نادي الهلال السعودي - شبكة الزعيم - الموقع الرسمي - رد على قصيدة الغرب يصنع طائرات وصواريخ!!!!!!!

الجميع سمع قصيدة الشاعر حمود البغيلي التي تقول:

[poet font="Simplified Arabic,5,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
الغرب يصنع طائرات وصواريخ =والشرق الاوسط ضاع نفطه بلاشي

حطـوا لهـم فـي صفحـة العلـم تاريـخ = وحنـا بماضيـنـا نعـيـد النقاشي

من عقـب ماكنـا جبـال شواميـخ = صرنـا تحـت حكـم الاجانـب ولاشـي

شــي يــدوخ الــراس تـدويـخ= وشـلـون عـقـب الـحـر حــام الـفـراشـي

اقولها والقلب اقوى من الصيخ = متى نشوف الحق فـي الارض ماشـي

لانـي ولـد تاجـر ولانـي ولـد شيـخ = انــا فقـيـر وراس مـالـي معـاشـي
[/poet]

وقد ردّ الشاعر ( باقي المفلح ) على هذه القصيده بقـــــوله:

[poet font="Simplified Arabic,5,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
يابن البغيلي للعـــــــرب بعد تـــاريخ= من قمه لقمه كلام وتمــــــــــاشي

شف هالجرايد كلها صورة الشــــيخ= والشيـخ مايسوى خسارة فلاشــي

واعلام شاطر في عروض المفاصيخ=والحر يكفــخ بين مرشي وراشـي

والا شباب من العوايد مســــــــــاليخ = والا بنات للــــــــنصارى تماشــي

للي يقول الحق ياحمود تكفيــــــــــخ= وللي يقول الزور عز ومعاشــــــي

ارهابي اللي ينصر الدين ياشيــــــخ=والا اليهودي ياخذ ارض وكاشـــي

خلك بشعر المدح مدح الشواميـــــخ = اللي معاركهم بكاس وفراشـــــــي

حناالعرب مابين كوره وبطيــــــــــخ= في كل ملعب تلتقينا نفاشــــــــــــــي

بننتصر ياحمود بالطاخ والطيــــــخ= كم الف مطرب سوقهم بانتعاشــــــــي

بافلامنا بنوصل الصوت للمريــــخ= وببشوتنا بنصد قصف الاباتشــــــــي

بالرقص نقدر نكتب احلى تواريــخ=مادام صرنا بين خاين وواشــــــــــــي

واموالنا ترجع علينا صواريــــــخ= وجروحنا تنزف ولا فيه شاشــــــــــي

هيا تعال نوجه لبوش توبيـــــــــخ = ليه العرب يابوش عندك مواشـــــــي

ونحذرك يابوش يكفيك تلطيـــــــخ= لاتحسب ان الدم ضاع ببلاشـــــــــــي

ناس تسمع صوتها للمصاميــــخ=ناس تموت اعراضها ماتناشــــــــــــي

يابوش صبرك لين تلقى المطانيخ= اللي يردون الذيابه كباشــــــــــــــــي

اهل الفعل يسقونك الرد زرنيخ = اللي مع الله لازمين المماشــــــــــــــي
[/poet]

تحياتي
بروق نجد