السلام عليكم جميعاً

ياجماعة الخير أولاً مبروك الفوز الليلة والثلاث نقاط المهمه جداً في مسيرة الزعيم

موضوعي والله يحز في النفس ياجماعة الخير والله إن كلامي صدق ولست مجبور على الحلف لكن ابيكم تصدقوني جبت لاعب وسط ممتاز عمره 21 سنة ورحت انا وهو للنادي وكلمنا عبداللطيف الحسيني اللي بدور قال ما اقدر اخدمكم قلت ياكبتن هذا اللاعب وجربوه انا ما اطلب منكم ولا اجبركم على التوقيع معه مع يقيني التام انه افضل من اللي موجودين الحين فالأولمبي المهم يازعماء قال حاجتنا بالهجوم وليس فالوسط شي والله يحز فالنفس والله اللاعب كويس وهلالي صميم وعاطل عن العمل يبي يلعب للنادي ويخدم النادي وينفع نفسه لكن المسئولين على الأولمبي مايعطون الوجيه الشابه القادمه من الخارج أي إهتمام والله ياخوان يامشرفين اللي ابغاه منكم وإللي يعرف احد فالنادي يحرص عليهم بتجريب اللاعبين اللي يجونهم ليس بالشكل القائم حالياً مايعطونهم وجه والله حرام اللي يصير وعندي لاعبين الآن متردد والله ارسلهم للنادي شي محزن اللي يصير فالنادي فالأولمبي طبعاً خصوصاً إذا عرفنا ان الأولمبي هو المغذي الحقيقي للفريق الأول .

اللاعب من باب بحثه عن الرزق وممارسه هوايته المحببه له راح للجار طبعاً راح لحاله والله ما وديته للنصر ولاحبيت أنه يروح للنصر لكن قال لي انا بروح اجرب فالنصر المهم الرجال راح للنصر يقولي استقبلوني استقبال حلو ودخلت التمرين وقالو بكره تجي فيه مباراه وانا متأكد إنه راح ينجح فالنصر .

الشي اللي بقوله أن الأولمبي في خطر إذا ما انتبهت الإداره للنقطه هذي ولايكون همهم الفريق الأول يجب ان يحرصوا على الفريق الأول .


تقبلوا تحياتي جميعاً وبالتوفيق للزعيم

والله حرااااااااااااااام اللي يصير

انا معك اخوي وكلام عين العقل والله يجيبه للزعيم انشاءالله وتسلم يمناك ولا تحرمنا من مشاركاتك يالغالي بس لونه هلالي صميم على قولتك ليش يروح للنصر ليش ماراح للشباب ؟؟؟؟؟

والله قهر...........

...
.
...

يعطيك العافية

الحين حنا نقول وين الكشافين في الاندية
ليه مايبحثون عن لاعبين في الحوار والاندية الريفية
بس اذا الاعب نفسه جاء للنادي وقال جربوني ببلاش
ورفضوا 000!! الشكوى لله مابليد حيله
اذكرك ياغالي هذا الاعب لو ذهب لنادي اخر وبرز فيه
بيكون مثله مثل بقية النجوم الذين حضروا للنادي ولم
يتم التعامل معهم بالطريقة السليمه00!!!
والله زعلني الخبر وطريقة تعامل الحسيني لكن من الممكن
ان يكون له وجهة نظر او توجيهات من قبل الادارة الهلالية
الله اعلم000!!!

ماجبت شي جديد ! كل الناس راحوا لكن مافي فايدة

إقتباس الرسالة الأصلية كتبت بواسطة راعدالصوت ادارات الهلال المتتاتبعه ماتبحث عن مصلحت الهلال كل رئيس يبغى 4 سنوات باهره في الفريق الاول والباقي في حريقه مع الاسف مافيه رئيس يوم جاء قال باشتري مدرب صاحي للاولمبي اللي يقولون للمدرب جيبه معاك تقول انه قطعه من اكسسواراته الخاصة ,, والا يعطونه الحسيني مايدري وين الاعداد لكن نقول الله كريم مابعد عيال عطيف وحسن معاذ والغنام شي ,, يكفون اكبر دليل على المحسوبيه والواسطه العمياء في النادي والفئات السنية عند الامير بندر ,, شغل واسطات لو عندك واسطه تقدر تسجل لاعبين من فئة سلمان الفرج واخوانه ماتلاحضون الاسماء تتكرر , يعني صار فيه فريدي بالشباب وبيشي وفلاته سبحان اللي كثرهم من تالي اما لو ماعندك واسطه روح للشباب احسن لك هذوليك ناس فاهمه وتبي المواهب لان فيه اختلاف كبير بين فكر خالد بن سعد ,, هذاك اللي لعب الجيل الشبابي هذا من يوم اعمارهم 19 وعشرين وبين اللي يلعبون الفريدي ثم راقي فلاته بالفريق الشباب حتى عقب ما تعدى عمرهم عشان يقولون شوفوو جبنا بطولة ,, المشكله ان البطولات ياكثرها بالناشئين والشباب ماحد يجيب الدوري كثرنا ولكن مافيه نجوم تطلع للفريق الاول ,, الله كريم وانا اخوك

كلام رجل عاقل وفاهم شكرا لك من القلب قلت اللي في قلبي شكرا

منوريين كلكم لكن والله هذا اللي صار ويوم شفت رد الهلال للاعب كنت حريص إنه مايروح للنصر وكلمت له إداري فالشباب وقال حالياً ما نستقبل احد خليه يجي السنة الجاية بصراحه بلغت خويي وقلت له الله يوفقك وراتيك بيضاء وين ماتبي تروح الله يوفقك قال بجرب فالنصر قلت الله يستر عليك بصراحه انا ما اعرف احد فالنصر لكن الرجال راح واستقبلوه استقبال حلو وتمرن معهم على طول ولا ادري وش صار له بعدها لكن بذكرم بعدين إذا اقبلوه النصر وبرز معهم صدقوني لاجيب اسمه عندكم هنا بالمنتدى اللي نبيه حرص الأداره على الفريق الأولمبي خصوصاً هو الممول للفريق الأول .

مشكورين وبالتوفيق للزعيم

للاسف شيء مؤسف والواسطة حاليا في الهلال اهم شيء

منورين يازعماء الله يحفظكم