16/12/2010, 12:40 AM
|
| زعيــم نشيــط | | تاريخ التسجيل: 14/03/2006 المكان: الرياض
مشاركات: 523
| |
|
اكبر مشاكل الهلال مشكلة الزاوية 90
مساكم الله بالخير والعافية
الف مبروك المستوى الرائع اليوم والي ماكان متوقع خذلان الحظ الى اخر الوقت
*****************************
مشكلة الزاوية 90 ما ادري الى متى مستمرة معانا
هل اللاعبين عندنا بالاولومبي والشباب يتعلمون مايحطون الكورة الا بالتسعين!!!!
التسعين هذي ضيعتنا ولابد لها من حل جذري ولابد اي واحد يشوت في التسعين والكورة سهلة ويقدر في غيرها اتمنى انه ينرك في المدرج ليما يعرف ان الله حق
يا اخوان مالكم بالطويلة مباراة الغرافة كورة العابد بعد الهدف الثاني شاتها في السما وهو مافيه حتى حارس قدامه والهدف الاسمى مو التسجيل قد ماهو تكون بالتسعين ايضا كورة العابد ضد الفريق الايراني في اخر الوقت بالراس كان يقدر يحطها في اي مكان وقول ولكن الهدف الاسمى التسعين
مباراة التعاون الاسبوع الماضي احمد الفريدي يستهبل بكورة بالراس هو والقول والهدف الاسمى الزاوية تسعين ايضا اليوم الفريدي كان مبدع لاخر حد لكن قام يستهبل الا يحطها حط ولا لازم في التسعين بعد مدري وش يبي ماصدقت ان المدرب طلعة يبدع واذا جت اللمسة الاخيرة لازم تتفنن وتسعين ولوب ياخي يرحم امك ارضية او رفعة عادية لو تجي بالمدافع ثم بالقول اهم شي هدف مو لازم تسعين
***********************
اليوم اثبت بما لايدع مجال للشك عزوز انه الافضل في الوسط الايسر الهلالي وسلموا لي على نيفيز وقولوا له الدوري البرازيلي ينتظره صحيح مبدع بس من عاد الدوري وهو مكسل وماله نفس يلعب الشلهوب وعزوز وويلي ملوك في خط الوسط
***********************
ويلهامسون يجب ان لايترك الفتى الاشقر فهو الفارق الاكبر حتى والحزم مقفل اليوم بهذلهم ويلي لايقرب مع رادوي يا ادارتنا الموقرة
**********************
نامي في الوقت الحالي هو افضل ظهير ايمن يمسك بالنسبة للهلال صحيح الكوري ماقصر بس نامي تطور كثير وياليت يجي الشهيل ويمسك الظهير الايسر
*********************
اتمنى يكون اللاعبين المحترفين المغادرين الكوري لي ونيفيز ويكون لهم حفل تكريم على ماقدموه ماقصروا والله
********************
اتمنى يكون المحترفين القادمين لاعب قلب دفاع سد منيع مع هوساوي بدل نكبات المرشدي المتواصلة
ويكون المحترف الاخر مهاجم افريقي يشم القول شم وهو مغمض سريع وقوي بدنيا
********************
نقطة مضافة بعد طرح الموضوع عن شارة الكابتنية
لاحظت والجميع لاحظ مستوى ابو كلبشة لمن يستلم الشارة يدحدر ويقوم يحوس شوي عكس ياسر القحطاني تماما والي يزيد حماس ومسئولية اتمنى تثبت الكابتنية للقناص مع اشد الاحترام لابو كلبشة
********************
اعتذر عن الاطالة واتمنى مانختلف والاختلاف لايفسد للود قضية
اخر تعديل كان بواسطة » خسران حبه في يوم » 16/12/2010 عند الساعة » 07:43 AM |
الوضع الشجري
