السلام عليكم ورحمة الله وبركاته






بصراحة ما أدري وش أقول .. أضحك .. أصيح .. أهاوش .. أزعل .. مدري والله مدري ..
[ تراي أهاوش ]
يعني فيه أعضاء كثير يطالبون برحيل نيفيز وأنه ما نفعنا .. بس يسحب ويسدد هذا
كل اللي عنده لاعب فاشل .... إلخ ومن هذا القبيل من الكلام اللي ماله أول ولا تالي ..


بكل إختصار وعلى قولة المثل [ خير الكلام ما قل ودل ] مارآح أمدح بنيفيز .. ولا راح
أجيب مقاطع لكم علشان تقتنعون .. هي مجرد أرقام رآح أجيبها والسلام عليكم ..


22 هدف جابها نيفيز مع الهلال .. ولو تلاحظون أنه في ضل ضروف قاسية بالنسبة له
وللفريق .. منها كل شوي مهاجم .. إصابات الأظهره ما تتوقف .. عباطة مرته .. عدم وجود
رأس حربة زي الناس .. [ بإسثناء ياسر لأنه مهاجم ثاني ] ومع ذلك جاب 22 هدف !!



نيفيز سجل على أغلب أقوى الفرق بآسيا وهي :
الإتحاد : ثلاثة أهداف [ هاتريك ]
الشباب هدف
بونيودكور هدف
السد هدف

سجل على سانتوس البرازيلي هدف
سجل على النصر هدفين << المتصدر
سجل على الأهلي هدفين
سجل على الحزم هدف


القائمة تطول ماشاء الله .. وهذا هو اللاعب اللي نبغاه .. من أول موسم أهدافه
تصل إلا 19 أهداف .. هذا جنون بالنسبة للاعب متعود على أجواء غير أجواء
الخليج تماماً .. لا من ناحية الجو ولا من ناحية الإحترافية ..


ومابين طارق التايب اللي قعد موسمين كاملين مع الهلال لم يستطع أن يسجل
إلا 23 هدف [ في جميع المسابقات ] ومع فريق الشباب 4 أهداف
معقولة ياجماعة تقارنون بين هاللاعبين ؟ لا أنكر جمال لَعِب طارق ولا أنكر
حرفنته بالصناعة .. ولكن نيفيز أجزم أنه يفوق طارق بصناعة اللعب بمراحل
فقط نتعاقد مع رأس حربة سريع ويعرف لـ الـ 1 > 2 وسنرى صناعته أكثر من
أهدافه ..



الطريقة :
جلب رأس حربة على أعلى طراز ..

الفكرة كاملة :
تخيلوا كيف راح يكون لعب نيفيز بالهجوم + الوسط هذا :
الهجوم : رأس حربة خنفشاري - ياسر القحطاني كـ مهاجم ثاني
الوسط : جناح آسيوي على سبيل المثال إيندو - نيفيز
محور هجومي : رادوي ..

والله إن شاء أنه بيبدع وبتستانسون عليه واجد


ويكفي أن أندية مثل : [ هامبورغ - سانتوس - فلامينغو - روما ] تتنافس
على الحصول عليه .. بل ويكفي أن المنتخب البرازيلي ضمه وراح يضمه
مستقبلاً لأنه بحاجه للاعب مثل نيفيز ..


وعلى قولة واحد من المحللين يوم قعدوا يقارنون بين الأثنين .. :
نيفيز سجل في مباراة واحدة أكثر من
تسجيل طارق التايب في موسم كامل !!



الكلام يطول .. لنا لقاء <<




برايفت : بالتوفيق لأرسنال باتسر على المان ضعيف