|
على بلاطه مايحدث اللان يسمى الموت البطيء+يااداره ويازعماء هذي استفساراتي ممكن تقنعوني ؟؟ بسم الله الرحمن الرحيم من حقي كجمهور انتقد من حقي اتكلم من حقي ايضا ان يكون هناك رد لنا كجماهير عاشقه نحترق ونتألم لوضع هلالنا هذا الموسم استفسار رقم (1) سوال هل الكعبي الظهير الايسر مصاب ؟؟ هل اللاعب غير منضبط ؟؟ نريد اقناع من سامي الجابر لان المشكله مااعتقد انها من المدرب لان من ايام قريتس ونحن نعني بااصابة الزوري وبعده ستامب واللان كالديرون اذا ماهو التفسير ؟ استفسار رقم (2) سوال لكالديرون لاعب ماهو بجو المباراه مثل نيفيز هل لانه يعد لاعب اجنبي يجب ان يلعب ؟؟ باعتقادي نيفيز بدا يتعالى على الهلال وكل هذا بسبيل ان ينهي الهلال عقده ليتمكن من الانتقال لاوربا حتى تسنح له الفرصه للعوده لصفوف المنتخب البرازيلي استفسار رقم (3) سوال اخر هل ويلهامسون هو ويلهامسون الموسم الماضي ؟؟ بيجي واحد اللحين بيقول مشاكله الاسريه هل انا ذنبي كجمهور احضر واحترق وانا اتابع المباراه ان ويلهامسون عنده ظروف ولا يؤدي لنا مانريده منه بالمباريات ؟؟ استفسار رقم (4) طيب نروح للشاطر حسن بغض النظر عن صحة القرار وباعتقادي انه غير صحيح لان لاعب التعاون بالغ ومثل وحصل على البلنتي لكن لاعب خبره وعمره تجاوز الـ33 ابغى سبب واحد لاندفاعك الارعن على لاعب التعاون ؟؟اذا اسمينا حصول خالد عزيز على بطاقه حمراء بنهائي الدوري قبل موسمين بالاحمق وتصرف الكوري باخر مباراة اسيويه بالاحمق كذلك فاعتقد ان تصرف حسن حماقه مع مرتبة الشرف وانا اقول تصرف ولااقصد اللاعب بعينه ويجب الخصم على حسن اعتقاد اعتقد ان الهلال سيخرج ممن السباق الحميم على الدوري قد يقول قائل ان الهلال متصدر بحسابات المباريات المؤجله لكن انا احكم على مستوى ومنظومة عمل لااراها بافضل حالاتها حاليا واعتقد ان الهلال يموت موت بطيء ويترنج حتى اللان استنتاج اثبتت لنا الايام ان قرار الاداره بعدم احضار اخصائي لياقه بعد رحيل مدرب اللياقه السابق قرار كوارثي وليس خاطئ فقط وهو سبب الاصابات والاداء الباهت من اللاعبين حتى اللان رأي وكلام الاداره ان مدرب اللياقه لادور له وان تدريبات اللياقه توضع بواسطة المدرب ومدرب اللياقه ينفذها باختصار كلام مأخوذ خيره استفسار رقم (5) اذا كان كذا لماذا لم يتم التخلي عنه من بداية الموسم ولماذا الابقاء عليه وصرف رواتب له دام ان وجوده تكملة عدد حقيقه اهم شيء بعالم كرة القدم اهم من المهارات واهم من السرعه وقد لاباالغ اذا قلت اهم من التكتيك هي اللياقه وهي مافتقده الهلال منذ مباراة الهلال وبونكيور الاوزبكي حيث ظهر الهلال فريق مهلهل ومتهالك اقتراح اذا اراد الاداره ان تعيد ولو قليلا من بريق الهلال فعليها الاستغناء عن ويلهامسون ونيفيز وتدعيم الفريق باظهره من الوزن الثقيل اسف للاطاله |
كلام سليم 100% وواقعي وفي نظري السؤال الخاامس ابي اعرف اجاابته |
اوما مافيه مدرب ليااقه ايه والله كارثه ونبي لاعبين غير نيفيز وويلي خلاص انتهووو نبي لاعب وسط وومهااجم عليه الكلام ومعاهم شهيل وياسلااام بس على هيك فريق مشكور على غيرتك وكلام سليم |
أكثر ما قهرني بالمباراة التصرف الأرعن للاعب الغير مبالي أبدأ حسن العتيبي قالها الأمير عبد الرحمن اللي يتخاذل ويتهاون مكانه في المدرجات .. وشاهدنا الكثير من حسن اللي يخلينا نقول نفّذ وعدك يا أمير |
يعطيك العافيه والله بردت قلبي لاني كان فيه هذه الاسئله ونريد من سامي الجابر الذي احضر كالدرون الرد على هذه الا سئله في اقرب وقت ممكن لاننا نحترق من اجلهم وهم لا يقدرو لنا هذا الجهد ونحضر ولكن لا من مجيب وتخبطات المدرب رح تودينا في 1000 دهيه ولكن اتمنى ان اكون مخطا ولا اظن |
كلامك صحيح نفيز وولي اتمني يكونون اول المغادرين من الفريق اتمنى استفساراتك توصل للاداره وتقول للجمهور وش قاعد يصير |
لاتنسى كثرة الاصابات هل بسبب مدرب اللياقة او الجهاز الطبي تقبل مروري |
الصبر مطلوب لاننسى ان هذه اول مباراة بعد التوقف |
ليس من حقكم ان تنتقدواا لانك مادفعت نص ريال ولا ريال من حقكك ان تقترح وتضيف الفايده وليس النرفزه ومواضيع غرريبه انتم دائما تطالبون باشياء غريبه وكانكم انتم من بناء الهلال واحضر الاعبين الاداراه تعرف كيف تتصرف مع الاعب وهي دافعه له ملايين يعني ماراح تفرط فيه لو تفحطون لكم كل شكري والانتقاد للفائده وليس انتقادتكم بلا معنى لا تودي ولاتجيب بس تصنع النرفزه والمشاكل |
أوافقك الراي يعطيك العافيه ع طرحك الراقي |
كثير يقولون ان ويلي سيء وهو افضل صانع لعب واكثر صانع لعب للفريق !! إقتباس:
ولسامي تصريح ان التعاقد معه للأولمبي ولم يشارك مع الاولمبي اذا الواضح هو تعاقد تكملة عدد !! واسطة الفرج قوية مع انه واضح وضوح الشمس ضعفة الدفاعي إقتباس:
بالفعل وغيره كثير من المستهترين والامبلايين ولكن وين الحساب والعقاب من الاداره وين كلام الامير من لايحترق لأجل الشعار مكانه في المدرجات !! فقط عزيز طبق عليه الامر والبقية فوق الكلام !! إقتباس:
كلامك سليم واتفق معك خصوصاً اننا لم نقبل هدايا " التعادلات من الانديه المنافسه" !! |
اقتراح اذا اراد الاداره ان تعيد ولو قليلا من بريق الهلال فعليها الاستغناء عن ويلهامسون ونيفيز وتدعيم الفريق باظهره من الوزن الثق ============================================================================ يالله على ايدك ارسل لهم فلوس علمهم شغلهم كاداراه فاهمه تبني للهلال انت ماعليك الا انك ترسل 3 ملايين بس ويستغنون عن ابوا نيفيز وويلي لك كل تحياتي وارجو ان نتعلم شي الى الان لم نتعلمه خل الفلسفه لاهلها ةادارة الهلال ابخص ةاعرف مني ومنك في هذه الامور |
من حقك السؤال ومن حقك ان تحصل على اجاباتك .. انا اعتقد ان الايام القادمه ستحمل الكثير والكثير .. لكن لنصبر وانا اخوك ... فانا اثق بالاداره وانها لن تسكت على هذا الاستهتار تحليلك ممتاز واسئلتك رااائعه تقبل شكري |
أتفق مع كلامك وأتمنى التعديل من الوضع السيء وعودة هلال الموسم الماضي |
تسلم أخوي أنا بقول فال الله ولا فالك بأذن الله الهلال راح يرجع ولا يموت هي فقط بعض الأخطاء والكوارث التحكيميه + تهاون من بعض اللاعبين وأخطاء من المدرب في تأخر التغيير وعدم أستبدال نفيز وولي الي موتو الفريق. تقبل مروري |
إقتباس:
إقتباس:
اولا: انا واحد من الجمهور ويكفي اني اقول واحد من الجمهور واقسم بالله لو عندي استطاعه ماليه اني ادعم النادي بكل شيء اقدر عليه ثانيا رئيس النادي ونائب الرئيس ومشرفيين الشبكه يتقبلون النقد فمن انت مع احترامي لتكلمني على الاقل بهذا الاسلوب ولو اني اخطأت كان ماسمحوا المشرفين ببقاء هذا الموضوع ثالثا: اذا منطقك كذا فمن باب اولى ان نغلق الصحف ونكمم افواه النقاد والصحفيين والجمهور ونغلق شبكة الزعيم وروم الزعيم ونتفرغ لمشاهدة المباريات رابعا قولك ان الامير عبدالرحمن بن مساعد يدفع وهو اكثر واحد يحرص على نجاح الفريق فانا معك بهذي النقطه ولكن هذا مايمنع ان فيه اخطاء واذا قلنا فيه اخطاء هذا مافيه تقليل من الامير الله يحفظه بالعكس كله بمصلحة الهلال |
كلآمك وآقعي وسليم 100% لكن ولله آلحمد آلآمور لآ زآلت بيد آلهلآل بعد آلله سبحآنه ,,, لكن هل سيقدم آلزعيم مآيشفع له للظفر بآلدوري ؟ آلإجآبه في قآدم آلآيآم وعسآهآ ودي وإحترآمي لك آند للجميع :rose: بردت قلبي آلله يبرد قلبك وقلب كل زعيم وزعيمه :yes: |
يعطيك العافية ياغالي وأشكر لك حماسك واحتراقك من أجل ناديك والله العظيم أنا بعد مثلك مقهور ولا أدري وش أقول بس الله يستر من اللي جاي والله اني خايف على الهلال من بعد الاسيوية وآآآآآآآآآآه يا سامي ياليته على الأقل كان موجود ورب البيت هو روح اللاعبين بتواجده وتوجيهاته من خارج الملعب حتى مناقشاته للحكام والله العظيم له هبيته فديتك يا سامي والله |
كلام سليم 100% و واقعي أتمنى الاجابات عليها |
الاجابه راح تجيك بالانتقالات الشتويه وبتشوف والهلال سيبدا مبارياته من مباارات الحزم والاداره ماراح تسكت عن تصرف حسن بتصرف معه بس مايمديها تو المبارات مامر عليها 24 ساعه يعني يبيلهم وقت قليل عشان يعطونه الي يستحقه |
وش ذنبي اني اضرب مشوار من حايل للقصيم علشان احضر هالمهزلة من حسن والغنام والقحطاني ؟؟ حسن تصرف طفولي الغنام الحين الله موسعه يوم انت لحالك وش تبي تضايق على نفسك تبي تبرر لي وتقول كورة حديثه يارجال لو كان المركز مركزك العب كورتك الحديثه لكن مركز اول مرة تمثله شتت الكورة واللي قدام يلعبون الكورة الحديثه القحطاني : الهدف الاول من لمسة وحدة واستنتجت هدف بقية الكرات استعراض وبالاخير نخسر نقطتين ؟؟؟ |
إقتباس:
أيها الفتى الذهبي انا رايق وجوي راايق :naughty: وما فيني أي ضيقة :yes: ............. يالغلا انا ما دفعت نص ريال أو حتى ريال انا أخذت معاي 15 مشجع هلالي صغير ودفعت 320 ريال :laugh: انا ما ابي اشوف فريق يفوز بالخمسسه على التعاون ابي اشوف فريق يلعب بشكل منظم ماتجي اهداف الخصم عن طريق أخطاءه :ranting: المشكله ان هالشيء يتكرر دائما وأظل أقول وحتى صاحب الموضوع وأنا أتكلم بلسانه نحبك يا هلال :smilie47: لكن لماذا نزف النقاط ؟ 6 نقاط كلها ضاعت بتعادلات ومن اخطاء الفريق :mad: آآآه ياليتكم شفتوا الحالة اللي كنا فيها لمى جا هدف ياسر وهدف رادوي :s2: :yes: وآخر المباراه تجيني حالة من الهم والغم والكدر :cry: حسن العتيبي وش عندك داخل على لاعب التعاون بصدرك ؟؟ :ranting: بصراحة كان كملتها وصكيته بذاك الراشدي يعني (( طرااق )) اللي يلف خده دورتين ورى .. وخذ كرت أحمر وحرمان 10 مباريات وفيه غيرك حارسين يبون يثبتون أنفسهم .. عذرا حسن .. كثيرا ما أفرحتنا في كاس ولي العهد الموسم الماضي وفي آسيا .. :yes: وكثييير من المباريات :yes: ولكن وربي ما يستاهل اللي صار :yes: أنا عارف لو صديتها راح يتغير كلامنا 180 درجة ولكن لماذا المخاطرة يا عزيزي ؟؟ أما بالنسبة لحكم الصالات وحكم الخط الله يلخبط وجهه :ranting: ما أبي أقول شكيتكم لله لانها بالاخير كورة وهي فوز وخسارة ومباراة يعيدونها كل سنة أبي أقول أدوا عملكم بأمانة لانكم تاخذون مقابل :yes: وأنا أبتوسط لكم عند صاحب مطابخ الذهبي يعطيكم نصف تشيكن يوميا :s3s: وبدون رز بعد ....:s4s: آآآآآه لو تشوفون اللي معي وزعلهم :yes: أنا قاعد أضحك معهم ولكن مقهووووور.. :cry: أنا أطالب من أحد أعضاء الادارة وأتمنى حبيبنا سامي الجابر يرد على استفسارات صاحب الموضوع ؟ ربما هي إستراتيجية انه ما يرد ولكن اللي يصير غريييب يحق لي كمشجع أنقد وأضيف وأستغرب وأنـاقش من هذا المنبر ومن هذا الصرح الشامخ نريد إجابات :alzaeem::alzaeem::alzaeem: |
إقتباس:
شكرك بعنف اخوي وياليت يفهمون بعض الاخوان اللي مثل الفتى الذهبي ان جماهير الهلال هي الوقود الحقيقي للفريق وهي الرقم واحد والداعم الرئيسي تقدر تشتري لاعبين وتجيب اداريين لكن ماتقدر تجييب جمهور عاشق يملأ ملاعب المملكه كلها من شرقها لغربها من جنوبها لشمالها |
أوافقك الراي يعطيك العافيه ع طرحك الراقي |
الأخ الفاضل (((( الفتى الذهبي )))) أتدري من نحن اللذين ينتقدون /// ليس للنقد بذاته //// يعني ليس لللإنتقاص من احد ولم نقل أن الإدارة لم تبذل أو تجتهد لكننا كجمهور نحترق ونحرق قلوبنا وأعصابنا ويرتفع سكرنا وضغطنا كله من اجل الهلالالالالالالالال حبنا وعشق قلوبنا ولو طلب منا اي دعم للنادي لما بخلنا كل واحد على قدر إمكانياته فأرجوك لاتصادر حرياتنا بالإنتقاد الهادف البناء البعيد عن التجريح نريد ان يعود هلالنا مهابا قوبا كما كان اما ان نري لاعبين لايحس الكثير بالمسؤليه فهذا لانريد ايها الفتى000000000 0 |
إقتباس:
|
إن شاء الله الهلال راح يرجع ونحن واثقين من الإداره بس بصراحه بعض القرارت ما طبقتها الإداره . |
الفريق كله متهالك من جد ما في لياقة والدليل نتقدم على الأهلي و يتمكنوا من التعادل و نتقدم على التعاون ونفس الشيء |
أأخ بس قسم بالله بردت قلبي الله يبرد قلبك نريد أحد يجاوب علينا لكن لا حياة لمن تنادي ! |
الـهـــلال حالياً يحتضر بوجود لاعبين غير مباليين ولاهيتم بالجمهور ولا بتاريخ الهلال .!؟! الضرب بيد من حديد من قبل الإدارة لنجوم الهلال .. اللي " روح الهلال " صارت غائبة عنهم قالها الأمير عبد الرحمن اللي يتخاذل ويتهاون مكانه في المدرجات ..!!! |
مشكوررييييين ياخوان على مروركم |
الله يعطيك العافيه وكلااام واقعي جدا وغير كذا لابد من محااااسبت الشاطر حسن ... واتمنى من المشرفين رفع الموضوع ولا عليكم امرر ... |
يجب على الأداره الأستفاده من اخطائها وتفعيل العمل في النادي لكي يستطيع الفري مواصلة البطولات |
والله الهلال من تالي صاير غامض لكن وش نسوي |
أنا أطالب بتثبيت هذا الموضوع وأن يرد على الاستفسارات حبيب الكل سامي الجابر هذي أقل متطلباتي وأيضا من أبسط حقوقي كــمشجع هلالي ........ يمكن البعض يقول وش شايف نفسه هـذا اللي إسمه " صاحب الغلا " وانا أرد عليهم وأقول هذا من حر ما فيني لا أحد يقول الى الآن نحن في بر الأمان وعندنا لقاءات مؤجلة تخيلوا تضيع علينا نقاط من فرق مثل التعاون والاهلي والنصر >>> بدون قصور فيهم فمى بالكم بفرق مثل الشباب والإتحـاد أرجع وأقول ثبتوا الموضوع يا مشرفين ويجي أحد يرد على الاستفسارات |
جهد مشكور وغيره واضحه على اللون الازرق .. لكن مع رعونه الوصف وسوء التعبير . إقتباس:
اتفق معك بالكعبي لكن مثل هالاشيا ماتخش الراس مع كامل احترامي لك إقتباس:
وعلى فكره عمر الهلال ماعاش على حسابات غيره بالنتايج .. والمدرب الاسباني بيدرو مدرب اللياقه مدرب لايستهان فيه .. اللي الحين ماسك الفريق هذا اذا تعرفه ! اخوي بعد كل ماقلت .. لك مني كل الود واختلاف الراي لايفسد للود قضيه .. |
صح لسانك اوفقك الراي..:yes: بسس مااايدك -> مووت بطيئ :to: الكعبي متى بيلعب ..........!! |
اللهـ يعطيكــ الفــ عــافيهـــ |
مايفتقدة الزعيم في الوقت الراهن هو ( الروح) فقط |
المفروض اننا مانلوم لاعبينا والادارة ياشيخ توقفات الدوري تجيب الهم ولا موت بطيئ ولا هم يحزنون توقيف الدوري هو تخريب اجواء |
الدلع الزائد للاعبين وتهاون الاداره وعدم الحضور والمجاملات راح تضيع الفريق الاخطاء من بداية الموسم بسبب الابقاء على جريتس وهروب مدرب الياقه وغيرها من امور التفريط بعمر الغامدي وجلب مهاجين حواري الجيزاني والجمعان لحد لان ماني مصدق ذول يرتدون شعار الهلال الضغط على محمد الدعيع من قبل جريتس سبب اعتزاله وتهاون الاداره عن ثنيه عن القرار الفريق يحتاج مهاجم اجنبي سريع مهاري نروح نوقع مع لاعب وسط الاتجاه المعاكس انشغال سامي بملف قطر لكاس العالم خلااااااااصة الموضوع جريتس اهو السبب والاداره شريك معاه بسبب سماع كلامه في كل شي يامر فيه صراحه كان للكاتب الكبير صالح الحمادي مقال صريح زعل الكثير لاكن هذا اهو الواقع الي نشوفه لان يتحقق احساسي يقول واتمنى يخيب الهلال ماراح يحصل على بطوله هذا الموسم اذا استمر الوضع على ماهو عليه بالاخير عوافي اخوي وباتوفيق للزعيم |
و الله موضوع بالصميم اسئله نبغى الجابه عليها |
يجب على إدارة الفريق التدخل وركن العتيبي على الدكة وإعطاء الفرصة لفهد الشمري .. فالفريق ليس بناقص لما يعمله حسن بالفريق http://upload.alhilal.com/img/004/DSC_0093.jpg |
..الموت البطي.. اتفق مع كلامك في بعض النقاط بس ودي اضيف اضافة على كلامك الادراة الهلالية تعاقدت مع وليهامسون وتياقو بمبالغ باهضة كلفت الهلال الشي والشي والادارة الحكيمة لايمكن ان تبيعهم بأرخص ثمن ان لم يكون بالمبلغ نفسه لكن هناك حل ان تتخذ الادارة موقف صارم وحازم ضدهم بالمعنى العام((توريهم العين الحارة)) ومحاسبتهم على الاخطاء ولفت نظر بسبب التراخي بالمستوى.. |
من الاَن فل نفكر في الموسم القادم لإن الموسم هذا خلاص ما فيه عقوبات ولا شيء على اللاعبين لإن كل لاعب ماله احتياط لـ ذالك يستهتر مثل حسن العتيبي و رادوي و ويلي ونيفيز والفرج والمرشدي ,, العادة إذا بغيت تـ تكلم عن روح الهلال تـ تكلم عن رادوي اما اللحين بدأ يستهتر وكأنه يقول ما ابغى الهلال ,, |
كلام سليم واستفسارات في محلها ان شاء الله التعويض بالقادم لاهنت |
يعطيك الف عافيه وكلامك عين العقل |
| الوقت المعتمد في المنتدى بتوقيت جرينتش +3.
الوقت الان » 10:36 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd