|
صدارتنا مؤقتة .. وفي أقل من 24 ساعه ستذهب الصدارة للإتحاد .. السلام عليكم ورحمة الله وبركاته نعم .. صدارتنا مؤقتة .. وفي أقل من 24 ساعه قد تذهب الصدارة .. في حالة فوز الإتحاد على الفيصلي يوم الخميس .. سيتصدر الإتحاد بـ 30 نقطة وفي حالة تعادل الإتحاد أو خسارته .. ستبقى الصدارة للزعيم .. مو مهم (أن الإتحاد يفوز أو يخسر) .. لأن المثل الدارج في كرة القدم " اللي ما يأكل بيده مايشبع" .. المهم في الموضوع كله .. أن حتى لو تصدر الإتحاد .. نحن نمتلك أفضلية لعب لقاء مؤجل .. أمام الفتح يوم الأحد القادم وفي الملز .. جمهور الزعيم .. الهلال سيلعب آخر مباراة له في الرياض يوم الأحد (قبل توقف الدوري) .. والهلال بحاجه للجمهوور .. لـ نضمن ونأكد زعامتنا وتصدرنا للدوري .. صدارة الهلال بيد الهلال .. يعني .. مانحتاج نلتفت لنتايج الفرق الباقية .. مباراة واحدة نفوز فيها .. تبقى الصدراة لأهلها ..هل جمهور الهلال راح يكون قدها ؟! |
والله انك صادق بكل كلمة انا شفت واحد من الشباب مستانس ومبالغ بالفرحة ومابقى رسالة ما ارسلها تنكيت بالنصر وبذهاب الصادارة عنهم قلت له لاتصير نكته امام الاخرين لو تصدر الاتحاد لاتفرح لأنك تصدرت فهذا تعودنا عليه بس نبي نفرح لامن الهلال اخذ البطولة وهنا الفرحة اللي بتطول معك وبالتوفيق للهلال |
بس صدقني الاتحاد واقع تحت ضغط نفسي رهيب لانه الان يلاحق المتصدر الي طبعا الزعيم وهذا من صالحنا بدون شك |
كلام صحيح اخوي ان شاء الله تتأكد الصدارة يوم الاحد والجمهور الهلالي يعرف وقتة جاء وقت الجد وبالتوفيق للهلال |
طيب يالغـآلي لا تنسى ان للهلال 3 مباريات مؤجله تفرق عن الاتحاد !! في حال فوز الهلال بمؤجلاته سيبتعد بفارق 7 نقاط عن الاتحاد اما في حال فوزه وتعادله مع الاتحاد سيبتعد بفارق 4 نقاط عن الاتحاد ,, بالتوفيق لهلالنا ,, لا هنت يالغالي ,,,, |
لولا البعد عن الرياض لحظرت لكن جماهير الرياض ما تقصر |
ان شاء الله جمهور الهلال قدها وقدود مع ان الحضور اليوم مو متوقع واجازه لكن يمكن عشان التعادل لكن يوم الاحد مانبي الحضور زي اليوم نبي الملعب على الاقل تتعبى الواجهه ومعليش مباراه في وسط الاسبوع لكن زعيمنا يستاهل الحضور وهذي اخر مباراه مثل ماقال اخونا الذهبي تكفوون احضرو عشان ابو مساعد |
..هل جمهور الهلال راح يكون قدها ؟! قدهإ وأكبر منها < قدح .. حاضرين إن شاء الله :) |
كلامك صحيح 100% وهو عين العقل وبآذن الله بكون بالملعب تسلم لي |
أحضروا ياجمهور الرياض .. أحد عنده الهلال ومايحضر ؟؟ يعطيك العافيه .. |
الحضور يوم الاحد لازم بس خلونا واقعيين يوم اربعاء والاجواء حلوه والملعب قريب واجازه ومافي اختبارات ولا في اي شي ومحد حضر...؟ يعيني بالله تبون يوم احد ويوم دراسه واعمال وفي نص الاسبوع تبونهم يحضرون هههههههههههههههه ان شاء الله يحضرون ان شاء الله |
تصحيح:اذا فاز الاتحاد يكون له 29 نقطة يعني فرق نقطة بيننا وبين الاتحاد اذا فاز |
ما اتوقع ان طموح جمهور الهلال بطل دوري زين الموسم الماضي هو صدارة جولة واحده فقط بل هو تحقيق الدوري فحتى لو تصدرنا بعد المباراة القادمة لا يعني حصولنا على الدوري . يعطيك العافيه . |
100% نرجوا الحظور والمساندة يا اهل الرياض |
يعطيك العافيه اخوي ماقصرت اسمحلي اضيف -- الهلال فريق بطولات وانجازات والصدارة وبطولة الدوري لعبة الهلال -- للاسف المستوى غير مطمئن فيه كم لاعب هم اقل من اسم الهلال معروفين وواضحين بدون ذكر اسماء -- كم خانة تعتبر نقطة ضعف بالفريق خصوصاً الحراسة والضهير الايسر -- نزول مستوى بعض الاعبين المؤثرين -- وين اهداف وحطات وفاولات نيفيز -- وين انطلاقات واهداف ولهمسون ( الترنيدو ) -- الشلهوب اقدر مجهوده بس ياليت اذا صار فاول مايروح يمسك الكورة شغل حواري ويترك الفاولات لنيفيز ورادوي التمرين شي ومباريات النقاط والبطولات شي ثاني -- الفريق يحتاج حارس ممتاز مع شراحيلي- وليد عبدالله اذا ممكن او عساف القرني ( الحارس نص الفريق ) بدون حارس صح مافيه بطولات -- الفريق يحتاج مهاجم خطييييييير يكون ملك ال18 يسجل برجوله برأسه ببطنه بصدره من النوع الي ما ينتورى باب -- الهلال يحتاج 60 نقطة لتحقيق بطولة الدوري -- اخيراً الهلال لن يحقق بطولة الدوري بالحكام المحليين (البعد عن الحكام المحليين قدر الامكان ) الهم اني قد بلغت تحياتي لك ولكل من عشق الهلال على وجه الارض |
| الوقت المعتمد في المنتدى بتوقيت جرينتش +3.
الوقت الان » 02:52 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd