفل جواله في وجه المفاوض النصراوي طمعاً في الهلال .. ورفضهم أكثر من موسم .. لتكافئه إدارة الهلال بماذا ؟!!!!!
أنا أقولكم ! .. صرحت التصريح الغريب اللي أجبر القحطاني وسهل عملية انتقاله للنصر ..!!!
أبو فيصل صرح وقال القحطاني والشهري ما نبيهم وما نحتاجهم .. عندنا الدوسري وعندنا العابد ..
مع أن الجميع يعلم بمفاوضات النصر للقحطاني >>> يعني مثل قولة اقبل عرض النصر .. احنا ما نبيك ..!!!
خير يا أبو فيصل ؟! .. صحيح إنها مثالية ومن فائدة اللاعب .. لكن أضرت الكيااااااان ..!!
لا والطامة يقول ما نبي الشهري .. طيب الشهري مع الإتفاق والمستقبل قدامه أنت عارف ممكن تحتاجه بعدين ..!!
يعني تتخلى عنه قبل ما تعرفه .. هو لاعب موهوب .. وممكن يبرز بشكل لافت بعد كم موسم !!!!
واللحين ما يبي يفاوض الشهيل عشان ما يخسر البلطان ..!! يا أخي نخسر البلطان ونكسب الشهيل ..
موقف الشهيل محرج جداً اللحين مع إدارته .. وأخاف بـ التصريح هذا نسلمه للنصر مجبـــــر ..!!!
يا أبو فيصل البلطان ع العين والراس لكن ما راح يعطيك أحد أهم لاعبيه لو نطير .. ما راح يجي إلا بالقوة ..
يا شهـــــــــــــــــيل إذا أنت شارينا احنا شارينك ..
الأمل بالله ثم بالجماهير والإعلام الهلالي الغيور للضغط على الأمير عبد الرحمن بن مساعد ليغير سياسته التي ستضر بالهلال كثيراً ..
أتمنى إن أبو فيصل يغير هالسياسة .. مع الشكر له على كل ما قدم لزعيمنا .. ومهما فعل فلن يضيره .. لكن نريده دائماً مميز ..
شكراً لكم ..
الوضع الشجري
