|
رسال الى أدارة الهلال قبل أن يضيع منا الدوري والأسيويه بسم الله الرحمن الرحيم السلام عليكم ورحمة الله وبركاته هل سيعود الهلال الى ذاك الزمن الذى يكون فيه بعض اللاعبين الذى ( ضررهم أكبر من نفعهم ) هناك لا عبين سابقين مثلوا الهلال كانوا ( عاله ) على الفريق ولكن تم التخلص منهم شيئاُ فشيئاً حتى أصبح الفريق ( يتوهج ) بنجومه الذى تحتار معه كيف تختار من هو الأفضل .. ولكن وبعد أصابة الزوري ونامي ظهر لدينا ( الفرج ) وأنا هنا ذكرت أسمه لأنه الحقيقه ( ظلم ) بأقحامه ( بهذه المهمه ) أولاً لصغر سنه وثانياً لعدم الإسقرار على وضعه فى خانه معينه . مره ظهير ومره محور وغدا مهاجم ويمكن يكون حارس أيضا . شاهدنا أمس فى كذا لقطه زملائه يطالبونه بالتقدم حتى يفتح الملعب ولكن حركته بطيئه ( وكنتروله ) على الكوره ضعيف والفريدي ذاك اللاعب الغريب العجيب يظهر مره ويختفى مرات يقتل الهجمه بكل برود أما بأحتفاظه بالكره أكثر من اللازم أو بتمريره خاطئه ثم يقوم بمتابعة اللاعب الذى قطع منه الكره ويعمل معه فاول ( كرت أصفر أو أحمر ) على الفريدي . حسن العتيبي الله يهديك الحكم لم يحتسب عليك أى خطاء لماذا هذه العنجهيه وأيضا ( حشف سوء كيل ) تقف أمام ضربة الجزاء وهي لا تبعد عن قدمك غير شبر واحد ولم تحرك ساكن ( وش تحس الآن ) ... هام للأداره الدوري بالمنعطف الثاني والفرق ( كل ) الفرق سيتغير مستواها وستتغير نظرتها للمراكز التى هي فيه الأن منها من يفكر بالصداره ومنها من يفكر بالمراكز الأربع الأولى حتى يضمن الأسيويه ومنها من يفكر بأحد المراكز الثمانية حتى يضمن الدخول بكأس خادم الحرمين . ومنها من يفكر بالهروب من النزول للدرجه الأولى . وكل هذه الفرق سوف ( تقاتل ) من أجل نقطه فما بالكم ( بثلاث نقاط ) وما ينطبق على الدورى ينطبق أيضا على الأسيويه ولكن بصوره مختلفه فجميع فرق المجموعات تبحث عن النقاط عساها تلعب دورى السته عشر على أرضها ... أذا أيه المسؤلين عن الهلال مراحل الجد دخلنا أجوائها ولا مجال فيها للمجاملات وتحمل الإخطاء فمثل ما أن اللاعبين الذين يرفعون الضغط يستلمون مستحقاتهم ( على داير ملم ) أذا نحن أيضا نريد الإخلاص منهم والتضحيه . سؤال مهم الى أدارة الهلال ..... من العام الماضى تعاقد الهلال مع كم لاعب للفريق الأول ولم نشاهد منهم بصفه دائمه غير ( المحياني ) والجيزاني فى فترات متقطعه الجمعان الله يصلح الحال الكعبي (مثل بيض الصعو يذكر ولا يشاف )وهناك المزيد الذين لا تحضرني أسمائهم الآن الشمري فهد ....... أعطوه فرصه كما كانت فرصة خالد شراحيلي ألم يكن هذا شراحيلي واحد من أسباب خسرتنا بطولة ( الأمير فيصل ) العام الماضي بتقدمه الخاطئ وسجل الشباب هدفين ليفوز بالبطولة بعد أن كنا متقدمين بهدف . هذا العام أعطيتم خالد الفرصه وبرز وأبدع وتم أختياره للمنتخب المشارك بالبطولة الخليجية وقدر ( الله ) وأصيب .. هناك ثلاث مباريات متبقيه قبل التوقف ( الحزم الفتح الفيصلي ) منها أثنتان بالرياض .. الشمري والكعبي أرجوكم خلونا نشوفهم في هذه المباريات الثلاث ... من عائلة ( ساكن عنيزة ) |
والله وصلت في موضوعك لحد الفريدي بعدين وقفت ياااااااااااااااخي مع احتراامي انت العجيب الفريدي يتحرك يمين يسار ويصنع لعب وصعب افتكاك الكورة منه وينظلم من المدربين ويخرج وويلي ما كأنه في الملعب ولا يخرج ايش رايك وشكرا على الموضوع |
ما فيه اي كلمة معقووووله قلتها |
يجب على إدارة الفريق التدخل وركن العتيبي على الدكة وإعطاء الفرصة لفهد الشمري .. فالفريق ليس بناقص لما يعمله حسن بالفريق http://upload.alhilal.com/img/004/DSC_0093.jpg |
اللهـ بس لو يجيبون ابو شمري نكون من الشاكرين لهم ^_^ |
إقتباس:
عشان كذا كان الواحد متضايق من نتيجة امس واللي كانت في ايدينا وفرطنا فيها .. مشكلة بعض الاخوان يجيب لي جدول ويحط كل نادي والنقاط اللي خسرها ويقول فيه أمل ؟ يتوقع ان الفرق بتفتح له بابها وتقول تفضل خذ النتيجة اللي تبيها ومافكروا انه ليس فقط المباراة المؤجلة التي سوف تاتي لك بالدوري بل هناك مباريات قوية ومصيرية لم نلعبها بعد . اذا كنا لم نحافظ على نتيجة مضمونه امام فريق ضعيف فهل نستطيع الفوز على فرق قوية مثل الاتحاد والشباب (مبارتين ) واللاعبين ليس لديهم حس المسئولية ؟ يعطيك العافية . |
يعطيك العافية هذا الكلام الصح |
على الاقل الفريدي تطلع منة كورة صح ويمرر صح اللة يعين على المرشدي بصراحة مستواة غريب مع انة مدافع جيد |
شكراً على كل كلمة قلتها والله يكثر من امثالك أما المطبلين فهم من نفخوا في اللاعبين حتى صدقوهم ليعلم الجميع أنه بعد اعتزال سامي لم يأتي اللاعب الذي يحترق على الهلال ويقاتل من أجل الهلال وكل اللاعبين الحاليين يحاولون الخروج من كل المباريات سالمين يعني يأخذ الرتب والعقد وليش يتعب نفسه يعني كان الهلال جمعيه خيرية ولا يفكرون في الجماهير ولا يفكرون في تاريخ الزعيم الذي سيلطخ مع أنصاف اللاعبين والله لا يستحق كلمة لاعب محترف إلا من يقاتل لآخر دقيقة وليزعل من يزعل |
الصراحة العتيبي قهرني يعني أحمد ربك الحكم ما حتسب بلنتي تروح تهجم على الاعب وش ها التصرف على ماقال خلف الغبي الصرحه إذا كان الهلال بها الاعبين ما راح ياخذ ولا بطوله سامي الجابر وجوده مع الفريق مهم جدا الصراحه الهلال يحتاج احسب معي إحتياط دفاع إحتياط ظهير أيسر مهاجم هداف صانع لاعب بديل نفيز لأن نفيز لاعب أناني اتمنى تغير لاعبين الهلال ألاجانب كلهم إلا رادوي بعض لاعبين الهلال أسف على هذه الكلمة مــــــــتخاذلين |
مشكووووووووووور ,, وآلله يوفقـ هلآلنـآـآـ |
اتمنى ماتكون فكرة عند بعض الجماهير ان الفريدي نزل مستواه خلاص كل المباريات تعلق على الفريدي الفريدي امس بدع وين ولي امس ولا الي قدام المرمى الفريدي اهداله كوره ما يحلم فيها ويحطها ابالحارس الفرج اتفق معك انه ظلم في هذا المركز بس من وجهة نظري بدع اقل شي تقدم مو مثل لي الي محسوب ظهير ومسنتر عند قلوب الدفاع الهلال يحتاج تغير ثلاث محترفين (لي يونج&&ولي&&تياقو نيفيز) أتمنى ماتجي الاسيوية وما نشوفهم بالنادي اوه نسيت نحتاج قلب دفاع |
الـهـــلال حالياً يحتضر بوجود لاعبين غير مباليين ولاهيتم بالجمهور ولا بتاريخ الهلال .!؟! الضرب بيد من حديد من قبل الإدارة لنجوم الهلال .. اللي " روح الهلال " صارت غائبة عنهم قالها الأمير عبد الرحمن اللي يتخاذل ويتهاون مكانه في المدرجات .. !! |
|
خلاص رح الهلال (كــأن فيه شي اسمه الهلال) |
| الوقت المعتمد في المنتدى بتوقيت جرينتش +3.
الوقت الان » 06:35 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd