أطفالنا أكبادنا......مواقف مضحكة
 

سلام يالربع

صبحكم الله بالرضا والعافية

قال الشاعر حطان بن المعلى في بيته المشهور

انما اطفالنا بيننا ----- اكبادنا تمشي على الارض :smilie47::smilie47:

انا اعيش في بيت مليان اطفال كما اسلفت :ga:

يعني بزران في كل مكان :gossip:

وبزرانا غريبين:s5s:

تحسهم يكبرون بسرعه s110s

يمكن بحكم البيئه

المهم

بحكم كثرتهم تجيك احيانا مواقف بريئه حلوه منهم

وانا ادرى اني سبق ونشرت موضوع مشابه

لكن لموقف واحد

وابغى اذكر هنا مواقف كثير صارت لي معهم

وعلى فكره

تروني من الاشخاص اللي يحبون الاطفال ويجلسون معهم بالساعات :hug:
الاطفال الاولاد طبعا s2s
البنات ما ادناهم :mq:
ولا ادنى دلعهم

بسم الله

الموقف الاول :

الابطال : شخصي الكريم ، ولد اخوي عزوز (4 سنوات) ، بنت اخوي سارونه (7 سنوات)
الموقع : نجران فديتها في بيت الشيبه (الشيبه يعني ابوي )
الزمان : ليلة عيد الفطر.


طبعا ليلة عيد يالربع والدنيا كلها انوار وفرحه وعزايم ولبس جديد وحركات
خرجت من البيت
لقيت عزوز وسارونه عند نخله ويتأملون بحرص
جيتهم قلت وش الاطفال يسوون هنا ؟؟؟؟
قال عزوز بكل وقاحة : انقلع ياحيوان :d
قالت سارونه : عيب هذا عمو
قال لها : كلي تبن :d
هنا قلت لازم اكون عم وأؤدي دوري التربوي
وقلت صدق كلي تبن وش دخلش ههههههههههههههه s121s
قالت سارونه : عيب والله اعلم بابا
المهم قلت لهم وش انتو تسوون ؟؟
وش تتوقعون طلعوا يسوون الاخوان ؟؟؟
لقيتهم واضعين جعفيه (خنفساء) سوداء في كيس شبس ويقولون يلا كلي بسرعه
هههههههههههههههههههههههههههههه s121s
ومسكرين الكيسه ويرجونها رج مو طبيعي
والجعفيه مره تقوم ومره تطيح ومره تدعي علي انا
كأن لسان حالها يقول ( شرهتي عليك يالعاقل) :ranting:
المهم خاصمتهم وقلت لهم عيب هذا حيوان له احساس ومدري وش
وقلت لعزوز ترضى احد يحطك في كيس شبس ويرجك ويقول يلا كل بسرعه
فتاملني شوي وقال ايوه ودي يصير عندي بطاطس واجد
هههههههههههههههههههههههه:s2:
بيني وبينكم حشرني
المهم اطلقت الجعفيه وضربتهم ضرب خفيف على يدهم ( ويمكن نختلف في كلمة خفيف يالربع )s121s
ورجعت للحل التقليدي وقلت : والله من زد شفته مسوي كذا لاسوي واسوي
البنت بكت على طول :la:
وعزوز يقول والله سهله والله العظيم سهله :s2::s2::s2:
تحسون انه يقهرني
ثم يوم اطلقنا الاخت جعفيه
جلسنا نناظرها وهي تروح
وعزوز في قلبه حسره (كأنها حسرة الذيب لا هربت منه غزاله):smilie47:
فيوم توارت عن الانظار (شرايكم في توارت وربي متعوب عليها )s13s
جلس عزوز يناظرني بقوه
وقلت في خاطري خلاص الولد يبي يقول كلام حلو ويتوب
وبعد تامل في ملامح وجهي طويل من قبله
قال تصدق انك حيوان :s2:
وراح
ههههههههههههههههههههههه
ياحبي لك ياعزوز:smilie47::smilie47::smilie47:


الموقف الثاني :
الابطال : عزوز المذكور اعلاه ، سارونه المذكوره اعلاه ، اخوي عزوز الصغير (3 سنوات) ، شخصي الكريم
المكان : حديقة حيوانات الرياض
الزمان : الاجازة الصيفية.


كنا في الاجازه وبحكم حبي للاطفال قال اخوي الكبير ابو عزوز خذ الاولاد وومشهم في الرياض
قلت ابشر واتفقنا نروح حديقة الحيوان
عزوز ذكي جدا ونبيه وسارة مفهية واخو عزوز يسميه عزوز العبيطة لانه بيني وبينكم صدق عبيط الولد:cry:
دخلنا حديقة الحيوان
وعزوز ما فيه حيوان يعجبه ابد
والعبيط مو عارف اصلا انها حيوانات همه العصير والشبس
وسارونه بغت تنجن من حبها لها
وانا اصور واعلق وافر بهم
طبعا باذكر لكم هنا تعليقات عزوز على كل حيوان
والمشكلة انه يعرف اسمائها من الروضه
لكن في الروضه اشكالها رسمات وحلوه وعلى الطبيعة اشكالها غير
اسمعوا بس التعليقات :
الدب : يسميه دبدوب غصب ويقول ليش لونه مو ابيض واسود وليه وصخ كذا .
الزرافه : الحيوان الوحيد اللي اعجبه ويوم وصلنا له قال زي خالي حسين ههههههه ( ذبه دايما نقولها لخاله حسين لانه طويل نقول له يالزرافه )
الفيل : قال معه يد في وجهه ههههههههههههههههه:s2:
الجمل ابو سنامين : هذا حير الاطفال صراحه عشان السنام الاكسترا ذا لانهم متعودين على البل في الديره وقالت لي سارونه ليش ياعمو معاه ظهرين
طبعا كالعادة انتظر عزوز يقول لها اسكتي لكن ذي المره التفت لي وقال صدق ليش معاه ظهرين قلت امممممممم عشان واحد اسبير هههههههههه
حشروني وش اقول
المهم الحيوان اللي بعدو
الفهد: يوم وصلنا للفهد قلت وهذا الفهد العربي قال عزوز لا هذا نمر قلت لا فهد قال والله المعلمة حنان تقول انه نمر قلت والله العظيم فهد انا ادرى قال انت حيوان هذا نمر قلت نمر نمر الله يلعن اللي يزعلك ويزعل المعلمه حنان ياشيخ:wub:
القرود: طبعا عارفين وش التعليق سارونه ما ناظرت تقول عيب مو لابسين وعزوز يقول حيوانات ما يلبسون حفاظات زي عبيطه وقال لي ليه فيهم دم تحت قلت مو دم كذا لونهم قال لا دم فحسيت ان حوار النمر والفهد بينعاد فقلت دم دم خلاص اللي ودك قال طيب ليه دم قلت اممممممممم عشانهم ما سمعوا كلام امهم وامهم خبطتهم كلهم قال طيب ليش امهم فيها دم بعد :to: قلت لانها ما سمعت كلام زوجها وضربها قال وين زوجها قلت راح الدوام قال اهاااا والله زوجها حيوان
وحيد القرن: لقيناه منسدح فقال عزوز وااااو ذا كبير ياكل واجد وسارونه خافت منه ويوم بغينا نروح من عنده صاح عزوز تعالوا تعالوا عرفت ليش هو دب شوف ياكل الذبان بعينه هههههههههههه(كان حول عين الاخ ذبان وبغمض عينه عشان يهشه ) تحفه ولد اخوي ذا هههههههه
البط ، الطيور ، الوعل : كلها يقولون عند جدو مثلها في المزرعه (وطبعا أي غزال يشوفونه يقولون تيس واي طير يقولون حمامه )
جينا للخطير جدا :::
الاسد هههههههههههه : هذا الحيوان الوحيد اللي حبه عزوز وربي تحسون انه بالفطره ما قال ولا تعليق ولا شي جلس يناظره كثير وساكت فعلا هيييييييييييييييييييييييييبه تفرض نفسها وربي يمكن ربع ساعه بس جالسين نتامله .
بعدها كلنا وشرينا العاب وركبنا الموتر وطبعا عزوز قدام فقلت يلا يا اطفال وش احسن حيوان شفتوه قال عزوز الاسد وقالت سارونه البطه (قايلكم حتى ذوقهم زي وجيهم ) وقلت وانت (اقصد اخو عزوز ) قال عزوز ما يعرف عبيطه ما يعرف :s2::s2::s2:
ههههههههههههههههههههههههههههه
ياحبي لك ياعزوز :smilie47::smilie47::smilie47:

الموقف الثالث :
الابطال : شخصي الكريم ، عزوز
المكان : المزرعه في نجران.
الزمان : مدري يوم ما .

الموقف قصير بس مضحك
كنت خارج من العريش الضحى وعزوز يحفر تحت شجرة تين ومسوي له سواقي وسدود وعبارات وحركات ومعه سياراته والعابه وكان فعلا مشغول بمشروعه
انا كنت طربان وكنت اغني (وين احب الليله وين وين احب الليله وين وين احب الله وين وين احب وين اهيم)
وما عطاني وجه وانا اكرر الغنيه
فقال والله مدري والله العظيم مدري وين :laugh::ap:
ههههههههههههههههههههههههههههههههههههههههههههههههههههههههههههههههههههههه
ورب البيت جلست اضحك على جوابه يفكرني اساله الصبي:ap:
قلت له لا ياخوي هذي غنيه لمحمد عبده
قال انت خبل انا ابغى اسوي بايكه (مظله ) للسيارة خلاص روح
ورحت
هههههههههههههههههههههههههه
ياحبي لك ياعزوز:smilie47::smilie47::smilie47:

الموقف الرابع والاخير :
الابطال : علي ولد اختي اذا تذكرونه (9 سنوات) ، ابوه ، ابوي ، شخصي الكريم.
المكان : الحرم الله يعمره .
الزمان : شهر رجب .


كنا في الحرم ابوي وابو الولد مطاوعه وانا من جنبها وولد اخوي يبي يفلها في جده
المهم كنا نطوف حول البيت وندعي ابوي بيني وبينكم شوي سمين مو شوي يعني شوي كثير تدرون الرجال دب ولد اختي طايح فيه حش وذب
يقول : جدي ذا فلس الحكومه كل يوم يغيرون رخام الحرم هههههههههههههههه:s2:
جدي الوحيد اللي ما فيه حد يستجري يزاحمه في الحرم ههههههههههه:s2:
تصدق والله ان الثوب ساتر شوف الاحرام فضح جدي طلعت بلاوي هههههههههههههه:s2:
ويقول انت عارف ان الحجاج اللي برى السعوديه يرسلون اول شي مندوب منهم يشوف اذا جدي موجود عشان يلغون الرحله عشان عيالهم وشيبانهم:s2:
طبعا انا اسكته وميت ضحك واقول لا تحش في ابوي خاف الله تحش عند بيت الله قال انت اللحين متضايق عشانه ابوك والا عشان بيت الله حدد:to:
قلت كلها قال لا اكثر شي
قلت عشان بيت الله :naughty:
قال ما عليك انا بزر ما ربي بمحاسبني لكن اذا انت متضايق عشان ابوك عادي انا باحش في ابوي
قلت حش يالله ( ابي انتقم)
قال والله ياخال ان ابوي ذا اكبر متفلسف في التاريخ:s2:
تخيل مانع الدش علينا وعنده في غرفته دش يقول عشان العربيه
وربي انه نصاب يحط على روتانا والشله s121s
ولا تغرك لحيته تراه يقرا كتب شعر من اللي خبرك
قلت أي كتب
قال زي اللي عندك قلت ذي اشعار العرب عادي :s5s:
وهنا قلب علي وقلت عادي كتب ثقافية
وقال أي عادي عديت الكتب اللي عندك هذاك اليوم وطلعت 966 كتاب هههههههههههههههه
وكل عناوينها اشعار الغزل ، اجمل ما قيل في الوصف ، فلسفة الارواح ، نساء في تاريخ الحب ، كتاب الاغاني .....
وربي انت وابوي منافقين :mad::mad:
طبعا مع الكلام ذا قال ابوه اسكتوا واطلبوا الله
قال ولده اكيد بنطلبه اجل نطلبك انت اللي لي سنه اطلبك نروح جده وتجيبنا مكه
ثم توجه للباب وقال يارب نروح جده يارب تكفى نروح جده يارب اذا رحنا جده تكفى لا يروح ابوي معنا يروح خالي وابوي يجلس في مكه مع جدي قال ابوه ما فيه احد يقول لربه تكفى وش تبغى تكفي ربي فيه انت وجهك
على طول الولد قال يارب وخر التفلساف من ابوي عشان قد هو ذابحني به s121s
وربي البيت انا مت ضحك :s2::s2:
وقال ابوي لي عمرتك ذي زي وجهك عدها لحالك
قلت السمع والطاعه طال عمرك
وعدت العمره عشان الشيخ علي هو وجهه

ياحبي لك يا مكه :smilie47::smilie47::smilie47:

شباب الموضوع الهدف منه ضحك ووناسه
اللي مو عاجبه الموضوع ارجو انه يكتفي بالقراءه فقط
مشكورين

وعليكم السلام ورحمة الله وبركاته .. < وش ضاركـ لو كاتبها كامله

< اجل البنات ماتدناهم ض1 ..

اكثر موقف اعجبني حق الخنفسا وحدبقة الحيوان ..

شوكرا لكـ ع رسم الابتسامه ..

اختكم .. ميمي

المهم من موقفك الرآبع ودي اخذ عمره مع جدك :d




الانبرآشآت جآيتك جآيتك :to: :d

موققف العمره الموقف الاخير ههههههههههههههههههههههههههههههه
يسسسلمو على موضوعك والمواقف الحلوه .

ههههههههههههههه الموقف الأول قوي هههههههه

الله يعطيك ألف عافية

الله يحيكم يالربع

اجل الانبراشات جايه جايه الله لا يعوق بشر ههههههههههههههه

منورين وربي

فك الحجز :cry:

كتبت رد طول ابليس واخر شي انفصل النت :cry:

لكن برَد :d

بالنسبه للموقف الاول عندي موقف مشابه له :d

مره من المرات كنا بالمزرعه :d وشايف اخواتي الصغار مجمعين لهم كم قبون ومتجمعين لهم على نخله توها مسقيَه :d { شغلوا خيالكم :s2:} المهم اشوفهم ينطلون لهم كل شوي قبون :s2: ويوم سألتهم ليش يقولون نبي نعلمهم السباحه :s2::s2: عاد لحقت لي على كم قبون واطلقت سراحه :wub:

ولا مره من المرات اختي العنود شايفه جالسه بنص الحوش ومعها جزمه وانتو بكرامه وكل ما مر عندها نمله ذبحتها :s2: سألتها ليش تقول ليش يدخلون بيتنا :ranting::s2:

وبس تسذا :wub:

الله يعطيك العآفية موضوع شيق ورآئع ومضحك بنفس الوقت < يتفلسف مثل طيب الذكر :d



ههههههههههههههههههههههههههههههههههههههههههههههههههههههه


:s2::s2:

ههههههههههههههههههههههههههههههههه

حياكم الله يالربع ولا هنتو

بعض الناس : اسمهم اطفال مو غران يامتخلف

هههههههههههههههههه

الله يحفظهم

بجد استمتعت وانا اقرأ

خصوصا العمره

هههههههههههههههه

اسعدني استمتاعك اخوي تونتي

منور

بالله عليك وش اعجبك فيها هالبنت

لكن منورة كالعاده وشسمه

هههههه..

الله يعطيك العـآفيـه ..


تقبل مروري ..

ههههههههههه
ربي يحفظهم ..
بجد لما اكون طفشانه لأقصى حد انادي اختي عمرها 3 سنين ..:ga:
واجلس معاها ..وطبعا كل الهرجه "وليش"؟
واحيانا افتح كاميرة الفيديو واتفرج لحالي ..واضحك..:s2::s2:
احلى شي الاطفال ..:smilie47:
والبنات احلى واهدأ من الاولاد ..:s4s:

اهدى بس اسمج

ههههههههههههههههههه

منورين يالربع

وا بسم الله عليه هالـ( علي ), يهبّبّبّل :s2::smilie47:

استمتعنا والله بقراءة مواضيعك ..

واصل (يـا رعــاك الله) :rose:

اطلق شي قصة مكه
خلوه يجيني بس اسبوعين :smilie47::wub:

اجل يارب تكفى نروح لجده :s2:

بنت اختي اذا سويت نفسي ابكي عندها تجي وتحاول تشيل يديني عن وجهي واذا وخرتها وضحكت صفقتني :s2:

احس انها تقول اجل تلعبين علي :laugh:

وه ياحلووهم البزارين :smilie47::smilie47::smilie47:

شكرا

يهبل وبس الا كله هبال

واللي قاهرني لما قالوا له مدري من انت طالع له يا هالشيطان يقول لخالي الطعنه

هو ما يقول الطعنه يقول اسمي الصدقي الرهيب اللي ما تعرفونه


منور اخوي

الهنوف هههههههههههههههههههههه

ميزة الصغار سيده ما يعرفون اللف والدوران

منورة غلاتي

هههههههههههههههههههههههههه


الله يسعدك .. .. أومآ الموقف حق حديقه الحيوآن .. تكرومون ..

:D:D:D:D:D:D:D

ووودي وتحيآآتي

هههههههههههههههههههههههه

حياك اخوي منور

الاطفآل هم زينة الحيآة ,,
واحلى شئ فيهم برآئتهم ,,
قلوبهم طآهرة ,,

الله يسعدك ,,اسعدتنآ بالموآقف ,,
الله يخليهم لكم ويطول بآأعمآرهم ,,

كل الشكر لك ,,

بالتوفيييق ,,

العفو اختي محبة الرحمن

وشرفني ابتسامتك

منورة

ههههههههههههههههههههههههه
ياخي يعجبني البزر الملسون :d

غــــــــــــرررراااااااان :s3s:

الله يحفظهم ان شاء الله .. احب الأطفال من جد هم ملح الحياه :smilie47: ..
بس احب يصير فيهم براءه :ba1: ..
اما اذا صار لسانه طويل اصير كذا معاه s121s:mad: ..

ههههههههههههههههههههههههههههههههههههه

منورين يالربع


اروانو:
واله ما به غرير غيرك هههههههههههههه

مشاءالله علييكم ..
بس اكثثر شي اعجبني علي .. احسه إنه مااعنده وقت اللي بقلبه على لساانه ..
بس حرام عليكم ساارونه كل شي ولا البنات <<:ranting:

ياملحهم عزوز وعلي بسم الله عليهم
ماعندهم وقت في الوجه يعطونك :d:d:d
احساسي ان سارونه مملوحه بس عشانك ماداني البنات ماشفت ملحها << ترى انت الخسران :d:d:d
والله يخليهم لكم ان شاء الله ويحفظهم
صدز ان البزران ملح هالحياة

ويعطيك الف عافيه خيوو ع المواقف الطريفه
والله يوسع صدرك بطاعته
وتقبل تحيااتي

للاسف الاطفال يجيبون الكدر والنكد نعم واللي يقول غير كذا يغالط نفسه الكورة عجيبة غريبة والثنيان لايمكن التنبئ بما يفعل

ههههههههههههههــ ..

أمَــآ هذآآ عزُووووز منسِم .. سلملي عليــهـ بسس ..

حياااا الله عبدالعزيز خخخخخخ

وشسمه بالنسبة لعيال اخوانك وربي انهم تحف تحف
اما سميك الصغيرر لكييع الورع ذااا هههههههههه

يعطييك العااافية

ياحب البنات للبنات >>مسوي اكتشاف خطير :d

توتا من وين نخشتي هالموضوع قد نسيته :d

لكن منوره :rose:

الله يهديهم الي خلوش تغيرين نكش هههههههههههههههههه

منوره :rose:

اللهم امين اختي
يعطيش العافيه على مشاعرش الفياضه (وربي الفياضه اعجبتني)

منوره :rose:

ياشباب التركيز واجب وربي

بس ايام اختبارات كل شي فيها عادي:d

منور:rose:

يوصل ياشنب s121s

منور:rose:

هلا صديقي

انت تشوف اخواني
كل ما جاء لواحد فيهم ولد سموه على اسمي

على بالهم الاسم سر الابداع :d

منور :rose:

يعطيك العافية
صرآآآآحة>>تعجبني موآآآضيعك
أما عزوز تحفة هو اللي عارفلك

اجل ماتحب البنات هاه الا ملح الدنياااا لبى قلوبنا:smilie47: عاد انا مااحبكم يالاولاد تعشقون شي اسمه نذاله:to::ranting:,,,اما الموقف الاول والاخير هههههههههههههههههههههه ياحليلهم ماشاءالله:wub: