|
علمني [ الـتـاكـسـي ] .. . السلام عليكم ورحمة الله وبركاته .. أسعد الله مساءكم يا رواد المجلس :smilie47: .. ممكن الموضوع ما يعجب أكثركم ويعتبر أن هالتجربة بالأمور اللي تعلمتها أمور تافهه ولكم الحرية في الحكم لكن بالنسبة لي استفدت كثير وتعلمت كثير خلال عمل 5 شهور فقط .. الموضوع عن أمور تعلمتها من شغلي على [ التاكسي :smilie47: ] يركب معك في اليوم 10 تقريباً لكل شخص قناعة وتفكير واهتمام مختلف عن الآخر .. ومن خلال الدردشه مع الزبون تتضح هذه النقاط وتتعرف على ثقافة المجتمع السعودي .. طبعاً خبرتي في التاكسي ما تجاوزت سنة ولكن تعلمت أمور ما تعلمتها في 25 سنة .. سأطرح ما تعلمته على شكل نقاط وكل نقطة سيكون هناك شرح أو مثل لموقف حصل .. بس أحب اقول شغله الناس تحب تسولف معك لما تشوفك شاب ومن أهل الديرهـ يحبون يسألون خصوصا سؤال اعتبرهـ اكثر سؤال سمعته : ليش ما تتوظف ؟!! الكل مستغرب شاب سعودي في هالعمر ويشتغل في تاكسي !!! ما ابي اشطح بس هذا السؤال يكون بداية السواليف مع الزبوون .. * علمني التاكسي أن المرأة السعودية لا تخشى أن تركب مع سواق سعودي ولكن تخشى أن تركب مع شخص لابس زي سعودي .. في أول اسبوعين من شغلي كنت اشتغل بالثوب وكانوا النساء يتحاشوني عند الأسواق ولا يركبون معي ولا حتى تسأل سؤال بكم حق المشوار يعني وقتها كانو اللي يركبون الرجال .. لكن لما تغير الثوب وصار مكانه الجنز :D صاروا العوائل عادي تجي تقول ابي المكان الفلاني وأكلمها وتعرف أني سعودي وتركب ولا عندها مشكلة نهائياً وبعضهم اذا وصلت بيتهم قالت توصل مشاوير خاصة عطني جوالك !! .. استغربت هالنقطة ليش الخوف من الثوب وليش تركب معي وانا لابس بدله وتدري اني سعودي وعادي .. لين ركب معي وحدهـ تحب الفلسفه مثلي :D وسألتني عن المشاكل اللي أواجها في الليموزين وقلت لها على طول سالفة الثوب والبدلة وقالت لي رأي غريب هي طبعا ما تجزم فيه لكن تتوقعه .. قالت أن الحرمة لما تجي تنزلها عند بيتها ممكن يكون اخوها عند الباب ولا ولد جيرانهم ولا تبيهم يعرفون أن اللي وصلها سعودي سواء اخوها او ابوها أو جيرانهم في الشارع لان الحرمة تثق في السعودي بس ما تثق في كلام الناس قلت طيب اخوها من ضمن الناس قالت لا بس اخوها بيقول لها لا عاد تركبين مع سعودي :D طبعاً هي تقصد بكلام الناس السمعة السيئة عن سواق التاكسي السعودي ولا حول ولا قوة إلا بالله .. * علمني التاكسي أن السواق السعودي [ رجال ] وأن السائق الأجنبي [ مهوب رجال :razz: ] وطبعاً هذا في نظرة حريمنا الله يرفع عنهم :D عشان أوضح مقصدي أكثر بعطيكم قصتين قصيرة صارت لي .. في شارع الإنارة فيه خفيفة حرمتين على الرصيف وقفت عندهم ركبو بدون ما يكلموني ولا يشاورون في سعر المشوار ركبت هي وصديقتها وقالت صديق سوي يو تيرن صيدلية سكت انا ما تكلمت نهائياً ووديتهم للصيدلية قعدو يسولفون مع بعض الأولى : يقولون أنه وسيم يا حظك :D الثانية : من يقول أنه وسيم والله انه قرد اعوذ بالله الأولى : وش عرفك شفتيه ؟؟ الثانية : ايه جاء البارح وشافني شوفة شرعية والله انه شين وتحسفت عليه الأولى : اقول احمدي ربك مهوب لازم يصير زين المهم انه يحبك الثانية : اصوم اصوم وأفطر على ......... بغيت واحد مثل ..... وجاءني قرد :D دق جوالي وانحرجت :laugh: المهم رديت وتكلمت سمعتهم وانا اكلم يتهامسون سعودي سعودي :d سكرت من الجوال وقفت عند الصيدلية قالت العروس معليش حسبناك اجنبي قلت معليش على ايش ما صار منكم خطأ .. قالت والله سالفتنا فضيحة بس لا تأخذ عنا فكرة غلط :D قلت ما صار إلا الخير نزلت الصيدلية هي وصديقتها وعطوني الحساب وقالو خلاص رح بنتأخر في الصيدلية هههههه وحدهـ ثانية راكبة هي وصديقتها كان معهم وجبة من ماك وقاعدين يأكلون طبعاً طقو الكشف ويأكلون ويسولفون ونفس النظام لا كلمتهم ولا كلموني وقفت عندهم ركبو قالو الفيصلية ووديتهم بدون اي كلام واتفاق .. لما طلعت على طريق الملك فهد قلت لهم مع اي مدخل تبون السووق حصلت وقتها حركة غريبة كل وحدهـ تتغطى ولا اسمع إلا شهقات هههههههههه قالت والله نحسبك اجنبي ما درينا أنك سعودي وقلت وش الفرق قالت لا فيه فرق :D يعني يوم طلعت سعودي تغطيتو واستحيتو على وجيهكم ولا مع الأجنبي عادي يعني أنا رجال وهو مهوب رجال وحرمة مثلكم ويجوز لكم كشف وجيهكم عندهـ ؟!! * علمني التاكسي أن فيه علاقات عن طريق التاكسي تستطيع خدمتك إذا عرفت كيف تكسبها في صفك .. أنا متخرج من 7 سنوات وكنت عاطل بلا عمل ( باستثناء العمل مع والدي في مؤسسته ) وبعد أن طلعت الليموزين حصلت لي وظيفة من ثالث شهر وفي الشهر السابع ( قبل اسبوعين ) وصلت لمرحلة أني أخير بين 4 وظائف !! الحمد لله على هالنعمة بس هذه من فوائد التاكسي .. والواسطة موجودهـ عندنا ما أحد ينكر :D بس ينقصك أن تكون لك علاقة حتى تحقق ما تريد وأنا كسبت علاقات كثير بواسطة هذا التاكسي .. **** * علمني التاكسي أن العمل فيه متعة كبيرة لدرجة أني في هالوقت اشتاق للمكدهـ :smilie47: :D .. من جد متعه غير طبيعيه ما يخربها إلا زحمة الرياض :cry: .. مواقف مضحكة .. مواقف غريبة .. عائلة يتهاوشون مع بعضهم باسلوب يموت ضحك .. حرمة تشتكي من زوجها أنه يغازل وتقعد عندي تسب وتلعن فيه وآخرتها تقول مشكلتي احبه ولا كان تطلقت منه :s2: ( يضرب الحب شو بيذل :razz: ) وفيه مواقف ترفع الضغط واحد يحدك في طريق سريع عشان يذب رقم على بنت راكبه معك وتنزل تبي تضربه وهي تقولك لا بأخذ رقمه لا تسوي له شيء الله يعافيك :( لكن بالنسبة لي اشوفها أفضل شغله مع أني في أفضل منها حاليا لكن ما زال التاكسي له جوهـ الخاص وأنا ما اشتغلت عليه إلا 5 شهور فقط ثم توظفت وعملي الآن لا يسمح لي بالشغل عليه إلا شخص يكون على طريقي فقط .. * علمني التكسي أن رزقه كبييير وأنك لو عملت فقط في التاكسي من بعد صلاة الفجر حتى أذان الظهر ستحصل دخل يتجاوز الـ 200 ريال يعني 6000 في الشهر وهذا الدخل بدون شغل ساعتين ونص في الليل تدخل منها من 70 إلى 100 ريال تكون مصروفك اليومي ودخل الصبح يبقى في الحصالة اللي تفتح نهاية الشهر .. كم بيت بيفتح بفضل الله ثم التاكسي ؟!! ولو طبقت السعودة 100% في الليموزينات كم عاطل سيستفيد ؟؟ * علمني التاكسي أن الشغل ما فيه عيب ولكن العيب أنك تجلس في البيت مثل أختك لا شغل ولا مشغله حتى يمكن أختك تشتغل وتصرف عليك وأنت بس تأكل وتنام وتقوم تطلع تتمشى من مصروف أهلك .. ولو أحد قالك طلع لك تاكسي واشتغل عليه تقول : تخيل بس ؟؟ شايفني ميت جوع والحقيقة ما أنت ميت جوع لكن ميت قلب بلا احساس رجال وتصرف عليك حرمه وهالشيء عندك عاااادي نصيحة راجع نفسك واشتغل مهما كان هالشغل لا العيب موب في نوعية الشغل لكن العيب أنك رجال كبير وتأخذ مصروفك من أهلك .. عبد اللطيف جميل يعطي تكسي بدون فوائد .. مشروع الملك عبد الله يعطي تكسي بدون فوائد .. تأخذها اقساط بسعر الكاش وبدون دفعة اولى فقط برنت من الأحوال أنك بدون وظيفة + رخصة عمومي وتفضل مفتاح السيارة اللي أنت اخترتها .. والأقساط الشهرية قليلة جداً قم اشتغل وتحرك .. واعكس صورة طيبة بأن الشاب السعودي محل ثقة لو اعطي هالثقة لا تحاول تستفيد من هالتاكسي في أمور ما ترضاها على أهلك .. أتمنى الموضوع كان مفيد .. وترى سيارتي للبيع :D . |
وعليكم السلام ورحمة الله وبركاته .. اهلا اخوي .. إقتباس:
ولما اركب مع واحد لابس جينز احسبه هندي عشان كذا اركب ض1 .. إقتباس:
ايه صح ناخذ راحتنا بالسوالف ذكرتني مره بموقف رايحين حنا وبنات خالتي يعني راكبين اربع بالسيارهـ الى عرس ولا كفتنا السياره الاساسيه ض1 الموهيم وحدهـ منا كانت راكبه فوق وحدهـ وهو ماشي ورا سيارة زوج اختي .. زوج اختي يبي يقول لاختي دقي عليهم وعلميهم ان السواق سعودي لاياخذون راحتهم لكن نسى واحنا محسبينه هندي .. عاد انا اكره اني اتكلم بالتاكسي نهائيا الموهيم اننا متنا حر فقلنا محمد علي مكيف وجا علاه وهو ساكت .. وفجأه كلنا متنا ضحكـ بدون اي سبب ض1ض1 الموهيم مدري وش صار فينا وجلسنا بس نضحكـ ونضحكـ .. الى الان على بالنا انه هندي او بنغالي الي هو اهم شي مو سعودي .. الموهيم فجأه قال لو سمحتوا دقوا ع تبعكم وقولوا له يسرع ض1 ض1 ووقتها كل وحده تقرص الثانيه وهدوء بالسيارهـ , توها مامرت دقيقه الا رجعوا يضحكون وكل مايتذكرون يضحكون الين مانزلنا والحمد الله وصلنا بخير .. إقتباس:
شوكرا لكـ اختكم .. ميمي |
الا مفيد جدا :yes: شخصيا احترم هكذا عقليات .. واحترم الشاب الذي لا يقف مكتوف الإيدي بحجة من هنا وشماعة من هناك ومن الجميل ان اي منا يتعامل مع ظروفه وفق الامكانيات المتوفرة لديه .. ( وغدا ) أمره بيد الله ،،، هنالك كثيرون قد يضعون اعتبار لبعض العادات الاجتماعية التي قد تنظر بدونيه لبعض المهن ( الحلال ) ! .. انا احترم هكذا عادات اذا منحتني فرصة الحياة الكريمه .. ولكن باسم العادات اجد نفسي عالة على الاخرين او أكتفي بمواساتهم .. هنا ارجو منهم المعذرة .. ومثلما قال الحكيم الاسكتلندي ( I'm sorry ) ! :d الله يوفقك يا اخي الكريم .. ولك عمل مغرياته السلبية .. ولكن مهما اختلفت الاعمال تبقى مخافة الله قبل كل شئ ،،، بارك الله فيك .. ونسأل الله لك ولنا والمسلمين سعادة الدارين في حفظ الله ،،، |
بصراحه استمتعت بهالمواقف هذي مشكلة الشعب السعودي مافيه شغل مافيه شغل يتشرط يبغى يحط رجل ع رجل ويجيه راتب بارد مبرد والله بصراحه اعجبتني اخر نقطه اللي هي (قم اشتغل وتحرك .. واعكس صورة طيبة بأن الشاب السعودي محل ثقة لو اعطي هالثقة لا تحاول تستفيد من هالتاكسي في أمور ما ترضاها على أهلك ..) جزاك الله خير والله يوفقك في شغلك الجديد اخووك خالد |
حياك الله وبياك، ويارب تقول حي الله اهل المجلس، ترا لنا حق بعد مهب القهوة بس :ds45s .. التاكسـي شغلة تدخل خير، لكن أنا فعلاً أحاول أفهم ليش الناس تشوف أن اللي يشتغل تاكسي مسكين! بينما انها وظيفة ماهي متعبة جداً مثل بعض الوظائف اللي دخلها أقل بكثير وجهدها أكبر! حقيقة أنا استمتعت بقراءة الموضوع، ومتأكد أن عندك علوم أكثر .. نقدر ننتظر جزء ثاني ؟! الله يوفقنا واياك وعقبال ما نسمع عنك راعي مؤسسة نقل كاملة ^.^ |
و عليكم السٍلآم و رحمة الله و بركاته يآهلآ و غلآ فيك آخوي قاسم البُر :smilie47: أحييك على روحك و حبك للعمل و بحثك عن المكسب الحلآل ! إقتباس:
فعلآ المرأة السعودية تتحاشى الركوب مع الشخص السعودي خصوصاً الرجل الذي يلتزم بالزي السعودي و لكن قد يكون للحياء دور في ذلك فأنا من وجهة نظري المتواضعة أن المرأة السعودية قد تخجل من الشخص السعودي و يكون الأمر عادي أو أقل من عادي عندما يكون الشخص من الجنسية الهندية أو من أي جنسية كانت ! إقتباس:
هههههههههههههههههههههه قصة رائعة رائعة :s2::s2: ممكن الحياء كما ذكرت لك :s4s: إقتباس:
قبلة على رأسك :smilie47: الله يجزاك الجنة و والديك و الرب إذا أحب المؤمن ابتلآهـ :smilie47: بارك الله فيك :rose: إقتباس:
و من يتق الله يجعل له من أمرهـ يسرا ! إقتباس:
بس وين اللي يصبر على الشغل و المكدة و أخذ راتبه من عرق جبينه الله يستر عليك :rose: إقتباس:
ببنات أو بدون :s2: ؟ و الله أتمنى الجميع يقرأ موضوعك و يشوف الإصرار و الحماس اللي عندك موفق خير أخوي :smilie47: |
فعلا الشغل مب عيب و احيي فيك عزيمتك و رغبتك بأن تكون شخص فعال بالمجتمع و اتمنى من الكل يقتدي فيك ، و سالفة سعودي و غير سعودي ترا نحن عندنا نفس التفكير ، ناخذ راحتنا أكثر في السوالف لو طلع اجنبي و القصد ما يفهم كلامنا ... الله يوفقك و يسهل أمورك |
مآششآأإء الله علييك بس :d صدق الششغل موعيب :yes: العيب أنه يجلس عآله ع غيررهـ :naughty::s4s: الله يعـطيك العآأإفيه ع الطرح أستمتعت بموضوعك :ba1: تحيآأإتي لكً :rose: |
. . وعليكم السلام والرحمه .. :smilie47: إقتباس:
والله العظيم اني اذا شفت الي زيك اني استانس :smilie47: اهم شي الواحد ما يقعد فاضي يشووف له اي شغله اقل شي ييكفي نفسه الله يوفقك وهالموضوع بالمفضله :smilie47: وخل واحد يجي يقولي ما لقيت وظيفه وما حد عطاني وجه :d ع طوول اسدح له الرابط :razz: الله يوفقك ي رب :smilie47::smilie47: |
إقتباس:
كل الششكر لك , والله آعجبني , وقريته مرتين :s2::smilie47: الله يوفقك يآرب , وييسر آمرك , :rose: |
كلمه قلتها تختصر الي بـأقوله ! اشتغل اي شغله اهم شي لاتقعد في البيت كأنك بنت ! وهذا الي سويته انت ! والله شغلتك حلوه على كثر الي يقولون عيب ! ليه عيب طيب ! الله يرزقك ويوفقك والمسلمين اجمع عوافي |
إقتباس:
هذه مو بس بالتآكسي :d حتى بعض محلآت العطور .. يكون فيه من الجنسيه الهنديه ويكون الحريم " كآشفين الوجه " .. واذا دخل رجل سعودي تغطوآ !! يعني الي يبيع مو رجآل ؟! :razz: .. بصرآحه استمتعت بـ موضوعك وطرحه على شكل نقآط :d والله يوفقك .. واتمنى من جميع البطآله من الشباب السعودي يكونون مثلك ما يجلس بالبيت ويدور رزقه والله يرزقه كل خير :rose: انت بس اسعى لـ رزقك وربي يرزقك :ba1::d |
[علمني التاكسي أن السواق السعودي [ رجال ] وأن السائق الأجنبي [ مهوب رجال ] وطبعاً هذا في نظرة حريمنا الله يرفع عنهم يمكن لان السعودي يفهم عليهم اكثر من الاجنبي وكمان الثقافه خلاص رسخت في اذهانهم... ان السعودي مافيه اماااان..,:to: وهذا شيء ماراح يتغير في عقليتهم البعض منهم والبعض يحب يكون سعودي.. :razz: علمني التكسي أن رزقه كبييير .. هو رزقه كبير بس ايش اللي يعلم اللي عندنا من الشباب العاطلين وانصحهم اذا يبي يتزوج ومهو محصل فلوس يشتغل تاكسي صدقوني مثل ماقلت راح يدخل له رزق من الله..::yes::yes: موضوعك رائع واتمنى ان يقتدوا بالعمل اللي انت فيه.وان الشغل مهما كان مو عيب لان هو مصدر الرزق اولا واخرا., واتمنى ان يكون رضا الله هو الاول اخي والجميع |
ياهلا بأخوي قاسم البر .. عندك عقليه متفتحه وفاهمه ، لو الشباب السعودي بعقليتك كان ماشفت عاطلين :yes: لكن لو قلت لبعض الشباب ياخي سق تكسي على سبيل المثال ، قال وين شايفني بنقالي او او < مثل هالعقليات وش تسوي فيهم .. حتى فيه اشياء ثانيه غير التاكسي ، مثلا بيع الخضار وغيرها .. شغلات كثيره جدا ومفيده وتدر عليك أموال ، وشبابنا اذا قلت له ع شي من هذي الشغلات ، قال وش قالو لك وش شايفني انت :cry: . اما بعض البنات السعوديات فهذي مشكله للأسف ، اذا صار السعودي يستحون منه والأجنبي عادي ماكأنه رجال ع قولتك :d .. وقس ع هذا الأسواق تلقا البنت بوسط المحل فاشته او متنقبه ثم اذا دخل السعودي تغطت ، ماشاءالله نزل الإيمان :razz: قبل أمس حصل لي موقف كنت داخل محل حلويات وكان فيه بنت سعوده واقفه عند الكاشير ( هندي ) وتحاسبه وكاشفه ،لما جيت انا بحااسب التفتت يوم شافتني تغطت :s2: . < العقليات هذي وشلون تطلعها من جوها العايشه فيه :s5s: شاكر لك موضوعك الحلو وبالعكس كان موضوع شيق وجميل :ba1: |
هلا بك اخوي قاسم البر تطرقت لكم نقطه في عالم الليموزنيات اولها ان السعوديات مايركبون مع سعوديين مو قصور فيهم بس اتوقع فيه اسباب كثيره وان كنت اجهلها شخصيا يمكن يتوقعون الاجنبي جاي يشتغل ومحتاج لهالوظيفه وماراح يهش ولاينش بينما يتوقعون السعودي وضعه زين وجاي يتسلى بهالوظيفه وان كنت استفدت من موضوعك ان الليموزين ماينعطى لاي احد :yes: كل شغله فيها ايجابيات وسلبيات بس لازم نتأقلم علشان نعيش ومثل ماقلت احيانا العمل البسيط يفتح بوجهك الرزق ويكون نقطه انطلاقه لك الصدق كنت اتصور ان الليموزين مايؤكل عيش وكنت دايم افكر بحالهم لاني اشوف ان كثير يكونون واقفين بالاسواق ويالله يجيهم الدور يعني توقعت باليوم يالله يحصل له مشوار واحد :to: ودنا عاد تذكر لنا بعض المواقف :d اذا ماعليك امر \ :smilie47: / استمتعت بـ كلامك والله يرزقك من خيره :rose: الهنووف كانت هنا ورحلت |
| الوقت المعتمد في المنتدى بتوقيت جرينتش +3.
الوقت الان » 03:44 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd