|
وربي البيت عندي كله بزران وباسوي المقابله مع بزرين بنت وولد تشوف التفكير بس الولد عزوز 4 سنوات البنت سارونه 7 سنوات 1\ اذا انت فاضي وعندك وقت فراغ وش تسوي ؟ عزوز: العب لعبة الهره في كميوترك (يعني كمبيوتري ولعبه الهره بس يهرب وتلاحقه وترميه) سارونه: العب مع عزوز 2\ اذا ربي رزقك 1000 ريال وش ودك تسوي فيها ؟ عزوز: اشتري بطاطس واجد سارونه: اشتري فله 3\ بالاجازات والعطله وش احسن مكان للسفروتغيير الجو ؟ عزوز: نجران عند جدو سارونه: دبي (ذوق البنت) 4\ اذا كبرت وصرت مدير مدرسه وش اول شي بتسويه ؟ عزوز: وش يعني سارونه: العب في الفسحة 5\ ماهي معلوماتك عن الانسولين: عزوز : وش هو سارونه : نظره استحقار الانترنت: عزوز : وش هو سارونه نفس النظره مجلس الشورى: عزوز + ساره : قالوا حلوه يحسبوني اقول شابوره الاتيكيت: عزوز : قال انت خبل سارونه : مدري التعليم العالي: عزوز : لازم يكون هناك تعديلات على مستوى المناهج الفرص الوظيفيه هههههههه( امزح قال وش هو ) سارونه: عدنا لنظرة الاحتقار الماركه: عزوز +سارونه : وش هو الدش: عزوز: ام بي سي 3 سارونه : طيور الجنه يعطيك العافيه |
ابو ياسر هههههههههههههههههههههههههه ولدكم شراني له مستقبل بالشطانه اذا كبر الله يخليه لكم يارب ويصلحه مشكوور يالغلا ,,,,,,,,,,,,,,,,,,,,,,,,,,,,,,,,, متيمه الزعيم زين اجل البنيه بها رجا تصير دكتوره في المستقبل بس اهم شي اشتروا لها العاب الطبيب سماعات القلب ذيك يوم حنا بزران وخليها تعلم عليك مشكووره على المقابله الحصريه :P ,,,,,,,,,,,,,,,,,,,,,,,,,,,,,,,,,,,,, مووج الخليج الله يرجه ولدكم هههههههههه كل حياته سوني خلوه يلبس نظارات لايروح شوفه بسم الله عليه مشكوور على المقابله الشيقه :P ,,,,,,,,,,,,,,,,,,,,,,,,,,, وسن اووما اختك بتكفخ البنات وتصفقهم والله بنات هالوقت خربوا وين بنات زمان :D الله يصلحها يارب ومشكووره على المقابله الحلووه ,,,,,,,,,,,,,,,,,,,,,,,,,,,,,, ترى الي وعدونا بالمقابلات ما نسينا وعدكم اول مايرجعوون الظهر من المدارس استلموهم واحد واحد كلكم منووورين والله |
ههههههههههههههههههههههههههههه والله عزوز وسارونه مهسترين من قلب المهستره سارونه تبي تلعب بالفسحه اذا صارت مديره << مشروع مديره فاشله الله يخليهم لك هالبزرين الفله ويصلحهم لوالديهم |
انا جيت بسوي المقابله :ranting: اخوي عمره 8 سنوات 1\ اذا انت فاضي وعندك وقت فراغ وش تسوي ؟ انقلع بروح العب :cry: ياهو خلني اكمل الاسئله :to: هربه والله |
هههههههههه مجنونك طيب انشب له وكمل المقابله |
. نعتذر عن التاخير , بس تعرفون عاشورا وزحمه وناسات ض1.. بنت عمي ض1 , عمرها 6 سنوات ض1.. 1 \ اذا انت فاضي وعندك وقت فراغ وش تسوي ؟ ادور شغل .. 2\ اذا ربي رزقك 1000 ريال وش ودك تسوي فيها ؟ اشتري حلويات واشياء .. 3\ بالاجازات والعطله وش احسن مكان للسفروتغيير الجو ؟ لبنان و القصيم ض1ض1 . 4\ اذا كبرت وصرت مدير مدرسه وش اول شي بتسويه؟ ادرس . 5\ ماهي معلوماتك عن :: هنا انا سالتها هل تعرفين او لا ض1.. الانسولين : ما اعرف . الانترنت : كمبيوتر . مجلس الشورى : لا ما اعرف . الاتيكيت : لا . التعليم العالي : لا . الماركه : فيرومارتيني ض1ض1 .. بولو, بربري ض1 .. الدش او الستالايت: مدري ايش ض1 .. < تقول فيه اساله ثانيه ض1ض1 .. |
اذا اخوي جاااا البيت اجيبها لكم.. ويعطيك العافيه |
هلاليه ماشاء الله على الوعد ياحوووبي لها الصغنطوطه يوم قالت القصيم فز قلبي << 9 سنين ماطب القصيم :( بعدين وش هالي تدور شغل اذا صارت فاضيه على كذا نص الفاضين والعاطلين عندهم اشغال ههههههههههههههههه ياحوووبي لها والله ماشاء الله خبره بالماركات شكلها بتطلع ذووويقه باللبس اذا كبرت يجي نخطبها لواحد من بزارينا :P مشكوره هلاليه وفيه ناس واعدونا وسحبوا علينا النااااااااااس باااظت ياقدعان :( |
عمره 9 1\ اذا انت فاضي وعندك وقت فراغ وش تسوي ؟ اتفرج 2\ اذا ربي رزقك 1000 ريال وش ودك تسوي فيها ؟ يجمع عليها يشتري بها سياره 3\ بالاجازات والعطله وش احسن مكان للسفروتغيير الجو ؟ ابها...<< 4\ اذا كبرت وصرت مدير مدرسه وش اول شي بتسويه ؟ مايضرب الطلابs121s<<الاخ رهيف 5\ ماهي معلوماتك عن الانسولين: ماعرف الانترنت: ماعرف مجلس الشورى: ماعرف الاتيكيت: ماعرف التعليم العالي: ماعرف الماركه: ماعرف الدش او الستالايت: التلفزيون ههههههه والحمدالله والله يقول يالله نكمل يحسب بقي اسئله...:s2: |
سألت ولد خالتي في رابع ابتدائي والاجوبة كما هي هع 1\ اذا انت فاضي وعندك وقت فراغ وش تسوي ؟ اصلا انا مااكوون فاضي ابداا اذا كنت فاضي قالت امي خلنا نذاكر ض1 .. 2\ اذا ربي رزقك 1000 ريال وش ودك تسوي فيها ؟ بارووح للبقالة واشتري بها كلها .. 3\ بالاجازات والعطله وش احسن مكان للسفروتغيير الجو ؟ اممم نروح لأبها او الشرقية ومنها للبحرين 4\ اذا كبرت وصرت مدير مدرسه وش اول شي بتسويه ؟ بانجح نفسي بسرعة وبتوظف .. 5\ ماهي معلوماتك عن الانسولين: ماعندي معلومات عنه ومااعرفه ولو شفته ماعرفته الانترنت: اممم شي بدوونه انا مااقدر اعييش >> مدمن انترنت الاخو ماهوب عاقل مجلس الشورى: الي في المدرسة الاتيكيت: اممم الي يتزووج يصير يعني اتكييت التعليم العالي: الدراسة المرتفعة يمكن >> مشكك الاخ في الاجابة الماركه: يعني يمكن يصير فيه ماركة بلايز او جزم او كيذا يعني الدش او الستالايت: الدش فيه دش يعني رسيفر زي المجد وطقتها والا ذاك اخو البانيو والستلايت مخترع الضوء يمكن وهذي الاجابات من غيير تحريف :) |
:: قال اجوبة ما تنحط هنا .. :) :: |
اشوووف البزارين عيال عمي اذا جوووو اسسسوي مقاااابله اذا مسكتهم |
ابن اختي عمره 9ونص 1\ اذا انت فاضي وعندك وقت فراغ وش تسوي ؟ العب 2\ اذا ربي رزقك 1000 ريال وش ودك تسوي فيها ؟ اشتري بيت 3\ بالاجازات والعطله وش احسن مكان للسفروتغيير الجو ؟ الديره 4\ اذا كبرت وصرت مدير مدرسه وش اول شي بتسويه ؟ مافيه طابور 5\ ماهي معلوماتك عن الانسولين: الابر الى امي تطقني بها (الولد معه سكر)الانترنت: يطلع اي شي مجلس الشورى: مجلس مكان الضيوف اما الشورى اول مره اسمعها الاتيكيت: كيك نحول التعليم العالي: ما اعرفها الماركه: جنوز الدش او الستالايت [COLOR="Reنتفرجd"][/COLOR] |
ههههههههههههههههه بس سلامات اصلا مايعرفون مجلس الشوورى مشكور ودي |
هههههههههههههههه حلو الموضوع بس اناا ماعندي اخوااناا صغار عيال اختي واحد بنت واحد ولد الولد عمره سنه ونص اجيب وجهي عنده ع طول يعطيني كف سريع يعني مافي امل اسائله شي |
| الوقت المعتمد في المنتدى بتوقيت جرينتش +3.
الوقت الان » 10:05 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd